ಬೆಂಗಳೂರು : ಯುವತಿ ಮೇಲೆ ಹಲ್ಲೆ ನಡೆಸಿದ ಆರೋಪ ಎದುರಿಸುತ್ತಿದ್ದ ಝೋಮ್ಯಾಟೋ ಡೆಲಿವರಿ ಬಾಯ್ ಪ್ರಕರಣ ಇದೀಗ ಉಲ್ಟಾ ಹೊಡೆದಿದೆ.
ಮಾಡೆಲ್ ಎಂದು ಕರೆಸಿಕೊಂಡವಳದ್ದೇ ತಪ್ಪು ಅನ್ನುವುದಕ್ಕೆ ಅನೇಕ ಸಾಕ್ಷಿಗಳು ಸಿಗಲಾರಂಭಿಸಿದೆ. ಸಾಮಾಜಿಕ ಜಾಲತಾಣಗಳಲ್ಲಿ ಅನುಕಂಪ ಗಿಟ್ಟಿಸಿಕೊಳ್ಳುವ ಸಲುವಾಗಿ ಹಾಗೂ ತನ್ನ ಫಾಲೋಯರ್ಸ್ ಸಂಖ್ಯೆ ಹೆಚ್ಚಿಸಿಕೊಳ್ಳಲು ಘಟನೆಯನ್ನು ಬಳಸಿಕೊಂಡಿದ್ದಾಳೆ ಅನ್ನುವ ದೂರು ಕೇಳಿ ಬಂದಿದೆ.
ಘಟನೆಯ ಮೊದಲ ದಿನ ಯುವತಿಯ ಬೆಂಬಲಕ್ಕೆ ಧಾವಿಸಿದವರ ಸಂಖ್ಯೆ ಸಿಕ್ಕಾಪಟ್ಟೆ ಇತ್ತು. ಆದರೆ ಈಗ ಬಹುತೇಕರು ಡೆಲಿವರಿ ಬಾಯ್ ಕಾಮರಾಜ್ ಬೆಂಬಲಕ್ಕೆ ಬಂದಿದ್ದಾರೆ.
ಈ ಸಂಬಂಧ ಬಾಲಿವುಡ್ ನಟ ಪರಿಣೀತಿ ಛೋಪ್ರಾ ಟ್ವೀಟ್ ಮಾಡಿ, ಸತ್ಯವನ್ನು ಹುಡುಕಿ, ಸಾರ್ವಜನಿಕವಾಗಿ ವರದಿ ನೀಡಿ,ಕಾಮರಾಜ್ ನಿರಪರಾಧಿಯಾಗಿದ್ದಾರೆ, ಹಲ್ಲೆ ಮಾಡಿದ ಮಹಿಳೆ ಶಿಕ್ಷೆ ವಿಧಿಸಿ ಅಂದಿದ್ದಾರೆ. ಜೊತೆಗೆ ತಾನು ಕಾಮರಾಜ್ ನನ್ನು ನಂಬುವುದಾಗಿ ಹೇಳಿದ್ದಾರೆ.
ಜೊತೆಗೆ ರೋಹಿತ್ ರಾಯ್ ಕೂಡಾ ಟ್ವೀಟ್ ಮಾಡಿದ್ದು, ಕಾಮರಾಜ್ ಬೆಂಬಲಕ್ಕೆ ನಿಂತಿದ್ದಾರೆ.
ಮತ್ತೊಂದು ಕಡೆ ಬಿಗ್ ಬಾಸ್ ಸೀಸನ್ 7ರ ಸ್ಪರ್ಧಿ ಕಾಮ್ಯ ಕೂಡಾ ಟ್ವೀಟ್ ಮಾಡಿದ್ದು, ಕಾಮರಾಜ್ ಅಮಾಯಕನಂತೆ ಕಾಣಿಸುತ್ತಿದ್ದಾನೆ. ಅವನು ಕೆಲಸ ಕಳೆದುಕೊಳ್ಳುವಂತೆ ಮಾಡಬೇಡಿ ಎಂದು ವಿನಂತಿಸಿದ್ದಾರೆ.
ಆದರೆ ಕನ್ನಡದ ಸೆಲೆಬ್ರೆಟಿಗಳ ಪೈಕಿ ಪ್ರಣಿತಾ ಸುಭಾಷ್ ಒಬ್ಬರನ್ನು ಬಿಟ್ಟರೆ ಮತ್ಯಾರು ಕೂಡಾ ಈ ಬಗ್ಗೆ ತುಟಿ ಬಿಚ್ಚಿಲ್ಲ.
