ಮನೋರಂಜನಾ ವಾಹಿನಿಗಳಲ್ಲಿ ಮತ್ತೊಂದು ಸುತ್ತಿನ ಧಾರಾವಾಹಿ ಸಮರ ಪ್ರಾರಂಭವಾಗಿದೆ. ರಿಯಾಲಿಟಿ ಶೋಗಳ ಬಗ್ಗೆ ಜನರಿಗೆ ಆಸಕ್ತಿ ಕಡಿಮೆಯಾಗುತ್ತಿರುವುದನ್ನು ಗಮನಿಸಿದ ವಾಹಿನಿಗಳು ಮತ್ತೆ ಧಾರಾವಾಹಿಯತ್ತ ಮುಖ ಮಾಡಿದೆ. ಇದರ ಭಾಗವಾಗಿ ಇದೀಗ srirastu subhamastu ಸೀರಿಯಲ್ ಝೀ ಕನ್ನಡದಲ್ಲಿ ಪ್ರಾರಂಭವಾಗಲಿದೆ.
ಈ ಬಾರಿ ಝೀ ಕನ್ನಡ ಶ್ರೀರಸ್ತು ಶುಭಮಸ್ತು ಅನ್ನು ಧಾರಾವಾಹಿಯನ್ನು ಪರಿಚಯಿಸುತ್ತಿದ್ದು, ಕಥೆ, ಅದ್ದೂರಿ ನಿರ್ಮಾಣ ಮಾತ್ರ ಚೆನ್ನಾಗಿದ್ರೆ ಸಾಲದು ಎಂದು ಅರಿತಿರುವ ವಾಹಿನಿ ಸೆಲೆಬ್ರೆಟಿ ನಟರನ್ನು ತಂಡಕ್ಕೆ ಸೇರಿಸಿಕೊಳ್ಳುತ್ತಿದೆ. ಹೀಗಾಗಿಯೇ 90ರ ದಶಕದಲ್ಲಿ ಕನ್ನಡ ಚಿತ್ರರಂಗವನ್ನು ಆಳಿದ ಸುಧಾರಾಣಿ ಇದೀಗ ಶ್ರೀರಸ್ತು ಶುಭಮಸ್ತು ( srirastu subhamastu ) ತಂಡ ಸೇರಿಕೊಂಡಿದ್ದಾರೆ.
ಹಾಗೇ ನೋಡಿದರೆ ಶ್ರೀರಸ್ತು ಶುಭಮಸ್ತು ಅನ್ನುವುದು ಜೀ ಕನ್ನಡದ ಹಳೆ ಟೈಟಲ್. ಆದರೆ ಈ ಬಾರಿ ಅದೇ ಟೈಟಲ್ ನೊಂದಿಗೆ ಹೊಸ ಕಥೆಯನ್ನು ಹೊತ್ತು ತರಲಾಗುತ್ತಿದೆ. ಈ ಬಾರಿಯ ಕಥೆ ಝೀ ಮರಾಠಿಯಲ್ಲಿ ಪ್ರಸಾರವಾದ ಅಗ್ಗಬಾಯ್ ಸಾಸುಬಾಯ್ ಅನ್ನುವ ಧಾರಾವಾಹಿಯದ್ದು. ಈ ಧಾರವಾಹಿಯ ರಿಮೇಕ್ ಶ್ರೀರಸ್ತು ಶುಭಮಸ್ತು
ಇದನ್ನೂ ಓದಿ : ರಾಜ್ಯದ ಇತಿಹಾಸದಲ್ಲೇ ಅತೀ ದೊಡ್ಡ ಆರೆಸ್ಟ್
ಇದು ಅತ್ತೆ ಸೊಸೆ ನಡುವಿನ ಕಥೆಯಾಗಿತ್ತು. ಬದುಕಿನ ಮುಸ್ಸಂಜೆ ಪ್ರವೇಶಿಸಿರುವ ಅತ್ತೆ ಕುಟುಂಬದ ಸುಖಕ್ಕಾಗಿ ಸರ್ವಸ್ವವನ್ನೂ ತ್ಯಾಗ ಮಾಡುತ್ತಾಳೆ. ಅತ್ತೆಯ ನೋವು ಅರಿತ ಸೊಸೆ ಅತ್ತೆಗೆ ಮರು ಮದುವೆ ಮಾಡಲು ಮುಂದಾಗುತ್ತಾಳೆ. ಅತ್ತೆಗೆ ಹೊಸ ಬದುಕು ಕಟ್ಟಿಕೊಡಲು ಸೊಸೆ ಹೋರಾಡುವುದೇ ಈ ಧಾರಾವಾಹಿಯ ಕಥಾ ಹಂದರ. ಅತ್ತೆಯಾಗಿ ಸುಧಾರಾಣಿ ಶ್ರೀರಸ್ತು ಶುಭಮಸ್ತು ಧಾರವಾಹಿಯಲ್ಲಿ ಹಣ ಹಚ್ಚಿದ್ದಾರೆ.
Read More : ಕೊಡಗಿನಲ್ಲಿ ಮತ್ತೆ ಕಂಪಿಸಿದ ಭೂಮಿ : 9ನೇ ಬಾರಿ ಅದುರಿದ ವಸುಂಧರೆ : ಆತಂಕದಲ್ಲಿ ಜನ
ಅತ್ತೆ ಸೊಸೆ ಜಗಳ ನೋಡಿ ರೋಸಿ ಹೋದ ಪ್ರೇಕ್ಷಕರಿಗೆ ಅತ್ತೆ ಸೊಸೆ ನಡುವಿನ ಬಾಂಧವ್ಯ ಹೊಸ ಹುರುಪು ತಂದುಕೊಡಲಿದೆ. ಇನ್ನು ಸುಧಾರಾಣಿ ಧಾರಾವಿಯಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ ಅಂದ ಮೇಲೆ ಕಿರುತೆರೆ ಪ್ರೇಕ್ಷಕರ ಕುತೂಹಲ ಮತ್ತಷ್ಟು ಹೆಚ್ಚಾಗಿದೆ.
Discussion about this post