ಮಹಾಮನೆಯಿಂದ ಹೊರ ಬಿದ್ದ ಗೀತಾ… ಮೂರೇ ವಾರಕ್ಕೆ ಕಿರುತೆರೆಯ ಗುಂಡಮ್ಮ ಎಲಿನಿಮೇಟ್ ಆಗಿದ್ಯಾಕೆ…?

ಗಾಯಕಿ ನಟಿ ಗೀತಾ ಭಾರತಿ ಭಟ್ ಮೂರನೇ ವಾರದ ಎಲಿಮಿನೇಷನ್ ನಲ್ಲಿ ಮಹಾಮನೆಯಿಂದ ಹೊರ ಬಂದಿದ್ದಾರೆ.

ಹಾಗೇ ನೋಡಿದರೆ ಇವತ್ತು ಬಾ ಗುರು ಖ್ಯಾತಿಯ ಶಮಂತ್ ಹೊರ ಬರುತ್ತಾರೆ ಅನ್ನುವ ನಿರೀಕ್ಷೆಗಳಿತ್ತು. ಆದರೆ ಎಲ್ಲಾ ನಿರೀಕ್ಷೆಗಳು ಹುಸಿಯಾಗಿದ್ದು, 3ನೇ ವಾರಕ್ಕೆ ಕಿರುತೆರೆಯ ಗುಂಡಮ್ಮ ಮಹಾಮನೆಯ ಆಟ ಮುಗಿಸಿದ್ದಾರೆ.

ಈ ವಾರ ಗೀತಾ ಭಾರತಿ, ಶಮಂತ್, ರಘು ಗೌಡ, ವಿಶ್ವನಾಥ್, ದಿವ್ಯಾ ಉರುಡುಗ ಮನೆಯಿಂದ ಹೊರ ಹೋಗಲು ನಾಮಿನೇಷನ್ ಆಗಿದ್ದರು.

ಹಾಗೇ ನೋಡಿದರೆ ಗೀತಾ ಕಳೆದ ವಾರವೇ ಬಿಗ್ ಬಾಸ್ ಮನೆಯಿಂದ ಹೊರಬರಬೇಕಾಗಿತ್ತು.

ಇದನ್ನೂ ಓದಿ : ನಾನ್ಯಾಕೆ ದಪ್ಪಗಿದ್ದೇನೆ…. ಬಿಗ್ ಬಾಸ್ ವೇದಿಕೆಯಲ್ಲಿ ರಹಸ್ಯ ಬಯಲು ಮಾಡಿದ ಗೀತಾ ಭಾರತಿ ಭಟ್

ಗೀತಾ ಅವರಿಗೆ ಸಾಕಷ್ಟು ಪ್ರತಿಭೆಗಳಿದೆ ಆದರೆ ಪ್ರತಿಭೆಗಳ ಮೂಲಕ ಅವರು ವೀಕ್ಷಕರನ್ನು ತಲುಪಲೇ ಇಲ್ಲ.

ಪ್ರತಿಭೆ ಅನಾವರಣಗೊಳಿಸದಿದ್ದರೂ ಪರವಾಗಿಲ್ಲ, ಕನಿಷ್ಟ ಗೀತಾ ಅವರು ತಮ್ಮ ಸಂಕಷ್ಟ ಹಾದಿಯನ್ನು ವೀಕ್ಷಕರಿಗೆ ತೆರೆದಿಟ್ಟಿದ್ರೆ ಸಾಕಿತ್ತು. ಕರುನಾಡು ಕಣ್ಣೀರು ಹಾಕಿರೋದು.

ಕಿರುತೆರೆಯಲ್ಲಿ ಗೀತಾ ಮಿಂಚುತ್ತಿದ್ದಾರೆ. ಆದರೆ ಅವರ ವಾಸ ಇಂದಿಗೂ ಶೀಟ್ ಮನೆಯಲ್ಲಿ. ಸ್ವಂತ ಮನೆ ಹೊಂದಬೇಕು ಅನ್ನುವುದು ಅವರ ಕನಸು. ಇದು ಅವರ ಸಂಕಷ್ಟದ ಜೀವನಕ್ಕೊಂದು ಎಕ್ಸಾಂಪಲ್. ಹೊರಗಡೆ ನಗುತ್ತಿರುವ ಗೀತಾ ಹಿಂದೆ ಸಾವಿರ ಸಾವಿರ ನೋವಿನ ಕಥೆಗಳಿದೆ.

