ಬೆಂಗಳೂರು : ಆಟವಾಡುವ ವೇಳೆ ಮೂರು ವರ್ಷದ ಬಾಲಕನೊಬ್ಬ ಗಣೇಶನ ವಿಗ್ರದ ನುಂಗಿದ ಘಟನೆ ಬೆಂಗಳೂರಿನಲ್ಲಿ ನಡೆದಿದೆ. ಮೂರು ವರ್ಷದ ಬಾಲ ಆಟವಾಡುವ ಸಂದರ್ಭ ಸುಮಾರು 4 ಸೆಂ.ಮೀ ಉದ್ದದ ಗಣೇಶ ವಿಗ್ರಹವನ್ನು ನುಂಗಿದ್ದ,
ಆದರೆ ಮಗು ವಿಗ್ರಹ ನುಂಗಿರುವುದು ಪೋಷಕರಿಗೆ ಗೊತ್ತಿರಲಿಲ್ಲ. ಯಾವಾಗ ಮಗು ಉಸಿರಾಡಲು ಕಷ್ಟ ಪಡುತ್ತಿತ್ತೋ ಪೋಷಕರು ಮಗುವನ್ನು ಹಳೆ ವಿಮಾನ ನಿಲ್ದಾಣ ರಸ್ತೆಯಲ್ಲಿರುವ ಮಣಿಪಾಲ್ ಆಸ್ಪತ್ರೆಗೆ ದಾಖಲಿಸಿದ್ದಾರೆ.
ಈ ವೇಳೆ ಎಕ್ಸ್‌ರೇ ಮಾಡಿದ ಸಂದರ್ಭದಲ್ಲಿ ಅನ್ನನಾಳದಲ್ಲಿ ಗಣೇಶನ ವಿಗ್ರಹ ಸಿಕ್ಕಿಹಾಕಿಕೊಂಡಿರುವುದು ಗೊತ್ತಾಗಿದೆ. ಅಲ್ಲಿಂದ ವಿಗ್ರಹ ತೆಗೆಯುವುದು ಕಷ್ಟಕರವಾದ ಹಿನ್ನಲೆಯಲ್ಲಿ ಅನ್ನನಾಳದಿಂದ ವಿಗ್ರಹವನ್ನು ಹೊಟ್ಟೆಗೆ ತರಲಾಗಿದೆ. ಬಳಿಕ ಎಂಡೋಸ್ಕೊಪಿ ಮೂಲಕ ವಿಗ್ರಹವನ್ನು ಹೊರ ತೆಗೆದು ಬಾಲಕನನ್ನು ರಕ್ಷಿಸಲಾಗಿದೆ.
Discussion about this post