ಯಶ್ V/S ಅಲ್ಲು : ಪುಷ್ಪನಿಗೆ ತಲೆ ನೋವಾದ ಕೆಜಿಎಫ್

10 ಕೆಜಿಎಫ್ ಸಿನಿಮಾಗೆ ಒಂದು ಪುಷ್ಪ ಸಮ ಎಂದು ಹೇಳಿದ್ದ ‘ಉಪ್ಪೆನ’ ಸಿನಿಮಾ ನಿರ್ದೇಶಕ ಬುಚ್ಚಿ ಬಾಬು ಸನಾ ಯಶ್ ಅಭಿಮಾನಿಗಳ ಕೆಂಗಣ್ಣಿಗೆ ಗುರಿಯಾಗಿದ್ದರು.

ಆದರೆ ಇದೇ ಕೆಜಿಎಫ್ ಸಿನಿಮಾ ಇದೀಗ ಪುಷ್ಪ ಸಿನಿಮಾದ ಪಾಲಿಗೆ ತಲೆ ನೋವಾಗಿ ಪರಿಣಮಿಸಿದೆ. ಶೂಟಿಂಗ್ ಮುಗಿಸಿರುವ ಅಲ್ಲು ಅರ್ಜುನ್ ಅಭಿನಯದ ಪುಷ್ಪಾ ಸಿನಿಮಾ ಎಡಿಟಿಂಗ್ ಟೇಬಲ್ ಮೇಲಿದ್ದು, ನಿರ್ಮಾಪಕರು ಟಿವಿ ಹಕ್ಕುಗಳ ವಿತರಣೆ, ಡಬ್ಬಿಂಗ್ ರೈಟ್ಸ್ ಹೀಗೆ ಹಾಕಿರುವ ಬಂಡವಾಳ ಹಿಂತೆಗೆಯಲು ಬೇಕಾದ ತಂತ್ರಗಳನ್ನು ಪ್ರಾರಂಭಿಸಿದ್ದಾರೆ.

ಆದರೆ ನಿರ್ಮಾಪಕರು ಎಲ್ಲಿಯೇ ಹೋದರೂ,ಕೆಜಿಎಫ್ ಜೊತೆ ಹೋಲಿಕೆ ಮಾಡುತ್ತಿದ್ದಾರೆ. ಎರಡೂ ಸಿನಿಮಾಗಳು ಪ್ಯಾನ್ ಇಂಡಿಯಾ ಸಿನಿಮಾವಾಗಿರುವ ಕಾರಣ ಕೆಜಿಎಫ್ ಗಿಂತ ದೊಡ್ಡ ಮಟ್ಟದಲ್ಲಿದೆ ಎಂದು ಬಿಂಬಿಸಬೇಕಾಗಿದೆ.

ಕೇವಲ ನಿರ್ಮಾಪಕರಿಗೆ ಮಾತ್ರವಲ್ಲದೆ ಅಲ್ಲು ಅರ್ಜುನ್ ಗೂ ಇದು ಸವಾಲಾಗಿದೆ. ತಮ್ಮ ಪುಷ್ಪ ಚಿತ್ರದ ಮೂಲಕ ಯಶ್ ಅವರಿಗಿಂತ ದೊಡ್ಡ ಮಟ್ಟದಲ್ಲಿ ಗೆಲ್ಲಬೇಕಾದ ಅನಿವಾರ್ಯತೆ ಅವರದ್ದು.

ರಕ್ತಚಂದನದ ಮಾಫಿಯಾ ಕಥೆಯನ್ನು ಹೊಂದಿರುವ ಪುಷ್ಪ ಚಿತ್ರ ಕನ್ನಡ, ತೆಲುಗು, ತಮಿಳು, ಹಿಂದಿ ಹಾಗೂ ಮಲಯಾಳಂ ಭಾಷೆಯಲ್ಲಿ ಮೂಡಿ ಬರಲಿದೆ.