ಟೋಕಿಯೋ : ಭಾರತ ಹಾಕಿ ತಂಡ ತನ್ನ ಮೊದಲ ಪಂದ್ಯದಲ್ಲಿ ನ್ಯೂಜಿಲೆಂಡ್ ವಿರುದ್ಧ 3-2 ಗೋಲುಗಳ ಅಂತರದಲ್ಲಿ ಜಯ ಸಾಧಿಸಿದೆ. ಈ ಮೂಲಕ ಮನ್ ಪ್ರೀತ್ ಸಿಂಗ್ ನೇತೃತ್ವದ ಭಾರತ ಹಾಕಿ ತಂಡ ಟೋಕಿಯೋ ಒಲಿಂಪಿಕ್ಸ್ ನಲ್ಲಿ ಶುಭಾರಂಭ ಮಾಡಿದೆ.
ಪಂದ್ಯದ ಆರಂಭದಲ್ಲಿ ಸಿಕ್ಕ ಪೆನಾಲ್ಟಿ ಕಾರ್ನರ್ ಅವಕಾಶವನ್ನು ಬಳಸಿಕೊಳ್ಳುವಲ್ಲಿ ವಿಫಲವಾದ ಭಾರತ ತಂಡ ವಿಫಲವಾಗಿತ್ತು. ಆದರೆ ಪಂದ್ಯದ ಆಱನೇ ನಿಮಿಷದಲ್ಲಿ ಸಿಕ್ಕ ಪೆನಾಲ್ಟಿ ಕಾರ್ನರ್ ಅವಕಾಶವನ್ನು ನ್ಯೂಜಿಲೆಂಡ್ ಗೋಲಾಗಿ ಪರಿವರ್ತಿಸಿತು. ಈ ಮೂಲಕ ನ್ಯೂಜಿಲೆಂಡ್ ತಂಡ 1-0 ಅಂಕಗಳ ಮುನ್ನಡೆ ಸಾಧಿಸಿತ್ತು.
ಇದಾದ ಬಳಿಕ ಪಂದ್ಯದ 10ನೇ ನಿಮಿಷದಲ್ಲಿ ರೂಪಿಂದರ್ ಪಾಲ್ ಗೋಲು ಬಾರಿಸಿ ಸಮಬಲದ ಹೋರಾಟಕ್ಕೆ ನಾಂದಿ ಹಾಡಿದರು. ಪಂದ್ಯದ ದ್ವಿತಿಯಾರ್ಧದ 26ನೇ ನಿಮಿಷದಲ್ಲಿ ಹರ್ಮನ್ ಪ್ರೀತ್ ಸಿಕ್ಕ ಪೆನಾಲ್ಟಿ ಕಾನ್ರರ್ ಅವಕಾಶವನ್ನು ಗೋಲಾಗಿ ಪರಿವರ್ತಿಸಿ 2-1 ಗೋಲುಗಳ ಮುನ್ನಡೆಗೆ ಭಾರತವನ್ನು ಕೊಂಡೊಯ್ದರು.
ತೃತಿಯಾರ್ಧದ ಪ್ರಾರಂಭದಲ್ಲೇ ಹರ್ಮನ್ ಪ್ರೀತ್ ಮತ್ತೊಂದು ಗೋಲು ಬಾರಿಸುವ ಮೂಲಕ 3-1 ಅಂಕದ ಮುನ್ನಡೆಗೆ ಕಾರಣರಾದರು. ಆದರೆ ತೃತಿಯಾರ್ಧದ ಕೊನೆಯಲ್ಲಿ ನ್ಯೂಜಿಲೆಂಡ್ ನ ಸ್ಟೀವನ್ ಜೇನ್ನೀಸ್ ಬಾರಿಸಿದ ಗೋಲು ಭಾರತಕ್ಕೆ ಅಘಾತ ನೀಡಿತು. ಹೀಗಾಗಿ 3-2 ಗೋಲುಗಳಿಗೆ ಪಂದ್ಯ ಬಂತು ನಿಂತಿತು.
ಇನ್ನು ಪಂದ್ಯದ ಅಂತಿಮ ಹೋರಾಟ ರೋಚಕತೆಗೆ ತಲುಪಿತ್ತು. ಎರಡು ತಂಡಗಳು ಗೆಲ್ಲಲೇಬೇಕು ಎಂದು ಉಸಿರು ಬಿಗಿ ಹಿಡಿದು ಕಣಕ್ಕಿಳಿದಿತ್ತು. ಹೀಗಾಗಿಯೇ ಯಾವ ತಂಡಕ್ಕೂ ಗೋಲು ಬಾರಿಸಲು ಸಾಧ್ಯವಾಗಲಿಲ್ಲ. ಕೊನೆಯ ಮೂರು ನಿಮಿಷಗಳಿದೆ ಅನ್ನುವಾಗ ಸಿಕ್ಕ ಎರಡು ಪೆನಾಲ್ಟಿ ಕಾರ್ನರ್ ಅವಕಾಶ ಬಳಸಿಕೊಳ್ಳಲು ನ್ಯೂಜಿಲೆಂಡ್ ವಿಫಲವಾಯ್ತು.
ಭಾರತ ತಂಡದ ಗೋಲ್ ಕೀಪರ್ ಪಿ.ಆರ್. ಶ್ರೀಜೇಶ್ ಗೋಲು ತಡೆಯವಲ್ಲಿ ಯಶಸ್ವಿಯಾಗುವ ಮೂಲ ಭಾರತವನ್ನು ಗೆಲುವಿನ ದಡ ಸೇರಿಸಿದ್ದರು.
Discussion about this post