ಧಾರವಾಹಿಗಳು ಮುಕ್ತಾಯವಾಗದ ಹೊರತು ನಾಯಕ ನಾಯಕಿಯರು ಸೀರಿಯಲ್ ನಿಂದ ಹೊರ ಹೋಗುವ ಕ್ರಮಗಳು ಬಾರೀ ಅಪರೂಪ. ಹಿಂದಿ ಧಾರವಾಹಿಗಳಲ್ಲಿ ಇವೆಲ್ಲಾ ಮಾಮೂಲಿ. ಆದರೆ ಕನ್ನಡದ ಮಟ್ಟಿಗೆ ಇಂತಹ ಪ್ರಯತ್ನ ನಡೆದಿರಲಿಲ್ಲ. ಆದರೆ ಇದಕ್ಕೆ ಅಪವಾದ ಅನ್ನುವಂತೆ ಮುದ್ದು ಲಕ್ಷ್ಮಿ ಧಾರವಾಹಿಯ ನಾಯಕ ಮತ್ತು ನಾಯಕಿಯರಿಗೆ ಗೇಟ್ ಪಾಸ್ ನೀಡಲಾಗುತ್ತಿದೆ. ಜೊತೆಗೆ ಅವರ ಮಕ್ಕಳ ಕಥೆ ಪ್ರಾರಂಭವಾಗಲಿದ್ದು, ಈ ಮೂಲಕ ಹೊಸ ಅಧ್ಯಾಯ ಶುರುವಾಗಲಿದೆ.
ಹೌದು ನಿಮ್ಮ ಪ್ರೀತಿಯ ಧ್ರುವಂತ್ ಹಾಗೂ ಮುದ್ದು ತೆರೆಯಿಂದ ಮರೆಯಾಗುತ್ತಿದೆ. ಮೂರು ವರ್ಷಕ್ಕಿಂತಲೂ ಹೆಚ್ಚು ಕಾಲ ವೀಕ್ಷಕರನ್ನು ರಂಜಿಸುತ್ತಿರುವ ಧಾರವಾಹಿ ಕಥೆಗೆ ಮೇಜರ್ ಟ್ವಿಸ್ಟ್ ನೀಡಲಾಗಿದೆ. ಹೀಗಾಗಿ ಹಳೆ ಟೈಟಲ್ ನಲ್ಲಿ ಹೊಸ ಕಥೆ ಪ್ರಾರಂಭವಾಗಲಿದೆ. ಹೀಗಾಗಿ ಪಾತ್ರ ಹಾಗೂ ಪಾತ್ರಧಾರಿಗಳನ್ನು ಬದಲಾಯಿಸಲಾಗುತ್ತಿದ್ದು, ಹೊಸ ಅಧ್ಯಾಯ ಪ್ರಾರಂಭದ ಹಿನ್ನಲೆಯಲ್ಲಿ ನಟ ಕಾರ್ತಿಕ್ ಹಾಗೂ ನಟಿ ಅಶ್ವಿನಿ ಧಾರವಾಹಿಯಿಂದ ಹೊರ ಹೋಗುತ್ತಿದ್ದಾರೆ.
Discussion about this post