ಸಿಪಿಐ ಅಭ್ಯರ್ಥಿ ಕನ್ಹಯ್ಯ ಕುಮಾರ್ ಪರ ಪ್ರಚಾರ ಮಾಡಿದ್ದ ಬಾಲಿವುಡ್ ನಟಿ ಸ್ವರಾ ಭಾಸ್ಕರ್ ವಿರುದ್ಧ ಇದೀಗ ಚೌಕಿದಾರ್ ಗ್ಯಾಂಗ್ ತಿರುಗಿ ಬಿದ್ದಿದೆ.
ಸ್ವರಾ ಭಾಸ್ಕರ್ ವೀರೆ ದಿ ವೆಡ್ಡಿಂಗ್ ಚಿತ್ರದಲ್ಲಿ ನಟಿಸಿದ್ದು ಅದರಲ್ಲಿ ಅವರ ಹಸ್ತಮೈಥುನದ ದೃಶ್ಯ ಸಾಕಷ್ಟು ಚರ್ಚೆಗೆ ಎಡೆಮಾಡಿಕೊಟ್ಟಿತ್ತು. ಅಲ್ಲದೆ ಈ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ಸಾಕಷ್ಟು ಟ್ರೋಲ್ ಗೂ ತುತ್ತಾಗಿತ್ತು.
ಇದೀಗ ಮತ್ತೆ ಸ್ವರಾ ಭಾಸ್ಕರ್ ಕನ್ಹಯ್ಯ ಪರ ಪ್ರಚಾರಕ್ಕೆ ಹೋಗುತ್ತಿದ್ದಂತೆ ಈ ವಿಚಾರ ಮುನ್ನೆಲೆಗೆ ಬಂದಿದೆ.
ಸೋಮವಾರ ನಡೆದ ಲೋಕಸಭೆಯ ನಾಲ್ಕನೇ ಹಂತದ ಚುನಾವಣೆ ವೇಳೆ ಮತದಾನದ ಜಾಗೃತಿ ಮೂಡಿಸಲು ಸ್ವರಾ ಭಾಸ್ಕರ್ ಅವರ ಹೆಸರನ್ನು ಬಳಸಿಕೊಳ್ಳಲಾಗಿದೆ.
ಮುಂಬೈನ ಬೀದಿಗಳಲ್ಲಿ ಕೆಲ ಯುವಕ-ಯುವತಿಯರು ಈ ಚುನಾವಣೆ ಸ್ವರಾ ಭಾಸ್ಕರ್ ರೀತಿಯಲ್ಲ. ನಿಮ್ಮ ಬೆರಳನ್ನು ಬುದ್ಧಿವಂತಿಕೆಯಿಂದ ಬಳಸಿ ಮತ ಹಾಕಿ ಎಂದು ಬರೆದ ಪ್ಲೇಕಾರ್ಡ್ ಗಳನ್ನು ಹಿಡಿದು ನಿಂತಿದ್ದರು.
ನಿಜಕ್ಕೂ ಇದೊಂದು ದುರಂತವೇ ಸರಿ. ಮತದಾನದ ಬಗ್ಗೆ ಜಾಗೃತಿ ಮೂಡಿಸಲು ಸಾವಿರ ದಾರಿಗಳಿವೆ. ಕನ್ಹಯ್ಯ ಅವರನ್ನು ಬೆಂಬಲಿಸಿರುವ ಒಂದೇ ಕಾರಣಕ್ಕೆ ಸ್ವರಾ ಭಾಸ್ಕರ್ ಅವರ ಸಿನಿಮಾದ ದೃಶ್ಯವನ್ನು ಎಳೆದು ತರುವ ಅಗತ್ಯವಿರಲಿಲ್ಲ. ಸ್ವರಾ ಭಾಸ್ಕರ್ ಅವರಿಗೆ ಯಾರನ್ನೂ ಬೇಕಾದ್ರು ಬೆಂಬಲಿಸುವ ಅಧಿಕಾರವಿದೆ. ಇದೊಂದು ಕೀಳು ಮಟ್ಟದ ಅಭಿರುಚಿಯ ಜಾಗೃತಿ ಅನ್ನುವುದಂತು ಸತ್ಯ.
ಈ ಬಗ್ಗೆ ತಮ್ಮ ಟ್ವೀಟರ್ ಖಾತೆಯಲ್ಲಿ ಖಡಕ್ಕ್ ಉತ್ತರ ಕೊಟ್ಟಿರುವ ಸ್ವರಾ ಭಾಸ್ಕರ್, ನನ್ನ ಟ್ರೋಲಿಗರು ಮತ್ತೆ ಹಾರ್ಡ್ ವರ್ಕ್ ನಡೆಸುತ್ತಿದ್ದಾರೆ. ನನ್ನ ಹೆಸರು ಪ್ರಖ್ಯಾತಿಗೊಳಿಸಲು ಅವರು ಬೆವರು ಹರಿಸಿ ದುಡಿಯುತ್ತಿದ್ದಾರೆ. ಏ ಹುಡುಗರೇ ನೀವು ತುಂಬಾ ತ್ಯಾಗಮಯಿಗಳು.. ನಾಚಿಕೆಗೇಡು ಹುಡುಗರೇ, ನಿಮ್ಮ ಯೋಚನೆ ಸಂಕುಚಿತವಾಗಿದೆ. ಆದರೆ ನಿಮ್ಮ ಪ್ರಯತ್ನ ಮೆಚ್ಚುವಂತದ್ದು ಅಂದಿದ್ದಾರೆ.
Discussion about this post