ಕೋಲಾರ : 21ರ ಯುವಕನಿಗೆ ವಿವಾಹಿತ ಮಹಿಳೆಯೊಂದಿಗೆ ಅಕ್ರಮ ಸಂಬಂಧವಿತ್ತು. ಈ ಬಗ್ಗೆ ಹಿರಿಯ ವ್ಯಕ್ತಿಯೊಬ್ಬರು ಬುದ್ದಿಮಾತು ಹೇಳಿದ್ದರು. ಇದರಿಂದ ಕೆರಳಿದ ಯುವಕ 51 ವರ್ಷದ ವ್ಯಕ್ತಿಯನ್ನು ಕೊಲೆ ಮಾಡಿದ ಘಟನೆ ಕೋಲಾರ ಜಿಲ್ಲೆಯ ಕೆಜಿಎಫ್ ತಾಲೂಕಿನ ಪೂಗಾನಹಳ್ಳಿ ಗ್ರಾಮದಲ್ಲಿ ನಡೆದಿದೆ. ಮೃತರನ್ನು ಇದೇ ಗ್ರಾಮದ ನಾರಾಯಣಸ್ವಾಮಿ ಎಂದು ಗುರುತಿಸಲಾಗಿದೆ.
ಎರಡು ತಿಂಗಳ ಹಿಂದೆ ಪೂಗಾನಹಳ್ಳಿ ಗ್ರಾಮದ 21 ವರ್ಷದ ಯುವಕ ಅಭಿಷೇಕ್ ಅನ್ನುವನಿಗೆ ನಾರಾಯಣಸ್ವಾಮಿ ಬುದ್ದಿವಾದ ಹೇಳಿದ್ದರು. ವಿವಾಹಿತ ಮಹಿಳೆಯೊಂದಿಗೆ ಅಕ್ರಮ ಸಂಬಂಧ ಹೊಂದಿದ್ದ ಕಾರಣ ಹೀಗೆಲ್ಲಾ ಮಾಡಬಾರದು ಅಂದಿದ್ದರು. ನಾರಾಯಣಸ್ವಾಮಿ ಕಾರಣದಿಂದಲೇ ಅಕ್ರಮ ಸಂಬಂಧ ವಿಚಾರ ಮಹಿಳೆಯ ಗಂಡನಿಗೂ ಗೊತ್ತಾಗಿತ್ತು. ಇದಾದ ಬಳಿಕ ಆ ಮಹಿಳೆ ಕಳೆದ ಅಕ್ಟೋಬರ್ ತಿಂಗಳಲ್ಲಿ ಕ್ರಿಮಿನಾಶಕ ಸೇವಿಸಿ ಮನೆಯಲ್ಲೆ ಆತ್ಮಹತ್ಯೆ ಮಾಡಿಕೊಂಡಿದ್ದರು.
ಮಹಿಳೆ ಮೃತಳಾದ ಬಳಿಕ ಪಾಗಲ್ ಪ್ರೇಮಿಯಾಗಿದ್ದ ಅಭಿಷೇಕ್ ವಾಟ್ಸಾಪ್ ಸ್ಟೇಟಸ್ ನನ್ನು ಫೀಲಿಂಗ್ ಸಾಂಗ್ಸ್ ಹಾಕೋದು, ಬೆದರಿಕೆ ಸಂದೇಶ, ಅವರ ಕೆಲಸ ಅವರೇ ಮಾಡಿಕೊಳ್ಳಬೇಕು ಅನ್ನೋ ಸ್ಟೇಟಸ್ ಹಾಕುತ್ತಿದ್ದ.
ಈ ನಡುವೆ ಯುವಕನಿಗೆ ಮತ್ತೊಮ್ಮೆ ಬುದ್ದಿಮಾತು ಹೇಳಿದ್ದ ನಾರಾಯಣಸ್ವಾಮಿ, ನಿನ್ನ ಕಾರಣದಿಂದ ಅಮಾಯಕ ಹೆಣ್ಣಿನ ಜೀವ ಹೋಗಿದೆ, ಇನ್ನು ಮುಂದಾದರೂ ನೆಟ್ಟಗೆ ಬದುಕು ಅಂದಿದ್ದಾರೆ. ಇದರಿಂದ ಮತ್ತಷ್ಟು ವ್ಯಗ್ರಗೊಂಡಿದ್ದ ಅಭಿಷೇಕ್ ನಾರಾಯಣಸ್ವಾಮಿ ಕೊಲೆಗೆ ಹೊಂಚು ಹಾಕಿದ್ದ.
ನವೆಂಬರ್ 2 ರಂದು ಹುಲ್ಲು ತರಲು ತೋಟಕ್ಕೆ ಬೈಕ್‍ನಲ್ಲಿ ಹೊಗಿದ್ದ ನಾರಾಯಣಸ್ವಾಮಿ ಅವರನ್ನ ಹಿಂಬಾಲಿಸಿದ್ದ ಅಭಿಷೇಕ್ ಮಚ್ಚಿನಿಂದ ಕೊಚ್ಚಿ ಕೊಲೆ ಮಾಡಿದ್ದಾನೆ, ಮಚ್ಚಿನ ಏಟಿಗೆ ತಲೆ ಹಾಗೂ ದೇಹ ಪ್ರತ್ಯೇಕವಾಗಿತ್ತು. ಇದಾದ ಬಳಿಕ ತೋಟಕ್ಕೆ ಹೋದ ನಾರಾಯಣಸ್ವಾಮಿ ಬಾರದಿರುವುದನ್ನು ಕಂಡ ಮನೆಯವರು ತೋಟಕ್ಕೆ ಬಂದ್ರೆ ದೇಹ ರಕ್ತದ ಮಡುವಿನಲ್ಲಿತ್ತು. ಬಳಿಕ ಪೊಲೀಸರು ಕಾನೂನು ಪ್ರಕಾರ ಕ್ರಮ ಕೈಗೊಂಡಿದ್ದರು.
ಪ್ರಾಥಮಿಕ ವಿಚಾರಣೆ ಸಂದರ್ಭದಲ್ಲಿ ನಾರಾಯಣಸ್ವಾಮಿ ಅಭಿಷೇಕ್ ಗೆ ಬುದ್ದಿಮಾತು ಹೇಳಿದ ವಿಚಾರ ಗೊತ್ತಾಗಿತ್ತು. ಜೊತೆಗೆ ಅಭಿಷೇಕ್ ನಾಪತ್ತೆಯಾಗಿದ್ದ. ಹೀಗಾಗಿ ಎಚ್ಚೆತ್ತುಕೊಂಡ ಬೇತಮಂಗಲ ಪೊಲೀಸರು ಕೇವಲ 13 ಗಂಟೆಗಳಲ್ಲಿಯೇ ಅಭಿಷೇಕ್ ನನ್ನು ಬಂಧಿಸಿ ವಿಚಾರಣೆ ನಡೆಸಿದಾಗ ನಾನೇ ಕೊಲೆ ಮಾಡಿದ್ದು ಅಂತಾ ಕೊಲೆಗೆ ಕಾರಣ ಬೇರೆ ಕೊಟ್ಟಿದ್ದಾನೆ.
Discussion about this post