ದುಬೈ : 14 ನೇ ಆವೃತ್ತಿಯ IPLನ ಮೊದಲ ಕ್ಲಾಲಿಫೈಯರ್ ಪಂದ್ಯದಲ್ಲಿ ಭಾನುವಾರ ಡೆಲ್ಲಿ ಕ್ಯಾಪಿಟಲ್ಸ್ ವಿರುದ್ಧ 4 ವಿಕೆಟ್ ಗಳ ರೋಚಕ ಗೆಲುವು ಸಾಧಿಸಿರುವ ಚೆನೈ ಫೈನಲ್ ಗೇರಿದೆ. ಈ ಮೂಲಕ ಈ ಸೀಸನ್ ನಲ್ಲಿ ಫೈನಲ್ ಪ್ರವೇಶಿಸಿದ ಮೊದಲ ತಂಡ ಅನ್ನುವ ಹೆಗ್ಗಳಿಕೆಗೆ ಪಾತ್ರವಾಗಿದೆ. ಪಂದ್ಯ ಸೋತರೂ ಫೈನಲ್ ಪ್ರವೇಶಿಸಲು ಡೆಲ್ಲಿ ತಂಡಕ್ಕೆ ಅವಕಾಶವಿದ್ದು, ಇದಕ್ಕಾಗಿ ಎಲಿಮಿನೇಟರ್ ಪಂದ್ಯದಲ್ಲಿ ಗೆಲ್ಲುವ ತಂಡದ ವಿರುದ್ಧ 2ನೇ ಕ್ವಾಲಿಫೈಯರ್ ಪಂದ್ಯದಲ್ಲಿ ಸೆಣಸಬೇಕಿದೆ.
ಈ ನಡುವೆ ಕೆಕೆಆರ್ ಹಾಗೂ ಆರ್.ಸಿ.ಬಿ ನಡುವೆ ಎಲಿಮಿನೇಟರ್ ಪಂದ್ಯ ನಡೆಯಲಿದ್ದು, ಸೋಲುವ ತಂಡ ಪಂದ್ಯದಿಂದ ಹೊರಬೀಳಲಿದೆ.ಈ ಸೀಸನ್ ನ ಪ್ರಾರಂಭದಲ್ಲಿ KKR ವಿರುದ್ಧ ಆಡಿದ್ದ RCB 92 ರನ್ ಗೆ ಅಲೌಟ್ ಆಗಿ ಹೀನಾಯ ಸೋಲು ಕಂಡಿತ್ತು.
ಕೆಕೆಆರ್ ತಂಡ ಬ್ಯಾಟಿಂಗ್ ಮತ್ತು ಬೌಲಿಂಗ್ ನಲ್ಲಿ ಬಲಿಷ್ಟವಾಗಿದ್ದು ಗಿಲ್, ಅಯ್ಯರ್, ರಾಣಾ ಹೀಗೆ ಅನೇಕರು ಜಯ ತಂದುಕೊಡಬಲ್ಲ ತಾಕತ್ತು ಹೊಂದಿದ್ದಾರೆ. ಮ್ಯಾಕ್ಸ್ ವೆಲ್ ಹಾಗೂ ಭರತ್ ಮೇಲೆ RCB ವಿಶ್ವಾಸವಿರಿಸಿದೆ. ಕೊಹ್ಲಿ,ಪಡಿಕ್ಕಲ್ ಹಾಗೂ ಎಬಿಡಿ ಜಾದೂ ಮಾಡಿದರೆ ಮಾತ್ರ ಪಂದ್ಯ ಗೆಲ್ಲಬಹುದಾಗಿದೆ.
Discussion about this post