ಮತ್ತೊಂದು ಪ್ಯಾನ್ ಇಂಡಿಯಾ ಸಿನಿಮಾಗೆ ತಯಾರಾದ ಯಶ್ : ನಿರ್ದೇಶಕರು ಯಾರು ಗೊತ್ತಾ…?

ಕೆಜಿಎಫ್ ಯಶಸ್ಸಿನ ನಂತ್ರ ರಾಕಿಂಗ್ ಸ್ಟಾರ್ ಯಶ್ ಗೆ ಕಥೆ ಹುಡುಕುವುದೇ ದೊಡ್ಡ ಸವಾಲಿನ ಕೆಲಸವಾಗಿದೆ. ಹಿಂದೆಲ್ಲಾ ಲವ್ವರ್ ಬಾಯ್ ಆಗಿ ಕಾಣಿಸಿಕೊಳ್ಳುತ್ತಿದ್ದ ಯಶ್ ಚಾರ್ಮ್ ಬದಲಾಗಿದೆ. ಅದರಲ್ಲೂ ಕೆಡಿಎಪ್ ಅಬ್ಬರ ಬಳಿಕ ನೆಚ್ಚಿನ ನಟನನ್ನು ಡಿಫರೆಂಟ್ ಆಗಿ ನೋಡಲು ಅಭಿಮಾನಿಗಳು ಬಯಸುತ್ತಿದ್ದಾರೆ.

ಅದರಲ್ಲೂ ಇದೀಗ ಯಶ್ ಸಿನಿಮಾ ಒಪ್ಪಿಕೊಳ್ಳುತ್ತಾರೆ ಅಂದ್ರೆ ಅದು ಪ್ಯಾನ್ ಇಂಡಿಯಾ ಸಿನಿಮಾವಾಗಿರಲೇಬೇಕು. ಹೀಗಾಗಿಯೇ ಕೆಜಿಎಫ್ 2 ನಂತ್ರ ಅದ್ಯಾವ ಸಿನಿಮಾವನ್ನು ಯಶ್ ಒಪ್ಪಿಕೊಳ್ಳುತ್ತಾರೆ ಅನ್ನುವುದು ಗೊತ್ತಾಗಿರಲಿಲ್ಲ. ಕೆಜಿಎಫ್ 2 ಮುಗಿದ ನಂತರವೇ ಮುಂದಿನ ಮಾತು ಅನ್ನಲಾಗಿತ್ತು.

ಆದರೆ ಇದೀಗ ಗಾಂಧಿನಗರದಿಂದ ಹೊಸದೊಂದು ಸುದ್ದಿ ಬಂದಿದ್ದು, ಮತ್ತೊಂದು ಪ್ಯಾನ್ ಇಂಡಿಯಾ ಸಿನಿಮಾವನ್ನು ಯಶ್ ಒಪ್ಪಿಕೊಂಡಿದ್ದಾರಂತೆ. ಈ ನಡುವೆ ಮಫ್ತಿ ಖ್ಯಾತಿಯ ನರ್ತನ್ ಜೊತೆ ಯಶ್ ಮುಂದಿನ ಸಿನಿಮಾ ಮಾಡಲಿದ್ದು ಲಾಕ್ ಡೌನ್ ನಡುವೆಯೇ ಮುಂದಿನ ಸಿನಿಮಾಗೆ ಭರ್ಜರಿ ಸಿದ್ದತೆಗಳು ನಡೆಯುತ್ತಿದೆ. ಹಿಂದೊಮ್ಮೆ ಯಶ್‌ಗಾಗಿ ನಾನು ಕಥೆ ಮಾಡುತ್ತಿದ್ದೇನೆ ಎಂದು ನರ್ತನ್ ಹೇಳಿಕೊಂಡಿದ್ದರು. ಈಗ ಅದು ಸತ್ಯವಾಗುತ್ತಿದೆ.

ನಿರ್ದೇಶಕ ನರ್ತನ್ ರೆಡಿ ಮಾಡಿದ ಕಥೆ ಪಕ್ಕಾ ಪ್ಯಾನ್ ಇಂಡಿಯಾ ಪ್ರೇಕ್ಷಕರು ಒಪ್ಪುವಂತಿದೆಯಂತೆ. ಆ ಸಲುವಾಗಿಯೇ ಯಶ್  ನೇವಿ ಆಫೀಸರ್ ಆವತಾರ ತಳೆಯಲಿದ್ದಾರೆ. ಈ ನೇವಿ ಆಫೀಸರ್ ಆಗಿದ್ದರು ಬಹಳ ಕೋಪಿಷ್ಠನಂತೆ, ಖಡಕ್ ವ್ಯಕ್ತಿಯಂತೆ. ಹೀಗಾಗಿ ಉನ್ನತ ಹುದ್ದೆಯ ಅಧಿಕಾರಿ ಕೋಪಿಷ್ಠನಾಗಿದ್ರೆ ಹೇಗಿರುತ್ತದೆ ಅನ್ನುವುದರ ಸುತ್ತ ಕಥೆ ಹೆಣೆಯಲಾಗಿದೆಯಂತೆ.