ಫಿಫಾ ವಿಶ್ವಕಪ್ ( Fifa World cup) ಗೆಲ್ಲುವ ತಂಡಕ್ಕೆ ಬರೋಬ್ಬರಿ 42 ಮಿಲಿಯನ್ ಡಾಲರ್ ಅಂದ್ರೆ ಅಂದಾಜು 347 ಕೋಟಿ ರೂಪಾಯಿ ಬಹುಮಾನ ಸಿಗಲಿದೆ
ನವದೆಹಲಿ : 28 ದಿನಗಳ ಕಾಲದ ಸೂಪರ್ ಫಾಸ್ಟ್ ವಿಶ್ವಕಪ್ ( Fifa World cup ) ಪಂದ್ಯಕ್ಕೆ ಇಂದು ತೆರೆ ಬೀಳಲಿದೆ. ಭಾನುವಾರ ಭಾರತೀಯ ಕಾಲಮಾನ 8.30ಕ್ಕೆ ಪ್ರಾರಂಭವಾಗಲಿರುವ ಪಂದ್ಯಾಟದಲ್ಲಿ ಮಾಜಿ ಚಾಂಪಿಯನ್ ಅರ್ಜೆಂಟೀನಾ ಹಾಗೂ ಹಾಲಿ ಚಾಂಪಿಯನ್ ಫ್ರಾನ್ಸ್ ಸೆಣಸಲಿದೆ. ಈ ಪೈಕಿ ಯಾರೇ ಗೆದ್ದರೂ 3ನೇ ಬಾರಿಗೆ ವಿಶ್ವ ಚಾಂಪಿಯನ್ ಮುಡಿಗೇರಿಸಿಕೊಂಡ ಹಿರಿಮೆ ಪಾತ್ರವಾಗಲಿದೆ.
ಇದನ್ನೂ ಓದಿ : Nikhil kumaraswamy:ಮಂಡ್ಯಕ್ಕೆ ಕೈ ಕೊಟ್ಟ ನಿಖಿಲ್ : ರಾಮನಗರದಿಂದ ಕುಮಾರಸ್ವಾಮಿ ಪುತ್ರ ಕಣಕ್ಕೆ
ಅರ್ಜೆಂಟೀನಾ ಕಡೆಯಿಂದ ಲಿಯೋನೆಲ್ ಮೆಸ್ಸಿ, ಯೂಲಿಯನ್ ಆಲ್ವರಜ್, ಎಮಿಲಿಯಾನೊ ಮಾರ್ಟಿನೆಜ್, ನಹ್ಯುಯೆಲ್ ಮೊಲಿನಾ ಮತ್ತು ಎನ್ಜೋ ಫರ್ನಾಂಡೆಜ್ ಬಹುನಿರೀಕ್ಷೆಯ ಆಟಗಾರರಾಗಿದ್ದಾರೆ. ಫ್ರಾನ್ಸ್ ಕಡೆಯಿಂದ ಕಿಲಿಯಾನ್ ಎಂಬಾಪೆ, ಅಂಟೋನಿಗ್ರೀಝ್ ಮನ್, ಹ್ಯುಗೊ ಲಾರಿಸ್, ರಾಫೆಲ್ ವರಾನೆ, ಓಲಿವಿಯರ್ ಗಿರೌಡ್ ( Olivier Giroud France ) ಮೇಲೆ ಸಾಕಷ್ಟು ನಿರೀಕ್ಷೆಗಳಿದೆ.( Fifa World cup)
ಇನ್ನು ಈ ಬಾರಿ ಫಿಫಾ ವಿಶ್ವಕಪ್ ಗೆಲ್ಲುವ ತಂಡಕ್ಕೆ ಬರೋಬ್ಬರಿ 42 ಮಿಲಿಯನ್ ಡಾಲರ್ ಅಂದ್ರೆ ಅಂದಾಜು 347 ಕೋಟಿ ರೂಪಾಯಿ ಬಹುಮಾನ ಸಿಗಲಿದೆ. ಫಿಫಾ ವಿಶ್ವಕಪ್ ರನ್ನರ್ ಆಪ್ ತಂಡಕ್ಕೆ 30 ಮಿಲಿಯನ್ ಡಾಲರ್ ಅಂದರೆ ಅಂದಾಜು 248 ಕೋಟಿ ರೂಪಾಯಿ ಬಹುಮಾನದ ಮೊತ್ತ ಸಿಗಲಿದೆ. ಮತ್ತೊಂದು ಕಡೆ ಕಣಕ್ಕಿಳಿಯಲಿರುವ ಲಿಯೋನೆಲ್ ಮೆಸ್ಸಿ ಹಲವು ದಾಖಲೆಗಳನ್ನು ತಮ್ಮ ಹೆಸರಿಗೆ ಬರೆಯುವ ನಿರೀಕ್ಷೆಯಲ್ಲಿದ್ದಾರೆ. ಈಗಾಗಲೇ 5 ವಿಶ್ವಕಪ್ ಗಳಲ್ಲಿ 24 ಪಂದ್ಯಗಳನ್ನು ಆಡಿರುವ ಮೆಸ್ಸಿ, ಈ ಬಾರಿಯೂ ಆಟವಾಡಿದರೆ ವಿಶ್ವಕಪ್ ನಲ್ಲಿ ಅತೀ ಹೆಚ್ಚು ಪಂದ್ಯವಾಡಿದ ಆಟಗಾರ ಅನ್ನುವ ಕೀರ್ತಿಗೆ ಪಾತ್ರವಾಗಲಿದ್ದಾರೆ. ಇದರೊಂದಿಗೆ ಅತೀ ಹೆಚ್ಚು ಸಮಯ ಮೈದಾನದಲ್ಲಿದ್ದ ಆಟಗಾರ ಅನ್ನುವ ಹೆಗ್ಗಳಿಯೂ ಮೆಸ್ಸಿ ಪಾಲಾಗಲಿದೆ.
Discussion about this post