ಸಾಮಾಜಿಕ ಜಾಲತಾಣದಲ್ಲಿ ಕಳೆದೆರಡು ದಿನಗಳಿಂದ ಸಂಸದೆ ಸುಮಲತಾ ಅವರ ವಿಡಿಯೋ ಸಿಕ್ಕಾಪಟ್ಟೆ ವೈರಲ್ ಆಗಿತ್ತು. ಚಿರಂಜೀವಿಯವರ ಜೊತೆಗೆ ಡ್ಯಾನ್ಸ್ ಮಾಡಿರುವ ತುಣುಕೊಂದನ್ನು ಜೆಡಿಎಸ್ ಬೆಂಬಲಿತ ಪೇಜ್ ಗಳು ಸಿಕ್ಕಾಪಟ್ಟೆ ಶೇರ್ ಮಾಡಿತ್ತು.
ಅಸಹ್ಯ ಹುಟ್ಟಿಸುವ ಕಮೆಂಟ್ ಗಳು ಬೇರೆ ರಾರಾಜಿಸಿತ್ತು. ಇದಕ್ಕೆ ಕೌಂಟರ್ ಕೊಟ್ಟು ಸುಮಲತಾ ಪರ ನಿಂತ ಮಂದಿಯನ್ನು ನಿಂದಿಸುವ ಕೆಲಸವೂ ನಡೆದಿತ್ತು. ಅದೊಂದು ಹಳೆಯ ವಿಡಿಯೋ ಎಂದು ಸಾರಿ ಸಾರಿ ಹೇಳಿದರೂ ಕೇಳುವ ಸ್ಥಿತಿಯಲ್ಲಿ ಮಂದಿ ಇರಲಿಲ್ಲ. ವಿಡಿಯೋ ಅಪ್ ಲೋಡ್ ಆಗಿರುವ ಫೇಸ್ ಬುಕ್ ಖಾತೆ ಸಂಸದೆ ಸುಮಲತಾ ಅವರ ಅಧಿಕೃತ ಖಾತೆಯಲ್ಲ ಎಂದು ಹೇಳಿದರೂ ಕಿವಿಗೆ ಹಾಕಿಕೊಂಡಿರಲಿಲ್ಲ.
ಇದೀಗ ವಿಡಿಯೋ ಕುರಿತ ಅಸಲಿ ಕಥೆ ಹೊರ ಬಿದ್ದಿದೆ. ನಕಲಿ ಫೇಸ್ ಬುಕ್ ಖಾತೆಯಲ್ಲಿ ಅಪ್ ಲೋಡ್ ಆಗಿದ್ದ ವಿಡಿಯೋವನ್ನು ತೆಲುಗು ಟಾನಿಕ್ ಎಂಬ ಯು ಟ್ಯೂಬ್ ಚಾನೆಲ್ ನಿಂದ ಪಡೆಯಲಾಗಿತ್ತು. ಆ ವಿಡಿಯೋ ಆಗಸ್ಟ್ 21 ರಂದು ಅಪ್ ಲೋಡ್ ಆಗಿತ್ತು. ಆಗಸ್ಟ್ 22 ರಂದು ಚಿರಂಜೀವಿ ಹುಟ್ಟು ಹಬ್ಬವಿದ್ದ ಕಾರಣ ಈ ವಿಡಿಯೋ ಹಾಕಲಾಗಿತ್ತು.
RECHARGEFIRST125 ಕೋಡ್ ಬಳಸಿ ಬಂಪರ್ ಆಫರ್ ಅನ್ನು PayTM ನಿಂದ ಪಡೆಯಿರಿ
ಆದರೆ ಈ ವಿಡಿಯೋಗೂ ಚಿರಂಜೀವಿ ಹುಟ್ಟು ಹಬ್ಬಕ್ಕೂ ಸಂಬಂಧವೇ ಇಲ್ಲ. ಈ ವಿಡಿಯೋ 2016 ಮಾರ್ಚ್ 28 ರಂದು ಚಿರಂಜೀವಿ ಪುತ್ರಿ ಶ್ರೀಜಾ ಅವರ ಮದುವೆ ಸಮಾರಂಭದ್ದು. 2016ರ ಏಪ್ರಿಲ್ 1 ರಂದು Avinash avi- Epics By Avinash ಎಂಬ ಯು ಟ್ಯೂಬ್ ಚಾನೆಲ್ ಶ್ರೀಜಾ ಮದುವೆ ಟ್ರೇಲರ್ ಎಂಬ ಶೀರ್ಷಿಕೆಯಲ್ಲಿ ಅಪ್ ಲೋಡ್ ಮಾಡಿತ್ತು.
