ಸರ್ಜಿಕಲ್ ಸ್ಟ್ರೈಕ್ ಬಗ್ಗೆ ಕಾಂಗ್ರೆಸ್ ಸುಳ್ಳು ಹೇಳಿದೆ. ಕಾಂಗ್ರೆಸ್‌ನವರು ಕೇವಲ ಪೇಪರ್‌ಗಳ ಮೇಲೆ ಮಾತ್ರ ಸರ್ಜಿಕಲ್ ಸ್ಟ್ರೈಕ್ ಮಾಡಿದ್ದಾರೆ ಎಂದು ಪ್ರಧಾನ ಮಂತ್ರಿ ನರೇಂದ್ರ ಮೋದಿ ಕಾಂಗ್ರೆಸ್ ವಿರುದ್ಧ ತಿರುಗಿ ಬಿದ್ದಿದ್ದಾರೆ.
ಮನಮೋಹನ್ ಸಿಂಗ್ ಅವಧಿಯಲ್ಲಿ 6 ಸರ್ಜಿಕಲ್ ಸ್ಟ್ರೈಕ್ :ಮೋದಿಗೆ ಕಾಂಗ್ರೆಸ್ ತಿರುಗೇಟು
ರಾಜಸ್ಥಾನದ ಸಿಕಾರ್‌ನಲ್ಲಿ ಚುನಾವಣಾ ಪ್ರಚಾರ ಭಾಷಣ ಮಾಡಿದ ಅವರು “ಪೆಹಲೆ ಉಪೇಕ್ಷಾ, ಫಿರ್‌ ವಿರೋಧ್‌, ಅಬ್‌ ಮೀ ಟೂ ಮೀ ಟೂ (ಮೊದಲು ನಿರ್ಲಕ್ಷ್ಯ ಮಾಡಿದರು, ನಂತರ ವಿರೋಧಿಸಿದರು, ಈಗ ನಾನು ಕೂಡ ನಾನು ಕೂಡ) ಎಂದು ಹೇಳುತ್ತಿದ್ದಾರೆ ಮೋದಿ ಲೇವಡಿ ಮಾಡಿದರು.
ಈ ಮೊದಲು ಮೂರು ಬಾರಿ ಸರ್ಜಿಕಲ್ ಸ್ಟ್ರೈಕ್ ಮಾಡಿದ್ದೇವೆ ಎಂದು ಕಾಂಗ್ರೆಸ್ ನಾಯಕರು ಹೇಳಿಕೊಂಡಿದ್ದರು. ಅದೀಗ ಆರು ಆಗಿದೆ. ಈ ಸಂಖ್ಯೆ ಮುಂದಿನ ದಿನಗಳಲ್ಲಿ 600 ಕೂಡ ