ಕೋವಿ ರಕ್ಷಾ : ಕೊರೋನಾ ಸೋಂಕಿನಿಂದ ರಕ್ಷಿಸಿಕೊಳ್ಳಲು ಮುಲಾಮು

ಬೆಂಗಳೂರು : ಚೈನಾ ವೈರಸ್ ಸೋಲಿಸುವ ನಿಟ್ಟಿನಲ್ಲಿ ಇದೀಗ ವಿಶ್ವದೆಲ್ಲೆಡೆ ಸಂಶೋಧನೆಗಳು ನಡೆಯುತ್ತಿದೆ. ಹಲವು ಲಸಿಕೆಗಳು ಈಗಾಗಲೇ ಪರಿಣಾಮಕಾರಿ ಎಂದು ಸಾಬೀತಾಗಿದೆ.

ಹಾಗಂತ ವೈರಸ್ ವಿರುದ್ಧ ರಕ್ಷಣೆ ಪಡೆಯುವ ನಿಟ್ಟಿನಲ್ಲಿ ಸಂಶೋಧನೆಗಳು ನಿಂತಿಲ್ಲ. ಮೊನ್ನೆ ಮೊನ್ನೆ ವೈರಸ್ ವಿರುದ್ಧ ರಕ್ಷಣೆ ಪಡೆಯುವ ಮಾಸ್ಕ್ ಒಂದನ್ನು ಪರಿಚಯಿಸಲಾಗಿತ್ತು. ಇದೀಗ ಬೆಂಗಳೂರಿನ ಸರದಿ.  ಬೆಂಗಳೂರಿನ ಸಂಶೋಧನಾ ಸಂಸ್ಥೆಯೊಂದು ಕೊರೋನಾ ವೈರಾಣು ದಾಳಿ ಮಾಡದಂತೆ ತಡೆಯುವ ಮುಲಾಮು ಒಂದನ್ನು ಸಂಶೋಧಿಸಿದ್ದಾರೆ.

ಕೋವಿರಕ್ಷಾ ಹೆಸರಿನ ಮುಲಾಮನ್ನು ಬೆಂಗಳೂರಿನ ನೂತನ್ ಲ್ಯಾಬ್ಸ್ ಅಭಿವೃದ್ಧಿ ಪಡಿಸಿದ್ದು, ಮೂಗು ಗಂಟಲು, ಮಾಸ್ಕ್ ಮತ್ತು ಕೈಗೆ ಇದನ್ನು ಹಚ್ಚಿಕೊಂಡರೆ ಮೂರು ಗಂಟೆಗ ಕಾಲ ಕೊರೋನಾ ವೈರಸ್ ನಿಮ್ಮ ಬಳಿ ಸುಳಿಯೋದಿಲ್ಲ.

ಐಐಎಸ್ಸಿ ಸಹಯೋಗದೊಂದಿಗೆ ಇದನ್ನು ಅಭಿವೃದ್ಧಿಪಡಿಸಲಾಗಿದ್ದು, ರಾಜ್ಯದ ಆಯುಷ್ ಇಲಾಖೆ ಬಳಕೆಗೆ ಹಸಿರು ನಿಶಾನೆ ತೋರಿದೆ. ಈ ಮುಲಾಮನ್ನು ಬೆಳ್ಳಿಯನ್ನು ಬಳಸಿಕೊಂಡು ನ್ಯಾನೋ ತಂತ್ರಜ್ಞಾನದ ಮೂಲದ ಅಭಿವೃದ್ಧಿ ಪಡಿಸಲಾಗಿದ್ದು, ಮನೆಯಿಂದ ಹೊರಗೆ ಹೋಗುವಾಗ ಹಚ್ಚಿಕೊಳ್ಳುವಂತೆ ಸೂಚಿಸಲಾಗಿದೆ.

ಕಳೆದ ಮೂರು ತಿಂಗಳಲ್ಲಿ ಹತ್ತು ಸಾವಿರಕ್ಕೂ ಹೆಚ್ಚು ಮಂದಿಯ ಮೇಲೆ ಈ ಮುಲಾಮಿನ ಪ್ರಯೋಗ ನಡೆದಿದ್ದು, ಮಕ್ಕಳು ಕೂಡಾ ಉಪಯೋಗಿಸಬಹುದಾಗಿದೆ.