ಮಹಾಮನೆಯಿಂದ ಹೊರ ಬಿದ್ದ ಶುಭಾ ಪೂಂಜಾ

ಕನ್ನಡ ಬಿಗ್ ಬಾಸ್ ಸೀಸನ್ 8 ಫಿನಾಲೆ ಹಂತಕ್ಕೆ ಬಂತು ನಿಂತಿದೆ. ಇನ್ನು ಒಂದು ವಾರ ಕಳೆದರೆ ಸುದೀಪ್ ಫೈನಲ್ ವೇದಿಕೆಯಲ್ಲಿರುತ್ತಾರೆ. ಫೈನಲ್ ತೀರಾ ಸಮೀಪದಲ್ಲಿರುವ ಕಾರಣ ಈ ವಾರ ಒಟ್ಟು ಮೂರು ಸ್ಪರ್ಧಿಗಳು ಮನೆಯಿಂದ ನಿರ್ಗಮಿಸಲಿದ್ದಾರೆ.

ಹೀಗಾಗಿ ಈ ಸೀಸನ್ ನಲ್ಲಿ ಶನಿವಾರದ ಮೊದಲ ಎಲಿಮಿನೇಷನ್ ಇಂದು ನಡೆದಿದ್ದು, ಮಂಜು ಪಾವಗಡ, ಅರವಿಂದ್ ಕೆಪಿ, ಶಮಂತ್ ಬ್ರೋಗೌಡ, ಪ್ರಶಾಂತ್ ಸಂಬರಗಿ, ವೈಷ್ಣವಿ ಗೌಡ, ಶುಭಾ ಪೂಂಜಾ, ದಿವ್ಯಾ ಸುರೇಶ್ ನಾಮಿನೇಟ್ ಆಗಿದ್ದರು.ಈ ಪೈಕಿ ದಿವ್ಯಾ ಉರುಡುಗ ಕ್ಯಾಪ್ಟನ್ ಆಗಿರುವ ಕಾರಣ ನಾಮಿನೇಷನ್ ನಿಂದ ಪಾರಾಗಿದ್ದರು.

ಈ ಪೈಕಿ ಒಟ್ಟು 5 ಜನ ಫೈನಲ್ ನ ಕೊನೆಯ ಹಂತಕ್ಕೆ ತಲುಪಲಿದ್ದು, ಮೂರು ಮಂದಿ ಫೈನಲ್ ನ ಕೊನೆಯ ಕ್ಷಣಕ್ಕೆ ಆಯ್ಕೆಯಾಗುತ್ತಾರೆ. ನಂತರ ಇಬ್ಬರು ವೇದಿಕೆ ಹತ್ತುವ ಭಾಗ್ಯ ಪಡೆಯುತ್ತಾರೆ. ಅವೆಲ್ಲಕ್ಕಿಂತ ಮುಂಚೆ ಮನೆಯಿಂದ ಈ ವಾರ ಹೊರ ಬರುವವರು ಯಾರು ಅನ್ನುವ ಪ್ರಶ್ನೆ ಎದ್ದಿದೆ. ಆ ಪೈಕಿ ಮೊದಲ ಸ್ಪರ್ಧಿ ಯಾರು ಅನ್ನುವುದು ಗೊತ್ತಾಗಿದ್ದು, ಶುಭಾ ಪೂಂಜಾ ಶನಿವಾರ ಮನೆಯಿಂದ ಹೊರ ನಡೆದಿದ್ದಾರೆ.

ಭಾನುವಾರ ಮತ್ತೊಬ್ಬರು ಮನೆಯಿಂದ ಹೊರ ಹೋಗಲಿದ್ದು, ಶಮಂತ್ ಹೋಗಬಹುದು ಅನ್ನುವುದು ವೀಕ್ಷಕರ ನಿರೀಕ್ಷೆಯಾಗಿದೆ. ಮಂಗಳವಾರ ಮತ್ತೊಬ್ಬರು ಮನೆಯಿಂದ ಹೊರ ಹೋಗಲಿದ್ದು ಅವರು ಯಾರು ಅನ್ನುವುದೇ ಎಲ್ಲರ ಕುತೂಹಲ.