ಚರಿತ್ ಬಾಳಪ್ಪ ಕನ್ನಡ ಕಿರುತೆರೆ ಪ್ರೇಕ್ಷಕರಿಗೆ ಚಿರಪರಿಚಿತ ಹೆಸರು. ಅದರಲ್ಲೂ ಚರಿತ್ ಡಾ. ದ್ರುವಂತ್ ಆಗಿ ಕನ್ನಡ ಟಿವಿ ಪ್ರೇಕ್ಷಕರಿಗೆ ಪರಿಚಿತರಾಗಿದ್ದಾರೆ. ಸ್ಟಾರ್ ಸುವರ್ಣದಲ್ಲಿ ಪ್ರಸಾರವಾಗುವ ಮುದ್ದು ಲಕ್ಷ್ಮಿ ಸೀರಿಯಲ್ ನಲ್ಲಿ ಡಾ. ದ್ರುವಂತ್ ಪಾತ್ರಕ್ಕೆ ಬಣ್ಣ ಹಚ್ಚಿದ್ದ ಚರಿತ್ ವೈಯುಕ್ತಿಕ ಕಾರಣದಿಂದ ಮುದ್ದು ಲಕ್ಷ್ಮಿ ತಂಡದಿಂದ ಹೊರ ನಡೆದಿದ್ದರು.
ಇದಾದ ಬಳಿಕ ಉದಯಟಿವಿಯಲ್ಲಿ ಪ್ರಸಾರ ಕಂಡಿದ್ದ ಮನಸಾರೆ ಧಾರವಾಹಿಯಲ್ಲಿ ರಾಮ್ ಪಾತ್ರಕ್ಕೆ ಚರಿತ್ ಬಾಳಪ್ಪ ಜೀವ ತುಂಬಿದ್ದರು. ಈ ಧಾರವಾಹಿ ಕೂಡಾ ಕೆಲ ತಿಂಗಳ ಹಿಂದೆ ಮುಕ್ತಾಯ ಕಂಡಿತ್ತು. ಇದಾದ ಬಳಿಕ ಪರ ಭಾಷೆ ಕಡೆ ಮುಖ ಮಾಡಿದ್ದ ಚರಿತ್ ಕೆಲ ಕಿರು ಸಿನಿಮಾಗಳಲ್ಲಿ ಕಾಣಿಸಿಕೊಂಡಿದ್ದರು. ಹೀಗಾಗಿ ಚರಿತ್ ಕನ್ನಡದ ಯಾವುದೇ ಪ್ರಾಜೆಕ್ಟ್ ಗಳಲ್ಲಿ ಒಪ್ಪಿಕೊಂಡಿರಲಿಲ್ಲ.
ಇದೀಗ ಸಿರಿಗನ್ನಡ ವಾಹಿನಿಗಾಗಿ ಸಿದ್ದವಾಗುತ್ತಿರುವ ಮಿಸೆಸ್ ಕೃಷ್ಣಮೂರ್ತಿ ಅನ್ನುವ ಧಾರವಾಹಿ ಒಪ್ಪಿಕೊಂಡಿರುವ ಚರಿತ್ ಕೃಷ್ಣಮೂರ್ತಿಯಾಗಿ ಕಾಣಿಸಿಕೊಳ್ಳಲಿದ್ದಾರೆ.
ವೃತ್ತಿಯಲ್ಲಿ ಇಂಜಿನಿಯರಿಂಗ್ ಆಗಿರುವ ಕೃಷ್ಣಮೂರ್ತಿ ಹಾಸಿಗೆ ಇದ್ದಷ್ಟೇ ಕಾಲು ಚಾಚುವವನು. ಖರ್ಚು, ದುಡ್ಡು ಎಲ್ಲವನ್ನೂ ಸರಿತೂಗಿಸಿಕೊಂಡು ಹೋಗೋ ವ್ಯಕ್ತಿ. ಆದರೆ ಈತನ ಹೆಂಡ್ತಿ 24 ಗಂಟೆಯೂ ಕಾಸು ಕಾಸು ಎಂದು ಜಪಿಸುತ್ತಿರುತ್ತಾಳೆ. ಇವರಿಬ್ಬರ ಸಂಸಾರ ಹೀಗೆ ಸಾಗುತ್ತದೆ ಅನ್ನುವುದೇ ಧಾರವಾಹಿಯ ಒನ್ ಲೈನ್ ಸ್ಟೋರಿ.
Discussion about this post