ಹೋಗಲ್ಲ..ಹೋಗಲ್ಲ ಅಂತಾ ಸುಳ್ಳು ಹೇಳಿ ಬಿಗ್ ಬಾಸ್ ಮನೆಗೆ ಬಂದ ಸನ್ನಿಧಿ – ಸಪ್ಪೆ ಆಟದ ಮುನ್ಸೂಚನೆ ಕೊಟ್ಟ ವೈಷ್ಣವಿ

ನಿರೀಕ್ಷೆಯಂತೆ ಬಿಗ್ ಬಾಸ್ ಮನೆಗೆ ಅಗ್ನಿಸಾಕ್ಷಿ ಖ್ಯಾತಿಯ ವೈಷ್ಣವಿ ಪ್ರವೇಶಿಸಿದ್ದಾರೆ. ಈ ಹಿಂದಿನ ಹಲವು ಸೀಸನ್ ಗಳಿಗೂ ವೈಷ್ಣವಿಯವರನ್ನು ಆಹ್ವಾನಿಸಲಾಗಿತ್ತು.

ಆದರೆ ವೈಯುಕ್ತಿಕ ಕಾರಣಗಳಿಂದ ಅವರು ಬಿಗ್ ಬಾಸ್ ಮನೆಗೆ ಹೋಗಿರಲಿಲ್ಲ.

ಈ ಹಿಂದೆ ಸೀಸನ್ 8ಕ್ಕೆ ವೈಷ್ಣವಿ ಹೋಗ್ತಾರೆ ಎಂದು ಸಿಕ್ಕಾಪಟ್ಟೆ ಸುದ್ದಿಯಾಗಿತ್ತು. ಈ ಬಗ್ಗೆ ಮಾಧ್ಯಮಗಳು ಪ್ರಶ್ನಿಸಿದ್ರೆ, ಇಲ್ಲ ನಾನು ಬಿಗ್ ಬಾಸ್ ಮನೆಗೆ ಹೋಗೋದಿಲ್ಲ. ಕೈಯಲ್ಲಿ ಸಿನಿಮಾವಿದೆ. ಅದರ ಕೆಲಸಗಳನ್ನು ಮುಗಿಸಿಬೇಕಾಗಿದೆ ಎಂದು ಪುಂಗಿ ಊದಿದ್ದರು.

ಇದನ್ನೂ ಓದಿ : ಬಿಗ್ ಬಾಸ್ ಆಫರ್ ತಿರಸ್ಕರಿಸಿದ ವೈಷ್ಣವಿ ಗೌಡ… ಕಾರಣವೇನು ಗೊತ್ತಾ….?

ವೈಷ್ಣವಿ ಮಾತು ನಂಬಿ ಸುದ್ದಿ ಬರೆದವರನ್ನೂ ಬಕ್ರ ಮಾಡಿರುವ ವೈಷ್ಣವಿ ಮಹಾಮನೆ ಪ್ರವೇಶಿಸಿದ್ದಾರೆ.

ಮಹಾಮನೆ ಪ್ರವೇಶಕ್ಕೂ ಮುನ್ನ ಸುದೀಪ್ ಅವರೊಂದಿಗೆ ವೈಷ್ಣವಿ ಮಾಡಿರುವ ಮಾತುಕತೆಯನ್ನು ನೋಡಿದರೆ ವೈಷ್ಣವಿ ಗೆಲ್ಲುತ್ತಾರೆ ಅನ್ನುವ ವಿಶ್ವಾಸ ಮೂಡಿಲ್ಲ.

ಇದನ್ನೂ ಓದಿ : ಕಿಚ್ಚ ಇದ್ದರೇನಂತೆ…. ಬಿಗ್ ಬಾಸ್ ಆಫರ್ ತಿರಸ್ಕರಿಸಿದ ಸೆಲೆಬ್ರೆಟಿಗಳು ಯಾರೆಲ್ಲಾ ಗೊತ್ತಾ…?

ಸದಾ ವಿವಾದಗಳಿಂದ ದೂರವಿರುವ ವೈಷ್ಣವಿ ಬಿಗ್ ಬಾಸ್ ಮನೆಯಲ್ಲೂ ಸದ್ದು ಮಾಡೋ ಲಕ್ಷಣಗಳಿಲ್ಲ.

ಹೀಗಾಗಿ ಕೆಲವೇ ವಾರಗಳಲ್ಲಿ ಬಿಡದಿಯಿಂದ ಬೆಂಗಳೂರು ಹಾದಿ ಹಿಡಿದರೂ ಅಚ್ಚರಿ ಇಲ್ಲ.