ಯುವಕನಿಂದ ಯುವಕನ ಮೇಲೆ ಅತ್ಯಾಚಾರ : ಬೆಳಗಾವಿಯಲ್ಲೊಂದು ವಿಲಕ್ಷಣ ಘಟನೆ

ಬೆಳಗಾವಿ : ಯುವಕನೊಬ್ಬನ ಮೇಲೆ ಯುವಕನೇ ಅತ್ಯಾಚಾರ ನಡೆಸಿದ ವಿಲಕ್ಷಣ ಘಟನೆ ಜಿಲ್ಲೆಯ ಅಥಣಿಯಲ್ಲಿ ನಡೆದಿದೆ.

ಬೆಳಗಾವಿಯಲ್ಲಿ ಬಸ್ ಗಾಗಿ ಯುವಕನೊಬ್ಬ ಕಾಯುತ್ತಿದ್ದ ನಿಂತಿದ್ದ ವೇಳೆ ಬೈಕ್ ನಲ್ಲಿ ಬಂದ ಮತ್ತೊಬ್ಬ ಯುವಕ ಡ್ರಾಪ್ ಕೊಡುವುದಾಗಿ ಹೇಳಿ ಕರೆದಿದ್ದಾನೆ. ಈ ವೇಳೆ ಬೈಕ್ ಹತ್ತಿದ ಯುವಕನನ್ನು ನಿರ್ಜನ ಪ್ರದೇಶಕ್ಕೆ ಕರೆದುಕೊಂಡು ಹೋದ ಆರೋಪಿ ರಾಜು ಅಚ್ಚಾರಟ್ಟಿ ಅತ್ಯಾಚಾರ ನಡೆಸಿದ್ದಾನೆ.

ಒತ್ತಾಯಪೂರ್ವಕವಾಗಿ ಲೈಂಗಿಕ ಕ್ರಿಯೆ ನಡೆಸಿ ಬಳಿಕ ಯಾರಿಗಾದರೂ ಹೇಳಿದರೆ ಕೊಲೆ ಮಾಡುವುದಾಗಿ ಬೆದರಿಸಿದ್ದಾನೆ. ಈ ಸಂಬಂಧ ಅಥಣಿ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದ್ದು, ಆರೋಪಿಯ ಬಂಧನಕ್ಕೆ ಬಲೆ ಬೀಸಲಾಗಿದೆ.