ಭ್ರಷ್ಟರ ಪಾಲಿಗೆ BLACK FRIDAY : 21 ಲಂಚಬಾಕ ಅಧಿಕಾರಿಗಳ ಮನೆಗೆ ಎಸಿಬಿ ದಾಳಿ

ಬೆಂಗಳೂರು : ರಾಜ್ಯದಲ್ಲಿ ಸರ್ಕಾರಿ ಅಧಿಕಾರಿಗಳು ಮಾನ ಮರ್ಯಾದೆ ಎಲ್ಲವನ್ನೂ ಹರಾಜಿಗಿಟ್ಟು ಜನರ ರಕ್ತ ಹೀರುತ್ತಿದ್ದಾರೆ. ಸರ್ಕಾರಿ ಕೆಲಸ ಅಂದ್ರೆ ದೇವರ ಕೆಲಸ ಅನ್ನುವುದನ್ನು ಬಿಟ್ಟು ಲೂಟಿಕೋರರಾಗಿ ಹೋಗಿದ್ದಾರೆ.

ಈ ನಡುವೆ ಶುಕ್ರವಾರ 21 ಅಧಿಕಾರಿಗಳ ಕೋಟೆಗೆ ಎಸಿಬಿ ದಾಳಿ ನಡೆಸಿದ್ದು, 251 ಎಕರೆ ಜಮೀನು, 13.5 ಕೆಜಿ ಚಿನ್ನ ಮತ್ತು 1.34 ಕೋಟಿ ನಗದು ಜಪ್ತಿ ಮಾಡಿಕೊಂಡಿದೆ. ಬಿಡಿಎ ಗಾರ್ಡನರ್ ಒಬ್ಬ ಅಕ್ರಮ ಮಾರ್ಗದಲ್ಲಿ 3 ಸೈಟ್ ಮಾಡಿಕೊಂಡಿದ್ದ ಅಂದ ಮೇಲೆ, ಅಧಿಕಾರಿಗಳು ಅದೆಷ್ಟು ಮಾಡಿರಬಹುದು.

ಶುಕ್ರವಾರ ಬೆಂಗಳೂರು, ಬೆಳಗಾವಿ, ಬಾಗಲಕೋಟೆ, ಕಾರವಾರ, ಕೋಲಾರ, ಕೊಪ್ಪಳ, ಕೊಡಗು, ಹಾಸನ, ಬೀದರ್, ಶಿವಮೊಗ್ಗ, ಹಾವೇರಿ, ಚಿಕ್ಕಮಗಳೂರು, ಚಿಕ್ಕಬಳ್ಳಾಪುರ, ಉಡುಪಿ, ವಿಜಯನಗರ ಮತ್ತು ಗದಗದಲ್ಲಿ ಈ ದಾಳಿ ನಡೆದಿದೆ. 80 ಕಡೆ ನಡೆದ ದಾಳಿಯಲ್ಲಿ  555 ಅಧಿಕಾರಿಗಳು ಹಾಗೂ ಸಿಬ್ಬಂದಿ ಪಾಲ್ಗೊಂಡಿದ್ದರು.

ಇನ್ನು ಕೊಪ್ಪಳದ ಪೊಲೀಸ್ ಇನ್ಸ್ ಪೆಕ್ಟರ್ ಉದಯರವಿ, 79 ಎಕರೆ ಜಮೀನು ಹೊಂದಿರುವುದು ಪತ್ತೆಯಾಗಿದೆ. ಭಾಗಲಕೋಟೆ ಆರ್ ಟಿ ಓ ಅಧಿಕಾರಿ ಯಲ್ಲಪ್ಪ ಪಡಸಾಲಿ ಮನೆಯಲ್ಲೇ 30 ಲೀಟರ್ ಮದ್ಯ ಇಟ್ಟುಕೊಂಡಿದ್ದ. ಬಿಡಿಎ ಗಾರ್ಡನರ್ ಶಿವಲಿಂಗಯ್ಯ ಬೆಂಗಳೂರಿನಲ್ಲಿ 3 ನಿವೇಶನ, ಹಾಗೂ 2 ಮನೆಗಳನ್ನು ಮತ್ತು ಚನ್ನಪಟ್ಟಣದಲ್ಲಿ ಕೃಷಿ ಭೂಮಿಯನ್ನು ಹೊಂದಿರುವುದು ಗೊತ್ತಾಗಿದೆ.

