ಬೆಂಗಳೂರು : ಬಿಗ್ ಬಾಸ್ ಸೀಸನ್ 8ರ ಫಿನಾಲೆಗೆ ಇನ್ನೂ ಕೆಲವೇ ದಿನಗಳು ಬಾಕಿ. ಒಬ್ಬ ಸ್ಪರ್ಧಿ ಬಿಗ್ ಬಾಸ್ ಮನೆಯಿಂದ ಹೊರ ಹೋದರೆ ಟಾಪ್ 5 ಸ್ಪರ್ಧಿಗಳು ಫೈನಲ್ ವೇದಿಕೆ ಹತ್ತಲು ಹೋರಾಟ ಪ್ರಾರಂಭಿಸುತ್ತಾರೆ. ಇದೀಗ ಫೈನಲ್ ವಾರದಲ್ಲಿ ನಿಂತಿರುವ ಸ್ಪರ್ಧಿಗಳನ್ನು ಅಭಿನಂದಿಸುವ ಕಾರ್ಯ ಪ್ರಾರಂಭಗೊಂಡಿದೆ. ಈ ಸಲುವಾಗಿ ಪ್ರತಿಯೊಬ್ಬರಿಂದಲೂ ಆಸೆಗಳ ಪಟ್ಟಿಯನ್ನು ಬಿಗ್ ಬಾಸ್ ಬಯಸಿದ್ದರು.
ಆದೇ ಪ್ರಕಾರ ಅರವಿಂದ್ ತಾನು ಸ್ಟೇಜ್ ಎಂಟ್ರಿ ಕೊಟ್ಟಿದ್ದ ಬೈಕ್ ಅನ್ನು ಬಿಗ್ ಬಾಸ್ ಅಂಗಳದಲ್ಲಿ ನೋಡಬೇಕು ಎಂದು ಬಯಸಿದ್ದರು. ದಿವ್ಯಾ ಉರುಡುಗ ಕಿಚ್ಚ ಸುದೀಪ್ ಅವರ ಕೈ ಅಡುಗೆಗಾಗಿ ಮನವಿ ಸಲ್ಲಿಸಿದ್ದರು. ವೈಷ್ಣವಿ ಮನೆಯವರಿಂದ ಪೋನ್ ಕರೆ ಬೇಕು ಅಂದಿದ್ದರು. ಹೀಗೆ ಒಬ್ಬೊಬ್ಬರು ಒಂದೊಂದು ಆಸೆಯನ್ನು ವ್ಯಕ್ತಪಡಿಸಿದ್ದಾರೆ.
ಈ ಪೈಕಿ ಮೊದಲನೇಯದ್ದಾಗಿ ಅರವಿಂದ್ ಬೈಕ್ ಬಿಗ್ ಬಾಸ್ ಸೆಟ್ ನಲ್ಲೇ ಇದ್ದ ಕಾರಣ ಅವರ ಅಸೆಯನ್ನು ಈಡೇರಿಸಲಾಗಿದೆ. ಮಹಾಮನೆಯ ಅಂಗಳಕ್ಕೆ ಅರವಿಂದ್ ಬೈಕ್ ಬಂದಿದೆ. ಜೊತೆಗೆ ಅವರ ಫೋಟೋ ಪ್ರೇಮ್ ಮೂಲಕ ಅವರನ್ನು ಅಭಿನಂದಿಸಲಾಗಿದೆ.
ಈ ವೇಳೆ ಎಲ್ಲಾ ಸ್ಪರ್ಧಿಗಳು ಅರವಿಂದ್ ಗುಣಗಳನ್ನು ಮೆಚ್ಚಿ ಗುಣಗಾನ ಮಾಡಿದ್ರೆ, ಅರವಿಂದ್ ಕೂಡಾ ಮನ ಬಿಚ್ಚಿ ಮಾತನಾಡಿದ್ದಾರೆ. ಈ ನಡುವೆ ಬೈಕ್ ಕಂಡ ತಕ್ಷಣ ದಿವ್ಯಾ ಉರುಡುಗ ಸಿಕ್ಕಾಪಟ್ಟೆ ಖುಷಿ ಪಡ್ತಾರೆ ಎಂದು ನಿರೀಕ್ಷಿಸಲಾಗಿತ್ತು. ಆದರೆ ಅವರಿಗಿಂತಲೂ ದಿವ್ಯಾ ಸುರೇಶ್ ಸಿಕ್ಕಾಪಟ್ಟೆ ಪುಳಕಗೊಂಡಿದ್ರು. ಅವರ ಕಿರುಚಾಟವೇ ಇದಕ್ಕೆ ಸಾಕ್ಷಿಯಾಗಿತ್ತು.
Discussion about this post