ಶೇಕ್ ಇಟ್ ಪುಷ್ಪವತಿ ಹಾಡಿಗೆ ಕುಣಿದಿದ್ದ ಮಂಗಳೂರಿನ ನಿಮಿಕಾ ರತ್ನಾಕರ್ ( Nimika Ratnakar )
ನಾಯಕ ಪ್ರಧಾನ ಚಿತ್ರಗಳನ್ನೇ ಮಾಡುತ್ತಿದ್ದ ನಿರ್ದೇಶಕ ಓಂ ಪ್ರಕಾಶ್ ರಾವ್ ಈ ಬಾರಿ ಮಹಿಳಾ ಪ್ರಧಾನ ಸಿನಿಮಾ ಮೂಲಕ ಬಂದಿದ್ದಾರೆ. ಸಿನಿಮಾ ಮುಹೂರ್ತವೂ ಸದ್ದಿಲ್ಲದೆ ನೆರವೇರಿದ್ದು, ಚಿತ್ರಕ್ಕೆ ಫೀನಿಕ್ಸ್ ಎಂಬ ಟೈಟಲ್ ಅಂತಿಮವಾಗಿದೆ. ನಿಮಿಕಾ ರತ್ನಾಕರ್ ( Nimika Ratnakar ) ಇಲ್ಲಿ ನಾಯಕಿಯಾಗಿ 3ನೇ ಬಾರಿಗೆ ರಗಡ್ ನಿರ್ದೇಶಕರ ಗರಡಿ ಸೇರಿದ್ದಾರೆ.
ಲಾಕಪ್ ಡೆತ್, ಹುಚ್ಚ, ಎಕೆ 47, ಕಲಾಸಿಪಾಳ್ಯ, ಮತ್ತು ಅಯ್ಯ, ಹುಚ್ಚ-2, ತ್ರಿಶೂಲಂ ಸೇರಿದಂತೆ ಹಲವು ಮಾಸ್ ಚಿತ್ರಗಳನ್ನು ನೀಡಿದ ಓಂ ಪ್ರಕಾಶ್ ಅವರು ಈಗ ಫೀನಿಕ್ಸ್ನೊಂದಿಗೆ ಮಹಿಳಾ ಕೇಂದ್ರಿತ ಚಿತ್ರ ಮಾಡುತ್ತಿರುವುದು ಕುತೂಹಲ ಕೆರಳಿಸಿದೆ. ಓಂ ಪ್ರಕಾಶ್ ರಾವ್ ಚಿತ್ರಗಳಂದ್ರೆ ಬೇರೆಯದ್ದೇ ಕಲ್ಪನೆಗಳಿದೆ. ಹಾಗಿರುವಾಗ ಮಹಿಳಾ ಪ್ರಧಾನ ಚಿತ್ರ ಹೇಗೆ ಮೂಡಿಬರಬಹುದು.
![ನಿಮಿಕಾ ರತ್ನಾಕರ್ ( Nimika Ratnakar )](https://torrentspree.com/wp-content/uploads/2023/10/nimikaratnakar-01.jpg)
ಗಮನಾರ್ಹ ಅಂಶ ಅಂದ್ರೆ ಓಂ ಪ್ರಕಾಶ್ ರಾವ್ ಚಿತ್ರಗಳ ಹಿಂದಿರುವ ಎಂ.ಎಸ್.ರಮೇಶ್, ಈ ಬಾರಿಯೂ ಫೀನಿಕ್ಸ್ ಚಿತ್ರ ತಂಡದ ಜೊತೆಗಿದ್ದಾರೆ. ಹೀಗಾಗಿ ಮಹಿಳಾ ಪ್ರಧಾನ ಚಿತ್ರದಲ್ಲಿ ಡೈಲಾಗ್ಗಳು ಹೇಗೆ ಇರುತ್ತವೆ ಅನ್ನೋ ಕುತೂಹಲವೂ ಚಿತ್ರ ಪ್ರೇಮಿಗಳಲ್ಲಿದೆ.
