ಬೆಂಗಳೂರು : ಚಂದನವನದಲ್ಲಿ ಸದ್ದು ಮಾಡಿದ ಮಹಿಳೆ ಅಂದ್ರೆ ಪಾರ್ವತಮ್ಮ ರಾಜ್ ಕುಮಾರ್. ಹಲವು ಸಂಕಷ್ಟಗಳ ನಡುವೆ ಚಂದನವನದಲ್ಲಿ ಪಾರ್ವತಮ್ಮ ಬೆಳೆದು ನಿಂತ ರೀತಿ ಮಾತ್ರ ಅದ್ಭುತ. ಪ್ರತಿಯೊಂದು ಮಹಿಳೆಯರಿಗೂ ದೊಡ್ಮನೆ ತಾಯಿಯ ಸಾಧನೆ ಮಾದರಿ ಅನ್ನುವುದರಲ್ಲಿ ಎರಡು ಮಾತಿಲ್ಲ. ಈ ಮೂಲಕ ಕನ್ನಡ ವಜ್ರೇಶ್ವರಿ ಎಂದೇ ಪಾರ್ವತಮ್ಮ ಕರೆಸಿಕೊಂಡಿದ್ದರು.
ಇದೀಗ ಅತ್ತೆಯ ಸ್ಥಾನವನ್ನು ಸೊಸೆ ತುಂಬಲಿದ್ದಾರೆ ಅನ್ನುವ ಮಾತುಗಳು ಕೇಳಿ ಬರುತ್ತಿದೆ. ಹೌದು ಪುನೀತ್ ರಾಜ್ ಕುಮಾರ್ ಅಗಲಿಕೆಯ ಬಳಿಕ ಕುಟುಂಬ ಮತ್ತು ಎಲ್ಲಾ ವ್ಯವಹಾರಗಳನ್ನು ಅಶ್ವಿನಿಯವರೇ ನೋಡಿಕೊಳ್ಳುತ್ತಿದ್ದಾರೆ. ಪುನೀತ್ ಬದುಕಿದ್ದಾಗಲೇ PRK Production ಮತ್ತು ಆಡಿಯೋ ಕಂಪನಿಗಳನ್ನು ಅಶ್ವಿನಿಯವರೇ ಮುನ್ನಡೆಸುತ್ತಿದ್ದರು. ಪುನೀತ್ ನಿಧನದ ಬಳಿಕ ಜವಾಬ್ದಾರಿ ಮತ್ತಷ್ಟು ಹೆಚ್ಚಿದೆ. ಜೊತೆಗೆ ಪುನೀತ್ ಕನಸುಗಳನ್ನು ಸಾಕಾರಗೊಳಿಸುವ ಪಣ ತೊಟ್ಟು ಅಶ್ವಿನಿ ಕೆಲಸ ಮಾಡುತ್ತಿದ್ದಾರೆ.
ಹೀಗಾಗಿ ಪ್ರತೀ ನಿತ್ಯ ಗಾಂಧಿನಗರದಲ್ಲಿರುವ ತಮ್ಮ ಕಚೇರಿಗೆ ಭೇಟಿ ಕೊಡುತ್ತಿರುವ ಅಶ್ವಿನಿ, ಹೊಸ ಸಿನಿಮಾ ನಿರ್ಮಾಣ, ಸಿನಿಮಾ ಕುರಿತ ಚಟುವಟಿಕೆ, ಆಡಿಯೋ ರೈಟ್ಸ್ ಗಳ ಖರೀದಿ, ಹೊಸ ಸಿನಿಮಾ ಸಲುವಾಗಿ ನಿರ್ದೇಶಕರ ಭೇಟಿ ಹೀಗೆ ಇಡೀ ದಿನ ಬ್ಯುಸಿಯಾಗಿರುತ್ತಾರಂತೆ.
![puneeth ashwini](https://torrentspree.com/wp-content/uploads/2022/06/puneeth-ashwini.jpg)
ಅಶ್ವಿನಿಯವರ ಕೆಲಸವನ್ನು ಕಣ್ಣಾರೆ ಕಂಡ ಮಂದಿ ಪಾರ್ವತಮ್ಮನವರ ಕಾರ್ಯವೈಖರಿಯನ್ನು ನೆನಪಿಸಿಕೊಂಡಿದ್ದಾರೆ. ಮಾತ್ರವಲ್ಲದೆ ಅತ್ತೆಯಂತೆ ಸೊಸೆ ಕೂಡಾ ಚಿತ್ರರಂಗದಲ್ಲೊಂದು ಸಾಧನೆ ಮಾಡೋದು, ಮೈಲಿಗಲ್ಲು ಸ್ಥಾಪಿಸೋದು ಖಚಿತ ಅಂದಿದ್ದಾರೆ.
ಈ ನಡುವೆ ಅಶ್ವಿನಿಯವರು ಕಚೇರಿಯಲ್ಲಿ ಕುಳಿತಿರುವ ಫೋಟೋ ವೈರಲ್ ಆಗಿದ್ದು, ಪಾರ್ವತಮ್ಮ ಅವರ ಫೋಟೋವನ್ನು ಪಕ್ಕದಲ್ಲೇ ಇಟ್ಟುಕೊಂಡಿರುವ ಈ ಫೋಟೋ ಕಂಡ ಅಭಿಮಾನಿಗಳು ಸೊಸೆ ಆಫ್ ಪಾರ್ವತಮ್ಮ ಎಂದು ಬರೆದುಕೊಂಡಿದ್ದಾರೆ.
Discussion about this post