ಬೆಂಗಳೂರು : ಚಂದನವನದಲ್ಲಿ ಸದಾ ಸುದ್ದಿಯಲ್ಲಿರುವ ನಟ ಅಂದ್ರೆ ಅದು ಸುದೀಪ್. ಅಡುಗೆ, ರಿಯಾಲಿಟಿ ಶೋ, ಸಿನಿಮಾ, ಸಮಾಜ ಸೇವೆ ಎಂದು ಅವರು ಸದಾ ಚಟುವಟಿಕೆಯಿಂದ ಇರುತ್ತಾರೆ. ಕೊರೋನಾ ಲಾಕ್ ಡೌನ್ ಸಂದರ್ಭದಲ್ಲಿ ಚಂದನವನದಲ್ಲಿ ನೀರವ ಮೌನ ಆವರಿಸಿದ್ದರೂ ಸುದೀಪ್ ಮಾತ್ರ ಸುದ್ದಿಯಲ್ಲಿರುತ್ತಿದ್ದರು.
ಇತ್ತೀಚೆಗೆ ಸುದೀಪ್ ಅವರ ಹೊಸ ಹೇರ್ ಸ್ಟೈಲ್ ಸಾಮಾಜಿಕ ಜಾಲತಾಣದಲ್ಲಿ ಸದ್ದು ಮಾಡಿತ್ತು. ಇದರ ಬೆನ್ನಲ್ಲೇ ಇದೀಗ ಸಾಂಪ್ರದಾಯಿಕ ಉಡುಪಿನಲ್ಲಿ ಅಭಿನಯ ಚಕ್ರವರ್ತಿ ಕಾಣಿಸಿಕೊಂಡಿದ್ದು, ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದ್ದಾರೆ.
ತಮ್ಮ ಸಂಬಂಧಿಕರ ಮದುವೆ ಕಾರ್ಯಕ್ರಮದಲ್ಲಿ ಕುಟುಂಬ ಸಮೇತರಾಗಿ ಪಾಲ್ಗೊಂಡಿದ್ದ ಸುದೀಪ್, ಪೈಜಾಮ ರೀತಿಯ ಉಡುಪಿನಲ್ಲಿ ಕಾಣಿಸಿಕೊಂಡಿದ್ದರು. ಇನ್ನು ಈ ಮದುವೆ ಕಾರ್ಯಕ್ರಮದಲ್ಲಿ ಪತ್ನಿ ಪ್ರಿಯಾ ಮಗಳು ಸಾನ್ವಿ ಹಾಗೂ ಸುದೀಪ್ ಸಹೋದರಿ, ಸಹೋದರಿಯ ಮಗ ಕೂಡಾ ಪಾಲ್ಗೊಂಡಿದ್ದರು.
Discussion about this post