ಸೊಂಟ ಬಳುಕಿಸಿದ್ದೇನು, ಡೊಳ್ಳು ಹೊಟ್ಟೆ ಕುಣಿಸಿದ್ದೇನು… (Police Ramp Walk) ಖಾಕಿ ತೊಟ್ಟು Ramp walk ಮಾಡಿದ ಕರ್ಮಕ್ಕೆ ವರ್ಗಾವಣೆ ಭಾಗ್ಯ ಸಿಕ್ಕಿದೆ
ಚೆನೈ : ಪೊಲೀಸರು ಅಂದ್ರೆ ಸಮಾಜದಲ್ಲೊಂದು ಘನತೆ ಗೌರವವಿದೆ. ಅದನ್ನು ಅನೇಕ ಮಂದಿ ಮರೆತಿದ್ದಾರೆ. ಲಂಚ ಕೊಟ್ಟು ಹುದ್ದೆಗೆ ಬಂದ ಮಂದಿಯಿಂದ ಅದನ್ನು ನಿರೀಕ್ಷಿಸಲು ಕೂಡಾ ಸಾಧ್ಯವಿಲ್ಲ. ಹೀಗೆ ಪೊಲೀಸ್ ಸಮವಸ್ತ್ರಕ್ಕೆ ಅವಮಾನ ಮಾಡಿದ 5 ಮಂದಿ ಪೊಲೀಸ್ ಸಿಬ್ಬಂದಿ (Police Ramp Walk )ಇದೀಗ ವರ್ಗಾವಣೆಯಾದ ಸುದ್ದಿ ತಮಿಳುನಾಡಿನಿಂದ ಬಂದಿದೆ.
![har ghar tiranga web banner download section](https://torrentspree.com/wp-content/uploads/2022/08/har-ghar-tiranga-web-banner-download-section.jpg)
ಕಳೆದ ಭಾನುವಾರ ಮೈಲಾಡುತುರೈ ಜಿಲ್ಲೆಯ ಸೆಂಬಾನಾರ್ಕೋಯಿಲ್ ನಲ್ಲಿ ಖಾಸಗಿ ಸೌಂದರ್ಯ ಸ್ಪರ್ಧೆಯೊಂದನ್ನು ಆಯೋಜಿಸಿತ್ತು. ನಟಿ ಯಶಿಕಾ ಆನಂದ್ ಈ ಕಾರ್ಯಕ್ರಮದಲ್ಲಿ ಅತಿಥಿಯಾಗಿ ಪಾಲ್ಗೊಂಡಿದ್ದರು. ಈ ನಡುವೆ ಭದ್ರತೆ ಸಲುವಾಗಿ ಬಂದಿದ್ದ ಪೊಲೀಸರ ಬಳಿ Ramp walk ಮಾಡುವಂತೆ ಆಯೋಜಕರು ವಿನಂತಿಸಿದ್ದಾರೆ.
More Read : BIGG BOSS KANNADA : ಬಿಗ್ ಬಾಸ್ ಮನೆ ಪ್ರವೇಶಿಸಿದ ಪತ್ರಕರ್ತ ಸೋಮಣ್ಣ ಮಾಚಿಮಾಡ
![Police Ramp Walk 5-policemen-mayiladuthurai-fashion-show-have-been-transferred](https://torrentspree.com/wp-content/uploads/2022/08/police-cat-walk2.jpg)
ನಾವು ಸಮವಸ್ತ್ರ ತೊಟ್ಟಿದ್ದೇವೆ ಅನ್ನುವುದನ್ನು ಮರೆತ ಸೆಂಬಾನಾರ್ಕೋಯಿಲ್ ಠಾಣೆಯ SSI ಸುಬ್ರಮಣ್ಯನ್, ಮಹಿಳಾ ಪೊಲೀಸರಾದ ರೇಣುಕಾ, ಅಶ್ವಿನಿ, ನಿತ್ಯಾಶೀಲ ಮತ್ತು ಶ್ರೀನಿವಾಸನ್ ಸಿಕ್ಕಿದ್ದೇ ಛಾನ್ಸು ಅಂತಾ ವೇದಿಕೆ ಹತ್ತಿದ್ದಾರೆ. SSI ಸುಬ್ರಮಣ್ಯನ್ ಅಂತೂ ತಮ್ಮ ಡೊಳ್ಳು ಹೊಟ್ಟೆಯನ್ನೇ ಪ್ರದರ್ಶನಿಕ್ಕಿಟ್ಟಿದ್ದರು.
![Police Ramp Walk 5-policemen-mayiladuthurai-fashion-show-have-been-transferred](https://torrentspree.com/wp-content/uploads/2022/08/police-cat-walk1.jpg)
ಪೊಲೀಸರ ಈ ಮಾರ್ಜಲ ನಡಿಗೆ ಸಾಮಾಜಿಕ ಜಾಲತಾಣಗಳಲ್ಲಿ ಸಿಕ್ಕಾಪಟ್ಟೆ ವೈರಲ್ ಆಗಿತ್ತು. ಹೀಗಾಗಿ ಪ್ರಕರಣವನ್ನು ಗಂಭೀರವಾಗಿ ಪರಿಗಣಿಸಿದ ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿ ಕಾರ್ಯಕ್ರಮದಲ್ಲಿ ಪಾಲ್ಗೊಂಡ ಎಲ್ಲರನ್ನೂ ಬೇರೆ ಬೇರೆ ಠಾಣೆಗೆ ವರ್ಗಾಯಿಸಿದ್ದಾರೆ.
Discussion about this post