ಏರ್ ಇಂಡಿಯಾ ಸಂಸ್ಥೆಯನ್ನು ಟಾಟಾ ಸನ್ಸ್ ತನ್ನ ಮಡಿಲಿಗೆ ಹಾಕಿಕೊಂಡಿದೆ.ಒಂದು ಕಾಲದಲ್ಲಿ ತಾನೇ ಕಟ್ಟಿ ಬೆಳೆಸಿದ ಸಂಸ್ಥೆಯನ್ನು ಮತ್ತೆ ಸದೃಢವಾಗಿಸುವ ಜವಾಬ್ದಾರಿ ಟಾಟಾ ಸಂಸ್ಥೆಯದ್ದು. ಉಪ್ಪು, ಟೀ ಪುಡಿಯಿಂದ ಹಿಡಿದು ಕಾರಿನಂತ ದುಬಾರಿ ವಸ್ತುಗಳನ್ನು ಮಾರಾಟ ಮಾಡುವ ಸ್ವದೇಶಿ ಸಂಸ್ಥೆಯಾಗಿರುವ ಟಾಟಾ ತೆಕ್ಕೆಗೆ ಏರ್ ಇಂಡಿಯಾ ಬಂದಿರುವುದು ಮಹತ್ತರವಾದ ಸಂಗತಿಯಾಗಿದೆ ಅದಕ್ಕೆ ಕಾರಣವೂ ಇದೆ.
ಇಡೀ ವಿಶ್ವಕ್ಕೆ ದಂತಕಥೆಯಾಗಿರುವ ಕೈಗಾರಿಕೋದ್ಯಮಿ ಜೆ.ಆರ್.ಡಿ. ಟಾಟಾ ಅವರು ಸ್ಥಾಪಿಸಿದ ಸಂಸ್ಥೆಯೇ ಟಾಟಾ ಏರ್ ಲೈನ್ಸ್. ಹಾಗೇ ನೋಡಿದರೆ ಇದು ಭಾರತದ ಮೊದಲ ಏರ್ ಲೈನ್ ಸಂಸ್ಥೆಯೂ ಹೌದು. ಭಾರತದ ಮೊದಲ ಲೈಸೆನ್ಸ್ ಹೊಂದಿದ ಪೈಲಟ್ ಆಗಿದ್ದ ಜೆ.ಆರ್.ಡಿ. ಟಾಟಾ ಅವರ ಕನಸಿನ ಕೂಸಾಗಿದ್ದ ಏರ್ ಲೈನ್ಸ್ ರಾಜಕೀಯ ಕಾರಣಗಳಿಂದ ಮುಳುಗುವ ಹಡಗಾಯ್ತು, ಸಾಕಲಾರದ ಬಿಳಿಯಾನೆಯಾಯ್ತು.
Discussion about this post