Ayman al Zawahir : ಹಿಜಾಬ್ ವಿವಾದಕ್ಕೆ ಬೆಂಬಲವಾಗಿದ್ದ ಅಲ್ ಖೈದಾ ಬಾಸ್ ಜವಾಹಿರಿ ಫಿನಿಶ್

ಕರ್ನಾಟಕದ ಹಿಜಾಬ್ ವಿವಾದ ಸಂದರ್ಭದಲ್ಲಿ ಮಂಡ್ಯದ ಹುಡುಗಿಗೆ ಬೆಂಬಲವಾಗಿ ನಿಂತಿದ್ದ ಈ ಜವಾಹರಿ (Ayman al Zawahir)9 ನಿಮಿಷಗಳ ವಿಡಿಯೋ ಬಿಡುಗಡೆ ಮಾಡಿದ್ದ. ಈ ಮೂಲಕ ಹಿಜಾಬ್ ವಿವಾದಕ್ಕೆ ಮತ್ತೊಂದು ಟ್ವಿಸ್ಟ್ ಕೂಡಾ ಸಿಕ್ಕಿತ್ತು.

ವಾಷಿಂಗ್ಟನ್ : ಸುಮಾರು 3 ಸಾವಿರ ಮಂದಿಯನ್ನು ಬಲಿ ಪಡೆದಿದ್ದ 9/11 ಎಂದೇ ಹೇಳಲಾಗುವ 2001 ಸಪ್ಟಂಬರ್ 11ರ ಅಮೆರಿಕಾದ ಟ್ವಿನ್ ಟವರ್ ಮೇಲೆ ನಡೆದ ದಾಳಿಯ ಮಾಸ್ಟರ್ ಮೈಂಡ್ ಐಮನ್ ಆಲ್ ಜವಾಹಿರಿಯನ್ನು ((Ayman al Zawahir)) ಅಮೆರಿಕಾ ಸರ್ಜಿಕಲ್ ಸ್ಟ್ರೈಕ್ ಮಾಡಿ ಹೊಡೆದುರುಳಿಸಿದೆ. ಒಸಾಮಾ ಬಿನ್ ಲಾಡೆನ್ ಹತ್ಯೆ ಬಳಿಕ ಅಲ್ ಖೈದಾ ಸಂಘಟನೆ ಮುಖ್ಯಸ್ಥನಾಗಿ ಇದೇ ಜವಾಹಿರಿ ಅಧಿಕಾರ ವಹಿಸಿಕೊಂಡಿದ್ದ.

ಲಾಡೆನ್ ನ ಬಂಟನಾಗಿದ್ದ ಜವಾಹಿರಿ ((Ayman al Zawahir)) ಹತ್ಯೆಗಾಗಿ ಅಮೆರಿಕಾ 200 ಕೋಟಿ ರೂಗಳ ಬಹುಮಾನ ಘೋಷಿಸಿತ್ತು. ಜಗತ್ತಿನ ಬಹುತೇಕ ಎಲ್ಲಾ ರಾಷ್ಟ್ರಗಳ ಗುಪ್ತಚರ ಸಂಸ್ಥೆಗಳು ಈತನ ಸುಳಿವು ಪತ್ತೆ ಹಚ್ಚಲು ವಿಫಲವಾಗಿತ್ತು. ಹಾಗಾದ್ರೆ ಆತ ಅದೆಷ್ಟರ ಮಟ್ಟಿಗೆ ಬುದ್ದಿವಂತನಾಗಿರಬೇಕು.

ಇದನ್ನೂ ಓದಿ : jagan mohan reddy : ಸರ್ಕಾರದ ಸಾಧನೆ ಪ್ರಚಾರಕ್ಕೆ ಸರ್ಕಾರದಿಂದಲೇ ಟಿವಿ ಚಾನೆಲ್

