ಕೆಲ ದಿನಗಳ ಹಿಂದೆ ಪಬ್ಲಿಕ್ ಟಿವಿ ವಿರುದ್ಧ ಗುಡುಗಿದ್ದ ರಕ್ಷಿತ್ ಶೆಟ್ಟಿ ಜುಲೈ 11ಕ್ಕೆ ಕಾದು ನೋಡಿ ಎಂದು ಗಡುವು ಕೊಟ್ಟಿದ್ದರು. ತುಂಬಾ ಸೂಕ್ಷ್ಮ ವ್ಯಕ್ತಿ ಅನ್ನಿಸಿಕೊಂಡಿರುವ ರಕ್ಷಿತ್ ಶೆಟ್ಟಿ ಪತ್ರಕರ್ತ ರಂಗನಾಥ್ ವಿರುದ್ಧ ತೊಡೆ ತಟ್ಟಿದ್ದಾರೆ ಅಂದ್ರೆ ಜುಲೈ 11 ರಂದು ಏನೋ ಕಾದಿದೆ ಎಂದೇ ಕರ್ನಾಟಕ ಕಾಯುತ್ತಿತ್ತು. ಆದರೆ ಇದೀಗ ರಿಚರ್ಡ್ ಆಂಟನಿ ಅನ್ನುವ ಸಿನಿಮಾ ಘೋಷಣೆ ಮಾಡಿರುವ ರಕ್ಷಿತ್ ಶೆಟ್ಟಿ ನಾನು ಪಾನ್ ಬೀಡಾ ಸ್ಟಾರ್ ಅಲ್ಲ ಎಂದು ಸಾರಿದ್ದಾರೆ.
ಉಳಿದವರು ಕಂಡಂತೆ ಚಿತ್ರದ ಕಥೆಯ ಮುಂದುವರಿದ ಭಾಗ ರಿಚರ್ಡ್ ಆಂಟನಿ ಎನ್ನಲಾಗಿದೆ. ಈ ಚಿತ್ರದ ರಿಚ್ಚಿ ಪಾತ್ರದ ಮುಂದುವರಿದ ಭಾಗವನ್ನು ರಿಚರ್ಡ್ ಆಂಟನಿ ಹೇಳಲಿದ್ದಾನೆ. ಇನ್ನು ದೊಡ್ಡ ಅಂಶ ಅಂದ್ರೆ, ರಿಚರ್ಡ್ ಆಂಟನಿ ಸಿನಿಮಾಗೆ ಬಂಡವಾಳ ಹಾಕುತ್ತಿರುವುದು ಹೊಂಬಾಳೆ ಫಿಲ್ಮ್ಸ್. ಹೇಳಿ ಕೇಳಿ ಹೊಂಬಾಳೆ ಸಂಸ್ಥೆ ಕೆಜಿಎಫ್, ಯುವರತ್ನ, ರಾಜಕುಮಾರದಂತಹ ಸಕ್ಸಸ್ ಸಿನಿಮಾಗಳನ್ನು ನಿರ್ಮಿಸಿದೆ. ಕೆಲ ದಿನಗಳ ಹಿಂದಷ್ಟೇ ಪುನೀತ್ ರಾಜ್ ಕುಮಾರ್ ಪವನ್ ಕುಮಾರ್ ಕಾಂಬಿನೇಷನ್ ನ ದ್ವಿತ್ವ ಚಿತ್ರವನ್ನು ಇದೇ ಸಂಸ್ಥೆ ಘೋಷಿಸಿತ್ತು.
ಇದನ್ನೂ ಓದಿ : ಪಬ್ಲಿಕ್ ಟಿವಿ ವಿರುದ್ಧ ಸಿಡಿದೆದ್ದ ರಕ್ಷಿತ್ ಶೆಟ್ಟಿ :ಜುಲೈ 11 ಏನಾಗುತ್ತದೆ…?
ಚಿತ್ರದ ಟೈಟಲ್ ಹಂಚಿಕೊಂಡಿರುವ ರಕ್ಷಿತ್ ‘ಮೊದಲು ನಮ್ಮ ಕೆಲಸ ಮಾತನಾಡಲಿ, ಉಳಿದವೆಲ್ಲ ತದನಂತರ. ರಿಚರ್ಡ್ ಆಂಟನಿ – ಮುಂದಿನ ಅಲೆ.. ನಿಮ್ಮ ಹೃದಯದ ದಡದಲ್ಲಿ ಜಾಗವಿರಿಸಿ.. ಸದಾ ನಿಮ್ಮ ಪ್ರೀತಿಯ ಆಶೀರ್ವಾದವಿರಲಿ ಎಂದು ಮನವಿ ಮಾಡಿದ್ದಾರೆ.
ಇನ್ನುಳಿದಂತೆ ರಿಚರ್ಡ್ ಆಂಟನಿ ಚಿತ್ರವನ್ನು ರಕ್ಷಿತ್ ಶೆಟ್ಟಿ ಅವರು ಚಿತ್ರಕಥೆ ಬರೆದು ನಿರ್ದೇಶಿಸುತ್ತಿದ್ದಾರೆ. ಜೊತೆಗೆ ನಾಯಕನಾಗಿಯೂ ಅವರೇ ನಟಿಸಲಿದ್ದಾರೆ. ಚಿತ್ರಕ್ಕೆ ಅಜನೀಶ್ ಲೋಕನಾಥ್ ಅವರ ಸಂಗೀತ ಹಾಗೂ ಕರಮ್ ಚಾವ್ಲಾ ಛಾಯಾಗ್ರಹಣವಿರಲಿದೆ.ಜನವರಿ, 2022ರಿಂದ ಚಿತ್ರದ ಚಿತ್ರೀಕರಣ ಪ್ರಾರಂಭವಾಗಲಿದೆ.
ಇದನ್ನೂ ಓದಿ : ದೊಡ್ಡ ಗ್ಯಾಪ್ ಬಳಿಕ ಪುನೀತ್ ಗೆ ಕಥೆ ಬರೆದ ಪವನ್ : ‘ದ್ವಿತ್ವ’ ಕಥೆಯ ಇನ್ ಸೈಡ್ ಸ್ಟೋರಿ
Discussion about this post