ಕನ್ನಡದ ಸೆಲೆಬ್ರೆಟಿಗಳ ದಿವ್ಯ ಮೌನ ನೋಡಿದರೆ, ಸಂವೇದನಾಶೀಲತೆಯನ್ನು ಇವರೆಲ್ಲಾ ಕಳೆದುಕೊಂಡಿದ್ದಾರೆ ಅನ್ನುವುದು ಸ್ಪಷ್ಟ.
ಹಾಗಂತ ಇಂತಹ ದಿವ್ಯ ನಿರ್ಲಕ್ಷ್ಯ ಇವರಿಗೆ ಹೊಸದೇನಲ್ಲ, ಕನ್ನಡದ ಜಲ ನೆಲದ ವಿಚಾರದಲ್ಲೂ ಇವರೆಲ್ಲಾ ಸೈಲೆಂಟ್ ಶೂರರು.
ಜಲ ವಿಚಾರದ ಹೋರಾಟದಲ್ಲಿ ಇವರೆಲ್ಲಾ ಹೇಗಿದ್ದರು ಅನ್ನುವುದು ಎಲ್ಲರಿಗೂ ಗೊತ್ತಿದೆ. ಹೋಗ್ಲಿ ಶಿವಸೇನೆ ಬೆಳಗಾವಿಯಲ್ಲಿ ಪುಂಡಾಟ ಮೆರೆದಾಗಲೂ ಇವರಿಗೆ ಮಾತನಾಡಬೇಕು ಅನ್ನಿಸಲಿಲ್ಲ. ಪಾಪ ಕನ್ನಡ ಪರ ಹೋರಾಟಗಾರರಿಗೆ ಮಾತ್ರ ಹೋರಾಡಬೇಕು ಅನ್ನಿಸಿದೆ.
ಇದನ್ನೂ ಓದಿ : ಕಥೆ ಕಟ್ಟಿದ್ಲಾ ಮಾಡೆಲ್…? ಹಿಂದಿಯಲ್ಲಿ ಬೈಯ್ದ್ಲು..ಚಪ್ಪಲಿ ಎಸೆದ್ಲು…ಉಂಗುರ ತಾಗಿ ಆದ ಗಾಯವನ್ನು ನನ್ನ ತಲೆಗೆ ಕಟ್ಟಿದ್ಲು
ಕಾಮರಾಜ್ ವಿಚಾರದಲ್ಲೂ ಕನ್ನಡ ಸಂಘಟನೆಗಳು ದನಿ ಎತ್ತದೆ ಹೋಗಿದ್ದರೆ ಪರಿಸ್ಥಿತಿ ಎನಾಗುತ್ತಿತ್ತು.
ಹೀಗಾಗಿ ಇಂತಹ ಸೂಕ್ಷ್ಮ ವಿಚಾರಗಳು ಬಂದಾಗ ಜನ ಸಾಮಾನ್ಯರ ಪರ ದನಿ ಎತ್ತುವುದನ್ನು ಇನ್ನಾದರೂ ಸೆಲೆಬ್ರೆಟಿಗಳು ರೂಢಿಸಿಕೊಳ್ಳಬೇಕು. ಇಲ್ಲವಾದರೆ ಅಮಾಯಕರು ಅನ್ಯಾಯವಾಗಿ ಬಲಿಪಶುಗಳಾಗಿ ಬಿಡುತ್ತಾರೆ.
ಇದನ್ನೂ ಓದಿ : ಚಪ್ಪಲಿ ಎತ್ತಿದ್ಲು…ಅದಕ್ಕೆ ಮೂತಿಗೆ ಹೊಡೆದೆ – ಝೋಮ್ಯಾಟೋ ಗಲಾಟೆಗೆ ಟ್ವೀಸ್ಟ್
ಕಾಮರಾಜ್ ವಿಚಾರದಲ್ಲೂ, ಅವನ ಪರವಾಗಿ ನಿಲ್ಲುವುದು ಬೇಡ, ಕನಿಷ್ಟ ಪಕ್ಷ ಸೂಕ್ತವಾದ ತನಿಖೆಯೊಂದಕ್ಕೆ ಇವರೆಲ್ಲಾ ಆಗ್ರಹಿಸಿಬಹುದಿತ್ತು. ಇದೇ ನಿರ್ಲಕ್ಷ್ಯ ಮುಂದುವರಿದರೆ ಮುಂದೊಂದು ದಿನ ಸೆಲೆಬ್ರೆಟಿಗಳನ್ನು ಜನ ಸಾಮಾನ್ಯರು ತಿರಸ್ಕರಿಸಿದರೆ ಅಚ್ಚರಿ ಇಲ್ಲ.
Discussion about this post