ಪ್ರಿಯಾಂಕ ತಿಮ್ಮೇಶ್, ಚಂದನವನದಲ್ಲಿ ಒಳ್ಳೆಯ ಹೆಸರು ಮಾಡಿದ ನಟಿ. ಅದರಲ್ಲೂ ಬಿಗ್ ಬಾಸ್ ಮನೆಗೆ ಪ್ರವೇಶಿಸಿದ ಬಳಿಕ ತಮ್ಮ ನೇರ ನಡೆ ನುಡಿಯ ಮೂಲಕ ಮತ್ತಷ್ಟು ಅಭಿಮಾನಿಗಳನ್ನು ಸಂಪಾದಿಸಿದ್ದರು. ಮುಖವಾಡವಿಲ್ಲದ ಪ್ರಿಯಾಂಕ ತಿಮ್ಮೇಶ್ ತಾವೇನು ಅನ್ನುವುದನ್ನು ಬಿಗ್ ಬಾಸ್ ಮನೆಯಲ್ಲಿ ಸಾಬೀತು ಮಾಡಿದ್ದರು.
ಅದರಲ್ಲೂ ಫಿಂಗರ್ ಖ್ಯಾತಿಯ ಚಂದ್ರಚೂಡರ ಬೆವರಿಳಿಸಿದ ಏಕೈಕ ಸ್ಪರ್ಧಿ ಅಂದ್ರೆ ಅದು ಪ್ರಿಯಾಂಕ ತಿಮ್ಮೇಶ್. ಮಾತ್ರವಲ್ಲದೆ ಚಂದ್ರಚೂಡ್ ಅವರ ಅಸಲಿ ಮುಖವನ್ನು ಬಯಲು ಮಾಡಿದ ಕೀರ್ತಿಯೂ ಪ್ರಿಯಾಂಕ ತಿಮ್ಮೇಶ್ ಅವರಿಗೆ ಸಲ್ಲಬೇಕು.
ಇದೀಗ ಬಿಗ್ ಬಾಸ್ ಮನೆಯಿಂದ ಹೊರ ಬಂದಿರುವ ಸ್ಪರ್ಧಿಗಳು ಟೈಮ್ ಸಿಕ್ಕಾಗ ಪರಸ್ಪರ ಭೇಟಿಯಾಗುತ್ತಿರುತ್ತಾರೆ. ಆದ್ರೆ ಈ ಕಿಟ್ಟಿಪಾರ್ಟಿಗಳಿಂದ ದೂರವಿರುವ ಪ್ರಿಯಾಂಕ ತಿಮ್ಮೇಶ್, ಚಂದನವನದಲ್ಲಿ ಮತ್ತೆ ಹೆಸರು ಮಾಡಲು ಮುಂದಾಗಿದ್ದಾರೆ. ಅದಕ್ಕೂ ಮುನ್ನ ಅಭಿಮಾನಿಗಳ ಎದೆಗೆ ಇರಿಯುವಂತೆ ಫೋಟೋ ಶೂಟ್ ಮಾಡಿಕೊಂಡಿರುವ ಅವರು, ಸಾಮಾಜಿಕ ಜಾಲತಾಣಗಳಲ್ಲಿ ಸದ್ದು ಮಾಡುತ್ತಿದ್ದಾರೆ.
Discussion about this post