ಬಿಗ್ ಬಾಸ್ ಸೀಸನ್ ಎಂಟರ ಫೈನಲ್ ಗೆ ಇನ್ನು ಒಂದೇ ದಿನ ಬಾಕಿ. ಭಾನುವಾರ ರಾತ್ರಿ ಬಿಗ್ ಬಾಸ್ ವಿಜೇತರು ಯಾರು ಅನ್ನುವುದನ್ನು ಸುದೀಪ್ ಘೋಷಿಸಲಿದ್ದಾರೆ. ಈ ನಡುವೆ ಸೀಸನ್ 8ರ ವಿಜೇತರೆಂದು ಬಿಂಬಿಸಲಾಗಿರುವ ಮಂಜು ಪಾವಗಡ ಅವರಿಗೆ ಬಿಗ್ ಬಾಸ್ ಸ್ಪೆಷಲ್ ಗಿಫ್ಟ್ ಕೊಟ್ಟಿದ್ದಾರೆ.
ಫೈನಲ್ ಸ್ಪರ್ಧಿಗಳ ಆಸೆ ಈಡೇರುಸುವ ಭರವಸೆಯನ್ನು ಬಿಗ್ ಬಾಸ್ ಕೊಟ್ಟಿದ್ದರು. ಅದರ ಪ್ರಕಾರ ಸ್ಪರ್ಧಿಗಳು ಬಿಗ್ ಬಾಸ್ ಅಂಗಳದಲ್ಲಿದ್ದ ಅಗಲ ಕಿವಿಯಲ್ಲಿ ತಮ್ಮ ಆಸೆಗಳನ್ನು ವ್ಯಕ್ತಪಡಿಸಿದ್ದರು. ಈ ಪೈಕಿ ಉರುಡುಗ ಇಚ್ಛೆಯಂತೆ ಕಿಚ್ಚ ಸುದೀಪ್ ಕೈಯಾರೆ ಅಡುಗೆ ಮಾಡಿ ಮನೆ ಮಂದಿಗೆ ಕಳುಹಿಸಿ ಕೊಟ್ಟಿದ್ದಾರೆ. ದಿವ್ಯಾ ಸುರೇಶ್ ಬಯಕೆಯಂತೆ ಕೇಕ್ ಬಂದಿದೆ. ಸಂಬರಗಿ ಮತ್ತು ವೈಷ್ಣವಿ ಅವರ ಫೋಟೋ ಆಸೆಗಳು ಈಡೇರಿದೆ. ಅರವಿಂದ್ ಬೈಕ್ ಬಿಗ್ ಬಾಸ್ ಅಂಗಳಕ್ಕೆ ಎಂಟ್ರಿ ಕೊಟ್ಟಿದೆ.
ಆದರೆ ಮಂಜು ಪಾವಗಡ ಸ್ಪಲ್ಪ ಡಿಫರೆಂಟ್ ಅನ್ನಿಸುವ ಆಸೆಯೊಂದನ್ನು ವ್ಯಕ್ತಪಡಿಸಿದ್ದರು. ಬಿಗ್ ಬಾಸ್ ತಂಡಕ್ಕೂ ಇದು ಸ್ವಲ್ಪ ಟಫ್ ಆಗಿರುವ ಆಸೆಯಾಗಿತ್ತು. ಹಾಗಂತ ಮಂಜು ಪಾಲಿಗೆ ಬಿಗ್ ಬಾಸ್ ನಿರಾಶೆ ಮಾಡಿಲ್ಲ. ಮಂಜನಿಗಾಗಿ ಹ್ಯಾಟ್ರಿಕ್ ಹೀರೋ ಶಿವರಾಜ್ ಕುಮಾರ್ ಅವರ ಕಡೆಯಿಂದ ವಿಡಿಯೋ ಒಂದನ್ನು ತರಿಸಿಕೊಂಡು, ಮಂಜನಿಗೆ ಬೆಸ್ಟ್ ಆಫ್ ಲಕ್ ಅಂದಿದ್ದಾರೆ. ಅಲ್ಲಿಗೆ ಶಿವಣ್ಣನ ಅಭಿಮಾನಿಗಳು ಕಣ್ಣು ಮುಚ್ಚಿ ಮಂಜು ಪಾವಗಡ ಅವರಿಗೆ ಓಟು ಹಾಕೋದು ಗ್ಯಾರಂಟಿಯಾಗಿದೆ.
Discussion about this post