ಭೀಕರ ರಸ್ತೆ ಅಪಘಾತ : ತಂದೆ- ತಾಯಿ, ಮಗು ಸೇರಿದಂತೆ ಐವರ ದುರ್ಮರಣ

ಹೈದ್ರಾಬಾದ್ : ಸಂಗಾರೆಡ್ಡಿ ಜಿಲ್ಲೆಯ ಅಕೋಲ ರಾಷ್ಟ್ರೀಯ ಹೆದ್ದಾರಿಯಲ್ಲಿ ನಡೆದ ಭೀಕರ ರಸ್ತೆ ಅಪಘಾತದಲ್ಲಿ ತಂದೆ, ತಾಯಿ, ಮಗು ಸೇರಿ ಐವರು ಮೃತಪಟ್ಟಿದ್ದಾರೆ. ಮೃತರನ್ನು ವಿವೇಕ್ (06), ಪೋಷಕರಾದ ಅಂಬಾದಾಸ್ ಮತ್ತು ಪದ್ಮ ಎಂದು ಗುರುತಿಸಲಾಗಿದೆ. ಘಟನೆ ಶುಕ್ರವಾರ ಮಧ್ಯಾಹ್ನ 3.15ಕ್ಕೆ ನಡೆದಿದೆ.

ಮೇದಕ್ ಜಿಲ್ಲೆಯ ಕುಲ್ಚಾರಾಮ್ ನಗರದ ಇವರು ಮಗುವಿನ ಆರೋಗ್ಯ ತಪಾಸಣೆ ನಡೆಸಿ ರಂಗಾರೆಡ್ಡಿಯಿಂದ ಹಿಂತಿರುಗುತ್ತಿದ್ದ ವೇಳೆ ಎದುರಿಗೆ ಬರುತ್ತಿದ್ದ ಟ್ರಕ್ ಗೆ ಕಾರು ಗುದ್ದಿದ ಪರಿಣಾಮ ಈ ದುರ್ಘಟನೆ ನಡೆದಿದೆ.

ಕಾರಿನ ಚಾಲಕ ಏಕಾಏಕಿ ಓವರ್ ಟೇಕ್ ಮಾಡಿದ್ದು ಈ ದುರ್ಘಟನೆ ಕಾರಣ ಎಂದು ಗೊತ್ತಾಗಿದೆ. ಪೊಲೀಸರು ಕೂಡಾ ಇದನ್ನೇ ಹೇಳಿದ್ದು ಕಾರು ಅತಿ ವೇಗದಲ್ಲಿತ್ತು ಎಂದು ತಿಳಿಸಿದ್ದಾರೆ.