ಇದನ್ನೂ ಓದಿ : ಬಿಗ್ ಬಾಸ್ ಮನೆಗೆ ಹೋಗಿರುವ ಗೀತಾ ಭಾರತಿ ಭಟ್ ಎಷ್ಟು ಮುದ್ದಾಗಿದ್ದಾರೆ ಗೊತ್ತಾ…?

ಆದರೆ ಅದ್ಯಾವುದು ಕೂಡಾ ವೀಕ್ಷಕರನ್ನು ತಲುಪಲೇ ಇಲ್ಲ. ಯಾವಾಗ ಗೀತಾ ಕ್ಯಾಮಾರ ಮುಂದೆ ಕಾಣಿಸಿಕೊಳ್ಳುವುದು ಕಡಿಮೆಯಾಯ್ತೋ, ಗೀತಾ ಬಿಗ್ ಬಾಸ್ ಅಭಿಮಾನಿಗಳಿಗೆ ಇಷ್ಟವಾಗಲಿಲ್ಲ.

ಬಿಗ್ ಬಾಸ್ ಆಟವೇ ಹಾಗೇ, ಅಲ್ಲಿ ನಾನು ಇರುವುದೇ ಹೀಗೆ ಅಂದ್ರೆ ಖಂಡಿತಾ ಉದ್ದಾರವಾಗೋದಿಲ್ಲ. ಮುಖವಾಡ ಕಳಚೋ ಮನೆಯಲ್ಲಿ ಮುಖವಾಡ ಹಾಕಿಯೇ ಇರಬೇಕು. ಅದು ಅಸಾಧ್ಯ ಅನ್ನುವುದಾದರೆ ನಾನು ಇರೋದು ಹೀಗೆಯೇ ಅಂದವರು, ನಾನು ಇರುವುದು ಹೇಗ ಅನ್ನುವುದನ್ನು ತೋರಿಸಿಕೊಡಬೇಕು. ಗೀತಾ ಅವರಿಗೆ ಅದ್ಯಾವುದು ಸಾಧ್ಯವಾಗಲಿಲ್ಲ.

ಇನ್ನು ಗೀತಾ ವೈಯುಕ್ತಿಕ ಜೀವನದ ಕಡೆ ಬರುವುದಾದ್ರೆ ಕಾರ್ಕಳದ ಹುಡುಗಿ, ಬ್ಯಾಕಿಂಗ್ ಕ್ಷೇತ್ರದಲ್ಲಿ ಎರಡು ವರ್ಷ ದುಡಿದಿದ್ದರು. ಈ ವೇಳೆ ಬ್ರಹ್ಮಗಂಟು ಧಾರವಾಹಿಯಲ್ಲಿ ಅವಕಾಶ ಸಿಕ್ತು. ಸಿಕ್ಕ ಅವಕಾಶವನ್ನು ಚೆನ್ನಾಗಿ ಬಳಸಿಕೊಂಡವರನ್ನು ಡ್ಯಾನ್ಸ್ ಕರ್ನಾಟಕ ಡ್ಯಾನ್ಸ್ ಕೈ ಬೀಸಿ ಕರೆಯಿತು.

ಅಲ್ಲೂ ತಾನೂ ಕೇವಲ ಗಾಯಕಿ ಹಾಗೂ ನಟಿಯಲ್ಲ, ನನ್ನೊಳಗೆ ನೃತ್ಯಗಾರ್ತಿಯೂ ಇದ್ದಾಳೆ ಅನ್ನುವುದನ್ನು ತೋರಿಸಿದರು.

ಬಳಿಕ ಹೋಗಿದ್ದು ಬಿಗ್ ಬಾಸ್ ಮನೆಗೆ, ಆದರೆ ಮಹಾಮನೆ ತುಂಬಾ ದಿನ ಗೀತಾ ಅವರನ್ನು ಇಟ್ಟುಕೊಳ್ಳಲು ಇಷ್ಟಪಡಲಿಲ್ಲ.