ದಾಳಿಗೆ ಒಳಗಾದ ಅಧಿಕಾರಿಗಳ ವಿವರ ಹೀಗಿದೆ…

1. ಜಿ. ಮಂಜುನಾಥ್ ,ಬೆಂಗಳೂರು PWD (Rtd )
2. ಡಾ.ಕೆ. ಜನಾರ್ಧನ್ , ಬೆಂಗಳೂರು ರಿಜಿಸ್ಟಾರ್ (Rtd )
3. ಶಿವಲಿಂಗಯ್ಯ, ಗಾರ್ಡನರ್ ಬೆಂಗಳೂರು , ಬಿಡಿಎ
4. ವಿ. ಮಧುಸೂಧನ್, ಐಜಿಆರ್ ಆಯುಕ್ತ ಕಚೇರಿ, ಬೆಂಗಳೂರು
5. ಡಿ.ಸಿದ್ದಪ್ಪ, ಉಪ ಚೀಫ್ ಎಲೆಕ್ಟ್ರಿಕಲ್ ಇನ್ಸ್ ಪೆಕ್ಟರ್, ಬೆಂಗಳೂರು
6. ಹರೀಶ್, ಜೆಇ, ಸಣ್ಣ ನೀರಾವರಿ ಇಲಾಖೆ ಉಡುಪಿ
7. ಬಿ.ಜಿ. ತಿಮ್ಮಯ್ಯ , ಎಸ್ಡಿಎ, ಅಜ್ಜಂಪುರ ಪಟ್ಟಣ ಪಂಚಾಯತಿ
8. ಬಿಎಸ್ ಶ್ರೀಧರ್, ಜಿಲ್ಲಾ ನೋಂದಣಾಧಿಕಾರಿ, ಉತ್ತರಕನ್ನಡ
9. ರಾಜೀವ್ ಪಿ ನಾಯಕ್, ಎಇ, ಪ್ರಧಾನಮಂತ್ರಿ ಗ್ರಾಮ ಸಡಕ್ ವಿಭಾಗ, ಉತ್ತರಕನ್ನಡ
10. ಎ. ಮೋಹನ್ ಕುಮಾರ್, ನೀರಾವರಿ ಇಲಾಖೆ ಎಇ, ಚಿಕ್ಕಬಳ್ಳಾಪುರ
11. ತಿಪ್ಪಣ್ಣಸಿರಸಗಿ, ಮಹಿಳಾ ಮಕ್ಕಳ ಅಭಿವೃದ್ಧಿ ನಿಗಮ, ಬೀದರ್
12. ಮೃತ್ಯಂಜಯ ತಿರಾಣಿ, ಹಿರಿಯ ಸಹಾಯಕ, ಬೀದರ್ ಪಶು ವಿವಿ
13. ಉದಯ ರವಿ, ಪೊಲೀಸ್ ಇನ್ಸ್ ಪೆಕ್ಟರ್ ಕೊಪ್ಪಳ
14. ಪರಮೇಶ್ವರ, ಸಣ್ಣ ನೀರಾವರಿ ಎಇ ಹೂವಿನಹಡಗಲಿ
15. ಎಚ್. ಇ. ರಾಮಕೃಷ್ಣ ,ಎಇ ಸಣ್ಣ ನೀರಾವರಿ ಇಲಾಖೆ ಹಾಸನ
16. ಓಬ್ಬಯ್ಯ , ಎಇ, ಜಿಪಂ ವಿರಾಜಪೇಟೆ ಕೊಡಗು
17. ಚಂದ್ರಪ್ಪ ಓಲೇಕಾರ್ , ತುಂಗಾ ಮೇಲ್ದಂಡೆ ಎಇ ಹಾವೇರಿ
18. ಭೀಮರಾವ್ ಪವಾರ, ಇಂಜಿನಿಯರ್, ಬೆಳಗಾವಿ
19. ಪ್ರದೀಪ ಶಿವಪ್ಪ ಆಲೂರು , ಕಾರ್ಯದರ್ಶಿ ಅಸುಂಡಿ ಗ್ರಾಮ ಪಂಚಾಯತ್
20. ಶಂಕರಲಿಂಗ ನಾಗಪ್ಪ ಗೋಗಿ, ಬಾಗಲಕೋಟೆ ನಿರ್ಮಿತಿ ಕೇಂದ್ರ
21. ಯಲ್ಲಪ್ಪ ಪಡಸಾಲಿ , RTO ಬಾಗಲಕೋಟೆ