ಉತ್ತರ ಪ್ರದೇಶ ಪೊಲೀಸ್ ಇಲಾಖೆಯಲ್ಲಿ ಕರೆಯಲಾಗಿರುವ ಟೆಲಿಕಾಂ ಮೆಸೆಂಜರ್ ಹುದ್ದೆಗೆ 93 ಸಾವಿರ ಮಂದಿ ಅರ್ಜಿ ಹಾಕಿದ್ದಾರೆ.
ಇದರಲ್ಲಿ 50 ಸಾವಿರಕ್ಕೂ ಅಧಿಕ ಪದವೀಧರರು, 28 ಸಾವಿರ ಸ್ನಾತಕೋತ್ತರ ಪದವೀಧರು ಮತ್ತು 3700 ಪಿಎಚ್‌ಡಿ ಪದವೀಧರರು ಸೇರಿದ್ದಾರೆ. ಮಾತ್ರವಲ್ಲದೆ ಇದರಲ್ಲಿ ಎಂಬಿಎ ಹಾಗೂ ಎಂಟೆಕ್ ಪದವೀಧರರು ಒಳಗೊಂಡಿದ್ದಾರೆ.
93 ಸಾವಿರ ಅಭ್ಯರ್ಥಿಗಳ ಪೈಕಿ 7400 ಅಭ್ಯರ್ಥಿಗಳು ಮಾತ್ರ 5 ರಿಂದ 7 ತರಗತಿ ವ್ಯಾಸಂಗ ಮಾಡಿದವರಾಗಿದ್ದಾರೆ.
12 ವರ್ಷಗಳ ಬಳಿಕ ಪಿಯೋನ್-ಮೆಸೆಂಜರ್ ವಿಭಾಗದ 62 ಹುದ್ದೆಗಳನ್ನು ಭರ್ತಿ ಮಾಡಿಕೊಳ್ಳಲು ಯುಪಿ ಪೊಲೀಸ್ ಇಲಾಖೆ ನಿರ್ಧರಿಸಿದ್ದು, ಇದಕ್ಕಾಗಿ ಇತ್ತೀಚೆಗೆ ಅರ್ಜಿ ಆಹ್ವಾನಿಸಲಾಗಿತ್ತು. ಆದರೆ ಕನಿಷ್ಠ ವಿದ್ಯಾರ್ಹತೆಯುಳ್ಳ ಈ ಹುದ್ದೆಗೆ ಸ್ನಾತಕೋತ್ತರ ಪದವೀಧರರೂ ಅರ್ಜಿ ಸಲ್ಲಿಸಿರುವುದು ಅಧಿಕಾರಿಗಳ ತಲೆ ಕೆಡಿಸಿದೆ. ಹೀಗಾಗಿ ಆಯ್ಕೆ ನೇಮಕಾತಿ ಪ್ರಕ್ರಿಯೆ ಮುಂದೂಡಲು ನಿರ್ಧರಿಸಿದ್ದಾರೆ
ಅಂದ ಹಾಗೆ ಟೆಲಿಕಾಂ ಮೆಸೆಂಜರ್ ಹುದ್ದೆಗೆ ನಿಗದಿ ಮಾಡಿರುವುದು ಕನಿಷ್ಠ 5ನೇ ತರಗತಿ ವಿದ್ಯಾರ್ಹತೆ.
ಮೇಲ್ನೋಟಕ್ಕೆ ಅಚ್ಚರಿಯೇನು ಅನ್ನಬಹುದು. ಆದರೆ ದೇಶದಲ್ಲಿ ನಿರುದ್ಯೋಗ ಸಮಸ್ಯೆಗೆ ಇದೊಂದು ಘಟನೆ ಹಿಡಿದ ಕೈಗನ್ನಡಿ.
[youtube https://www.youtube.com/watch?v=ZUmI3y7RW4g&w=848&h=480]