ಇನ್ನು ಜವಾಹಿರಿಯನ್ನು ಮುಗಿಸುವ ನಿಟ್ಟಿನಲ್ಲಿ ಕಳೆದ 6 ತಿಂಗಳಿನಿಂದ ಅಮೆರಿಕಾದ ಗುಪ್ತಚರ ಸಂಸ್ಥೆ ಸಿಐಎ ಭರ್ಜರಿ ಕಾರ್ಯಾಚರಣೆಯಲ್ಲಿ ತೊಡಗಿತ್ತು. ಈ ಬಾರಿ ಗುರಿ ತಪ್ಪಲೇಬಾರದು ಅನ್ನುವುದು ಅದರ ನಿಲುವಾಗಿತ್ತು. ಈ ಹಿಂದೆ ಪಾಕಿಸ್ತಾನದಲ್ಲಿದ್ದ ಜವಾಹಿರಿ, ತಾಲಿಬಾನಿಗಳು ಅಫ್ಘಾನ್ ನಲ್ಲಿ ಅಧಿಕಾರಕ್ಕೆ ಬರುತ್ತಿದ್ದಂತೆ ಅಲ್ಲಿಗೆ ತನ್ನ ವಾಸ್ತವ್ಯ ಬದಲಾಯಿಸಿಕೊಂಡಿದ್ದ.  ಅಫ್ಘಾನಿಸ್ತಾನದಲ್ಲಿ ನೆಲೆ ನಿಂತ ಉಗ್ರ ಮುಖಂಡನ ಬೆನ್ನು ಹತ್ತಿದ ಸಿಐಎ, ಆತನ ಮನೆಯ ವಿನ್ಯಾಸ, ಆತನ ದಿನಚರಿಯನ್ನು ಅಭ್ಯಾಸ ನಡೆಸಿದರು.

ಕೊನೆಗೆ ಜುಲೈ 1 ರಂದು ಜವಾಹಿರಿಯ ತಲೆ ಉರುಳಿಸಲು ಮುಹೂರ್ತ ಫಿಕ್ಸ್ ಮಾಡಿದ ಅಮೆರಿಕಾ ಜುಲೈ 25 ರಂದು ಏರ್ ಸ್ಟ್ರೈಕ್ ನಡೆಸಲು ಬೈಡೆನ್ ಅನುಮತಿ ಕೊಟ್ಟರು. ಅದರಂತೆ ಜುಲೈ 30 ರಂದು ಜವಾಹಿರಿ ಬಾಲ್ಕನಿಗೆ ಬಂದು ನಿಂತ ಬೆನ್ನಲ್ಲೇ ಹೆಲ್ ಫೈರ್ ಕ್ಷಿಪಣೆ ಮೂಲಕ ಹತ್ಯೆಗೈಯಲಾಗಿದೆ.

ಇನ್ನು ಈ ದಾಳಿಗಾಗಿ ಯುಎಇ ಮತ್ತು ಪಾಕ್ ಅನ್ನು ಅಮೆರಿಕಾ ಬಳಸಿಕೊಂಡಿದೆ. ಯುಎಇ ನಿಂದ ಹಾರಿದ ಹೆಲ್ ಫೈರ್ ಆರ್9ಎಕ್ಸ್ ಕ್ಷಿಪಣಿ ಪಾಕ್ ವಾಯು ಸೀಮೆ ಮೂಲಕ ಪ್ರಯಾಣ ಬೆಳೆಸಿತ್ತು. ಅಮೆರಿಕಾದ ಕ್ಷಿಪಣಿ ಹಾರಾಟದ ಬಗ್ಗೆ ಪಾಕಿಸ್ತಾನಕ್ಕೆ ಮೊದಲೇ ಮಾಹಿತಿ ಇತ್ತು ಅನ್ನಲಾಗಿದೆ.

ಮೊದಲೇ ಆರ್ಥಿಕ ಸಂಕಷ್ಟಕ್ಕೆ ಸಿಲುಕಿರುವ ಪಾಕಿಸ್ತಾನ ಅಮೆರಿಕಾದ ಮುಂದೆ ಕೆಮ್ಮುವ ಸ್ಥಿತಿಯಲ್ಲಿ ಇಲ್ಲ. ಹೀಗಾಗಿ ಅಮೆರಿಕಾದ ಆರ್ಥಿಕ ನೆರವು ಪಡೆಯುವ ನಿಟ್ಟಿನಲ್ಲಿ ಜವಾಹಿರಿಯನ್ನು ಬಲಿಕೊಟ್ಟಿದೆ ಅನ್ನಲಾಗಿದೆ.