ರೋಣನ ಕಡೆಯಿಂದ ಅಭಿನಯ ಚಕ್ರವರ್ತಿ ಅಭಿಮಾನಿಗಳಿಗೆ ಸಿಗಲಿದೆ ಗಿಫ್ಟ್

ಚಂದನವನದ ಅಭಿನಯ ಚಕ್ರವರ್ತಿ ಕಿಚ್ಚ ಸುದೀಪ್ ಸೆಪ್ಟಂಬರ್ 2 ರಂದು 50ನೇ ವಸಂತಕ್ಕೆ ಕಾಲಿಡುತ್ತಿದ್ದಾರೆ. ಇನ್ನು ನನ್ನ ಹುಟ್ಟುಹಬ್ಬದಂದು ಅಭಿಮಾನಿಗಳು ಮನೆ ಬಳಿ ಬರಬೇಡಿ, ಆ ದಿನ ನಾನು ಯಾರನ್ನೂ ಭೇಟಿಯಾಗುವುದಿಲ್ಲ ಎಂದು ಈಗಾಗಲೇ ಹೇಳಿದ್ದಾರೆ.

ಹೀಗೆ ಹೇಳಿ ಬೇಸರ ಮಾಡಿದ್ದ ಅಭಿಮಾನಿಗಳಿಗೆ ಖುಷಿಯಾಗುವ ವಿಚಾರವೊಂದನ್ನು ವಿಕ್ರಾಂತ್ ರೋಣ ತಂಡ ಕೊಟ್ಟಿದೆ. ಕಿಚ್ಚನ ಹುಟ್ಟುಹಬ್ಬದಂದು, ಸುದೀಪ್ ಅಭಿನಯದ ಬಹುನಿರೀಕ್ಷಿತ ಪ್ಯಾನ್ ಇಂಡಿಯಾ ಸಿನಿಮಾ ವಿಕ್ರಾಂತ್ ರೋಣದ ಝಲಕ್ ಬಿಡುಗಡೆಯಾಗಲಿದೆ. ಇದು ಅಭಿಮಾನಿಗಳಿಗೆ ಪುಳಕ ನೀಡುವುದರಲ್ಲಿ ಅನುಮಾನವಿಲ್ಲ. ಇನ್ನು ಇದೇ ದಿನ ಸುದೀಪ್ ಅವರ ಹೊಸ ಸಿನಿಮಾಗಳು ಕೂಡಾ ಘೋಷಣೆಯಾಗಲಿದೆ.