ಮಕ್ಕಳಿಗಾಗಿ ಬಟ್ಟೆಗಳನ್ನು ಸೆಲೆಕ್ಟ್ ಮಾಡುವುದು ಹೇಗೆ….?
ಒಟ್ಟು 14.54 ನಿಮಿಷದ ವಿಡಿಯೋದಲ್ಲಿ 11.11ನೇ ನಿಮಿಷಯದಲ್ಲಿ ಸುಮಲತಾ ಅವರು ಚಿರಂಜೀವಿ ಜೊತೆ ನೃತ್ಯ ಮಾಡುತ್ತಾರೆ. ಅದನ್ನೇ ಬಳಸಿಕೊಂಡ ಮಂದಿ ಸುಮಲತಾ ಅವರ ಚಾರಿತ್ಯವಧೆಗೂ ಮುಂದಾಗಿದ್ದರು.
ಎಲ್ಲಾ ಫೋಟೋ ಮತ್ತು ಶ್ರೀಜಾ ಅವರ ಮದುವೆ ಸಮಾರಂಭದ ವಿಡಿಯೋಗಳನ್ನು ಪರಿಶೀಲನೆ ಮಾಡಿದಾಗ ಚಿರಂಜೀವಿ ಹಾಕಿರುವ ಡ್ರೆಸ್ ಹಾಗೂ ಸುಮಲತಾ ಅವರ ಹಾಕಿರುವ ಡ್ರೆಸ್ ಒಂದೇ ಆಗಿದೆ. ಅಂದರೆ ಅದು ಶ್ರೀಜಾ ಅವರ ಮದುವೆ ಸಮಾರಂಭದ್ದು ಅನ್ನುವುದು ಸ್ಪಷ್ಟ.
ನಿಮ್ಮ ಪ್ರೀತಿ ಪಾತ್ರರಿಗೆ ಈ ಡ್ರೆಸ್ ಇಷ್ಟವಾಗುತ್ತ…?
ಈ ನಡುವೆ ವಿಡಿಯೋ ಕುರಿತಂತೆ ಕೆಟ್ಟದಾಗಿ ಕಮೆಂಟ್ ಮಾಡಿರುವವರ ಬಗ್ಗೆ ಸುಮಲತಾ ಅವರು ಆಕ್ರೋಶ ವ್ಯಕ್ತಪಡಿಸಿದ್ದು, ಸೈಬರ್ ಕ್ರೈಂ ಅಡಿಯಲ್ಲಿ ದೂರು ದಾಖಲಿಸುವುದಾಗಿ ಹೇಳಿದ್ದಾರೆ.
ಎನೇ ಇರಲಿ ಹೆಣ್ಣು ಮಗಳೊಬ್ಬಳ ಬಗ್ಗೆ ಕಮೆಂಟ್ ಮಾಡುವಾಗ ಎಚ್ಚರವಾಗಿರಬೇಕಿತ್ತು. ಸುಮಲತಾ ಅವರು ಮಂಡ್ಯಕ್ಕಾಗಿ ಮಾಡುತ್ತಿರುವ ಕೆಲಸವನ್ನು ನೋಡಿ ಹೊಟ್ಟೆ ಉರಿದುಕೊಳ್ಳಬಾರದಿತ್ತು. ನಿಖಿಲ್ ಸೋತಿರಬಹುದು ಹಾಗಂತ ದ್ವೇಷವನ್ನು ಈ ರೀತಿ ತೀರಿಸಿಕೊಳ್ಳುವುದು ಒಳ್ಳೆಯ ಬೆಳವಣಿಗೆಯಲ್ಲ. ನಾಯಕರಾದವರು ಕಾರ್ಯಕರ್ತರಿಗೆ ಬುದ್ದಿ ಹೇಳಬೇಕು ತಾನೇ…?
Discussion about this post