ಬೆಂಗಳೂರು : ಮನೆ ಮುಂದೆ ನಿಲ್ಲಿಸುತ್ತಿದ್ದ ಬೈಕ್ ಅನ್ನು ಎಗರಿಸಿ ಪತ್ನಿ ಮತ್ತು ಸಂಬಂಧಿಕರಿಗೆ ಉಡುಗೊರೆ ನೀಡುತ್ತಿದ್ದ ಖದೀಮನನ್ನು ರಾಜಾಜಿನಗರ ಪೊಲೀಸರು ಬಂಧಿಸಿದ್ದಾರೆ. ಬಂಧಿತನನ್ನು ಭರತ್ (32) ಎಂದು ಗುರುತಿಸಲಾಗಿದ್ದು, ಬಂಧಿತನಿಂದ 7 ದ್ವಿಚಕ್ರವಾಹನ ವಶಪಡಿಸಿಕೊಳ್ಳಲಾಗಿದೆ.
ಕೆಲ ದಿನಗಳ ಹಿಂದೆ ರಾಜಾಜಿನಗರ ನಿವಾಸಿ ನರೇಶ್ ಅನ್ನುವವರು ತಮ್ಮ ದ್ವಿಚಕ್ರ ವಾಹನ ಕಳವು ಆಗಿರುವ ಬಗ್ಗೆ ದೂರು ದಾಖಲಿಸಿದ್ದರು. ಈ ಸಂಬಂಧ ತನಿಖೆ ಕೈಗೆತ್ತಿಕೊಂಡ ಪೊಲೀಸರು ಸಿಸಿಟಿವಿ ಆಧಾರದಲ್ಲಿ ಆರೋಪಿ ಭರತ್ ನನ್ನು ಬಂಧಿಸಿದರು.
ವಿಚಾರಣೆ ಸಂದರ್ಭದಲ್ಲಿ ಭರತ್ ಕೊಟ್ಟ ಹೇಳಿಕೆ ಪೊಲೀಸರಿಗೆ ಅಚ್ಚರಿ ಮೂಡಿಸಿದೆ. ಕದ್ದ ಬೈಕ್ ಗಳನ್ನು ಪತ್ನಿಗೆ ಗಿಫ್ಟ್ ಕೊಟ್ಟಿದ್ದ. ಜೊತೆಗೆ ಕದ್ದ ಬೈಕ್ ಗಳನ್ನು ಮಾರಿದ್ರೆ ಸಿಕ್ಕಿ ಬೀಳುತ್ತೇನೆ ಅನ್ನುವ ಕಾರಣದಿಂದ ಸಂಬಂಧಿಕರಿಗೆ ಗಿಫ್ಟ್ ಮಾಡುತ್ತಿದ್ದ. ಜೊತೆಗೆ ಆರೋಪಿ ಭರತ್ ಮೂರು ದ್ವಿಚಕ್ರ ವಾಹನ ಇರಿಸಿಕೊಂಡಿದ್ದ.
ಇನ್ನು SSLC ವ್ಯಾಸಂಗ ಮಾಡಿದ್ದ ಆರೋಪಿ ಗುತ್ತಿಗೆದಾರರೊಬ್ಬರ ಬಳಿ ಕೆಲಸ ಮಾಡಿಕೊಂಡಿದ್ದ. ಟೈಂ ಸಿಕ್ಕ ವೇಳೆ ಕೀ ಇಲ್ಲದೆ ಬೈಕ್ ಎಗರಿಸುತ್ತಿದ್ದ.
Discussion about this post