ಅಮೆರಿಕಾದ ಅರಿಜೋನಾ ರಾಜ್ಯದ ಮೆಸ್ಸಾದಲ್ಲಿರುವ ಬ್ಯಾನರ್ ಡೆಸರ್ಟ್ ಆಸ್ಪತ್ರೆಯಲ್ಲಿ ಇದೀಗ ಹಬ್ಬದ ಸಂಭ್ರಮ. ಪ್ರತೀ ಸಲವೂ ಆಸ್ಪತ್ರೆಗೆ ಬರುವ ಗರ್ಭಿಣಿಯರನ್ನು ಆರೈಕೆ ಮಾಡುತ್ತಿದ್ದ ದಾದಿಯರೇ ಇದೀಗ ಗರ್ಭಿಣಿಯರಾಗಿದ್ದಾರೆ.
ಅದರಲ್ಲಿ ಏನು ವಿಶೇಷ ಅಂತೀರಾ.ವಿಶೇಷವಿದೆ. ಬ್ಯಾನರ್ ಡೆಸರ್ಟ್ ಆಸ್ಪತ್ರೆಯ 16 ದಾದಿಯರು ಏಕ ಕಾಲದಲ್ಲೇ ಗರ್ಭಿಣಿಯರಾಗಿದ್ದಾರೆ. ಈ 16 ಮಂದಿಯ ಗರ್ಭಕ್ಕೆ 5 ತಿಂಗಳ ವ್ಯತ್ಯಾಸ.
ಫೇಸ್ ಬುಕ್ ಗ್ರೂಫ್ ನಲ್ಲಿ ಚಾಟ್ ಮಾಡುತ್ತಿದ್ದ ಈ ದಾದಿಯರು ಪ್ರಸ್ತುತ ಮಗು ಹೊಂದಲು ಯಾರೆಲ್ಲ ಸಿದ್ದರಿದ್ದಾರೆ ಎಂದು ಚರ್ಚೆ ನಡೆಸಿದ್ದರು.
ಆಗ್ಲೇ ಕೆಲವೊಬ್ಬರು ಗರ್ಭವತಿಯಾಗಿದ್ದರು. ಹೀಗಾಗಿ ಉಳಿದವರು ಕೂಡಾ ತಾಯಿಯಾಗುವ ಬಯಕೆ ವ್ಯಕ್ತಪಡಿಸಿದರು. ಮತ್ಯಾಕೆ ತಡ ಎಂದು ಒಂದೇ ಅವಧಿಯಲ್ಲಿ ಗರ್ಭವತಿಯಾದರು.
ಸಪ್ಟಂಬರ್ ತಿಂಗಳಿನಿಂದ 2019ರ ತನಕ ಒಬ್ಬರಾದ ಮೇಲೆ ಒಬ್ಬರು ಮಗುವಿಗೆ ಜನ್ಮ ನೀಡಲಿದ್ದಾರೆ.ಮುಂದಿನ ತಿಂಗಳು ಇದೇ ಆಸ್ಪತ್ರೆಯಲ್ಲಿ ಸಂಭ್ರಮ ಹಾಗೂ ಸಡಗರದಿಂದ ಸೀಮಂತ ಕಾರ್ಯಕ್ರಮ ಕೂಡಾ ನಡೆಯಲಿದೆ.
ಒಂದೇ ಆಸ್ಪತ್ರೆಯ 6 ಮಂದಿ ದಾದಿಯರು ಗರ್ಭಿಣಿಯರಾದ ಸುದ್ದಿ ಕೆಲ ತಿಂಗಳ ಹಿಂದೆ ಬಂದಿತ್ತು. ಅಮೆರಿಕಾದ Wake Forest Baptist Health ಮೆಡಿಕಲ್ ಸೆಂಟರ್ ದಾದಿಯರು ಇದೇ ಕಾರಣಕ್ಕೆ ವೈರಲ್ ಆಗಿದ್ದರು.
ಬಳಿಕ Salem Hospital ನಲ್ಲಿ 9 ಮಂದಿ ದಾದಿಯರು ಗರ್ಭಿಣಿಯರಾದ ಸುದ್ದಿ ಬಂದಿತ್ತು. ಈ ಪೈಕಿ ಒಬ್ಬರು ಈಗಾಗಲೇ ಮಗುವಿಗೆ ಜನ್ಮ ನೀಡಿದ್ದಾರೆ.
ಆದರೆ ಇದೀಗ ಅವರನ್ನು ಮೀರಿಸುವ ತಾಯಂದಿರು ಬಂದಿದ್ದಾರೆ.
[youtube https://www.youtube.com/watch?v=FS2Bu8adQ7A&w=853&h=480]
Discussion about this post