ಬೆಂಗಳೂರು : ಕೊರೋನಾ ಕಾರಣದಿಂದ ನಿಂತು ಹೋಗಿದ್ದ ಬಿಗ್ ಬಾಸ್ ಕಾರ್ಯಕ್ರಮ ನಾಳೆಯಿಂದ ಮತ್ತೆ ಪ್ರಸಾರವಾಗಲಿದೆ. ಈಗಾಗಲೇ ಇನ್ನೊವೇಟಿವ್ ಫಿಲ್ಮಂ ಸಿಟಿ ಸೇರಿರುವ ಸ್ಪರ್ಧಿಗಳು ಬಿಗ್ ಬಾಸ್ ಮನೆಯನ್ನು ಪ್ರವೇಶಿಸಿದ್ದಾರೆ. ಸುದೀಪ್ ಅವರು ಎಲ್ಲಾ ಸ್ಪರ್ಧಿಗಳನ್ನು ಸ್ವಾಗತಿಸಿದ್ದು, ಲಾಕ್ ಡೌನ್ ಅನುಭವಗಳನ್ನು ಹಂಚಿಕೊಂಡಿದ್ದಾರೆ.
ಇನ್ನು ಜನ ಬಿಗ್ ಬಾಸ್ ನ ಎರಡನೇ ಇನ್ಸಿಂಗ್ ಹೇಗಿರಲಿದೆ ಅನ್ನುವ ಕುರಿತಂತೆ ತಲೆಗೆ ಹುಳ ಬಿಟ್ಟುಕೊಂಡಿದ್ದಾರೆ. ಈಗಾಗಲೇ ಸ್ಪರ್ಧಿಗಳ ವಿಟಿಗಳು ಬಿಗ್ ಬಾಸ್ ಪ್ರೇಕ್ಷಕರಿಗೆ ಹುಚ್ಚು ಹಿಡಿಸಿದೆ. ಜೊತೆಗೆ ಇದು ಹೊಸ ಅನುಭವವಾಗಿರುವ ಒಂದ್ಸಲ ಮನೆಯಿಂದ ಹೊರ ಹೋಗಿ, ಹೊರ ಪ್ರಪಂಚ ನೋಡಿಕೊಂಡು ಬಂದ ಸ್ಪರ್ಧಿಗಳು ಮನೆಯಲ್ಲಿ ಹೇಗಿರುತ್ತಾರೆ ಅನ್ನುವ ಕುತೂಹಲ ಎಲ್ಲರಲ್ಲಿದೆ. ಅಷ್ಟೇ ಅಲ್ಲದೆ ಮನೆಯಿಂದ ಹೊರಗೆ ಹೋಗಿದ್ದ ಸಂದರ್ಭದಲ್ಲಿ ಪರಸ್ಪರ ಕಚ್ಚಾಡಿಗೊಂಡಿದ್ದರೂ ಕೂಡಾ.
ಕಳೆದ ಬಾರಿ ಗುಂಪುಗಾರಿಕೆ ಅನ್ನುವ ಶಬ್ಧ ಬಿಗ್ ಬಾಸ್ ಮನೆಯಲ್ಲಿ ಸಿಕ್ಕಾಪಟ್ಟೆ ಸದ್ದು ಮಾಡಿತ್ತು. ಇದು ಎರಡನೇ ಇನ್ನಿಂಗ್ಸ್ ನಲ್ಲೂ ಮುಂದುವರಿಯುತ್ತಾದ ಅನ್ನುವುದೇ ಕುತೂಹಲ. ಅದರಲ್ಲೂ ಮನೆಯಿಂದ ಹೊರಗಿದ್ದ ಸಂದರ್ಭದಲ್ಲಿ ಮಂಜನನ್ನು ಫೇಕ್ ಮಂಜ ಎಂದೇ ಪ್ರಶಾಂತ್ ಸಂಬರಗಿ ಜರೆದಿದ್ದರು.
ದಿವ್ಯಾ ಸುರೇಶ್ ಮಂಜನ ಸಂಬಂಧದ ಬಗ್ಗೆಯೂ ಮಾತನಾಡಿದ್ದರು. ಈ ಎಲ್ಲಾ ವಿಚಾರಗಳು ಬಿಗ್ ಬಾಸ್ ಮನೆಯಲ್ಲಿ ಪ್ರಸ್ತಾಪವಾಗುವ ಸಾಧ್ಯತೆಗಳಿದೆ.
Discussion about this post