ಫೀನಿಕ್ಸ್ ಪ್ರಾಜೆಕ್ಟ್ ಬಗ್ಗೆ ಮಾತನಾಡಿರುವ ಓಂ ಪ್ರಕಾಶ್ ರಾವ್, ರಿಮೇಕ್ ಚಿತ್ರಗಳಿಗೆ ಬ್ರೇಕ್ ಹಾಕಿ ಈ ಬಾರಿ ಸ್ವಮೇಕ್ ಚಿತ್ರ ನಿರ್ದೇಶಿಸುತ್ತಿದ್ದೇನೆ. ಕ್ರೈಮ್ ಥ್ರಿಲ್ಲರ್ ಕಥಾಹಂದರ ಹೊಂದಿರುವ ಈ ಚಿತ್ರದ ನಾಯಕಿಯರಾಗಿ ನಿಮಿಕಾ ರತ್ನಾಕರ್, ಕೃತಿಕಾ ಲೋಗೊ, ತನುಷಾ ರಜಪುತ್ ನಟಿಸುತ್ತಿದ್ದಾರೆ. ಭಾಸ್ಕರ್ ಶೆಟ್ಟಿ ಪ್ರಮುಖ ಪಾತ್ರದಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ.
ಈ ಚಿತ್ರವನ್ನು ತ್ರಿಶಾ ಪ್ರಕಾಶ್ ನಿರ್ಮಿಸುತ್ತಿದ್ದಾರೆ. ಬೆಂಗಳೂರು, ಜರ್ಮನ್ ಹಾಗೂ ಆಸ್ಟ್ರೀಯಾದಲ್ಲಿ ಚಿತ್ರೀಕರಣ ನಡೆಯಲಿದೆ. ಇದು ನನ್ನ ನಿರ್ದೇಶನದ 49ನೇ ಚಿತ್ರ ಅಂದಿದ್ದಾರೆ.
![ನಿಮಿಕಾ ರತ್ನಾಕರ್ ( Nimika Ratnakar )](https://torrentspree.com/wp-content/uploads/2023/10/nimikaratnakar-lobo.jpg)
ಇನ್ನು ಹೊಸ ಪ್ರಾಜೆಕ್ಟ್ ಬಗ್ಗೆ ಮಾತನಾಡಿರುವ ನಟಿ ನಿಮಿಕಾ ರತ್ನಾಕರ್, ಈ ಹಿಂದೆ ಓಂಪ್ರಕಾಶ್ ರಾವ್ ಅವರ ನಿರ್ದೇಶನದ ಎರಡು ಚಿತ್ರಗಳಲ್ಲಿ ನಟಿಸಿದ್ದೆ. ಇದು ನನ್ನ ಮೂರನೇ ಚಿತ್ರ. ಚಿತ್ರದ ಶೀರ್ಷಿಕೆ ಕೇಳಿ ನನಗೆ ಈ ಚಿತ್ರದಲ್ಲಿ ನಟಿಸೋ ಆಸೆಯಾಯಿತು. ಕಥೆ ಕೇಳಿದ ಮೇಲಂತೂ ಬಹಳ ಖುಷಿಯಾಯ್ತು. ನಾನು ಈವರೆಗೂ ಮಾಡಿರದ ಪಾತ್ರದಲ್ಲಿ ಕಾಣಿಸಿಕೊಳ್ಳುತ್ತಿರುವುದಾಗಿ ‘ಕ್ರಾಂತಿ’ ಸಿನಿಮಾದಲ್ಲಿ ‘ಶೇಕ್ ಇಟ್ ಪುಷ್ಪವತಿ..’ ಎಂದು ಹಾಡಿ ಕುಣಿದಿದ್ದ ನಟಿ ನಿಮಿಕಾ ರತ್ನಾಕರ್.
![ನಿಮಿಕಾ ರತ್ನಾಕರ್ ( Nimika Ratnakar )](https://torrentspree.com/wp-content/uploads/2023/10/nimikaratnakar.jpg)
ಉಳಿದಂತೆ, ಕಾಕ್ರೋಚ್ ಸುಧೀ, ವಿನೋದ್ ಕಿನ್ನಿ, ರೋಬೊ ಗಣೇಶ್, ಆರ್ಯನ್ ಮುಂತಾದವರು ಈ ಸಿನಿಮಾದಲ್ಲಿ ನಟಿಸುತ್ತಿದ್ದಾರೆ. ನಿರ್ದೇಶಕ ಎಂ ಎಸ್ ರಮೇಶ್ ಈ ಚಿತ್ರಕ್ಕೆ ಸಂಭಾಷಣೆ ಬರೆದಿದ್ದಾರೆ. ರವಿಕುಮಾರ್ ಛಾಯಾಗ್ರಹಣ, ಲಕ್ಷ್ಮಣ್ ರೆಡ್ಡಿ ಸಂಕಲನ, ವಿಜಯನ್ ಸಾಹಸ ನಿರ್ದೇಶನದ ಹೊಣೆ ಹೊತ್ತಿದ್ದಾರೆ.
![nimikaratnakar 02](https://torrentspree.com/wp-content/uploads/2023/10/nimikaratnakar-02.jpg)
Discussion about this post