ಬೆಂಗಳೂರು : ಅದು 2016 ಯಶ್ ನಟನೆಯ Santhu Straight Forward ಚಿತ್ರ ಬಿಡುಗಡೆ ಸಂದರ್ಭ. ಅದೇ ಸಂದರ್ಭದಲ್ಲಿ ರೈತರ ಸಂಕಷ್ಟ ಅದಕ್ಕೆ ಪರಿಹಾರ ಕುರಿತಂತೆ ಯಶ್ ಕಾರ್ಯೋನ್ಮುಖರಾಗಿದ್ದರು. ಈ ಸಂದರ್ಭದಲ್ಲಿ ಪಬ್ಲಿಕ್ ಟಿವಿ ಹಾಗೂ ಯಶ್ ನಡುವೆ ತಿಕ್ಕಾಟ ಪ್ರಾರಂಭವಾಗಿತ್ತು. Santhu Straight Forward Success Press Meet ನಲ್ಲಿ ಪಬ್ಲಿಕ್ ಟಿವಿ ವರದಿಗಾರ ಹಾಗೂ ಯಶ್ ಮಾತಿನಲ್ಲೇ ಪರಚಾಡಿಕೊಂಡಿದ್ದರು.
ಇದೇ ಸಂದರ್ಭದಲ್ಲಿ ಮಾಧ್ಯಮಗಳಲ್ಲಿ ಎಲ್ಲಿದ್ದೀರಾ ಯಶ್ ಅನ್ನುವ ಬ್ರೇಕಿಂಗ್ ನ್ಯೂಸ್ ಸಾಮಾನ್ಯವಾಗಿತ್ತು. ಹೀಗಾಗಿ ಎಲ್ಲಿದ್ದೀರಾ ಯಶ್ ಅನ್ನುವ ಟೈಟಲ್ ಸಾಮಾಜಿಕ ಜಾಲತಾಣಗಳಲ್ಲೂ ಸದ್ದು ಮಾಡಲಾರಂಭಿಸಿತ್ತು. 500, 1000 ನೋಟುಗಳನ್ನ ಕೇಂದ್ರ ಸರ್ಕಾರ ಬ್ಯಾನ್ ಮಾಡಿದೆ. ಇದರಿಂದ ಚಿಲ್ಲರೆಗಾಗಿ ಜನರು ಪರದಾಡುತ್ತಿದ್ದಾರೆ. ಎಲ್ಲಿದ್ದೀರಾ ಯಶ್, ಬಾವಿಯಲ್ಲಿ ನೀರಿಲ್ಲ ಎಲ್ಲಿದ್ದೀರಾ ಯಶ್, , ಕಡಲಲ್ಲಿ ಮೀನಿಲ್ಲ ಎಲ್ಲಿದ್ದೀರಾ ಯಶ್, ಜೇಬಲ್ಲಿ ಕಾಸಿಲ್ಲ ಎಲ್ಲಿದ್ದೀರಾ ಯಶ್ ಹೀಗೆ ಟ್ರೋಲ್ ಪೇಜ್ ಗಳು ಭರ್ಜರಿ ಬ್ಯಾಟಿಂಗ್ ಮಾಡಿತ್ತು.
ಇದಾದ ಬಳಿಕ ಪಬ್ಲಿಕ್ ಟಿವಿ ಹಾಗೂ ಯಶ್ ನಡುವೆ ಹಳಸಿದ್ದ ಸಂಬಂಧ ಸರಿ ಹೋಯ್ತು. ಒಂದಿಷ್ಟು ಚರ್ಚೆಗಳಲ್ಲೂ ಯಶ್ ಪಾಲ್ಗೊಂಡರು. ಆದರೆ ಯಶ್ ಯೋಜನೆಗಳು ಏನಾಯ್ತು ಅನ್ನುವುದು ಇನ್ನೂ ಯಾರಿಗೂ ಗೊತ್ತಿಲ್ಲ. ರೈತರ ಆದಾಯ ವೃದ್ಧಿಸುವ ಕಾರ್ಯ ಎಲ್ಲಿಗೆ ಬಂತು ಅನ್ನುವುದನ್ನು ಯಶ್ ಅವರೇ ಹೇಳಬೇಕು.
ಈ ನಡುವೆ ಗುರುವಾರ ಯಶ್ ಅವರನ್ನು ಭೇಟಿಯಾಗಿರುವ ಪಬ್ಲಿಕ್ ಟಿವಿ ರಂಗನಾಥ್ ತಮ್ಮ ಪುತ್ರಯ ವಿವಾಹದ ಆಮಂತ್ರಣ ಪತ್ರಿಕೆ ಕೊಟ್ಟು ಬಂದಿದ್ದಾರೆ. ಈ ವೇಳೆ ರಂಗನಾಥ್ ಅವರನ್ನು ಆತ್ಮೀಯವಾಗಿ ಸ್ವಾಗತಿಸಿರುವ ರಾಧಿಕಾ ಹಾಗೂ ಯಶ್ ಗೌರವಯುತವಾಗಿಯೇ ನಡೆಸಿಕೊಂಡಿದ್ದಾರೆ ಎಂದು ಗೊತ್ತಾಗಿದೆ.
Discussion about this post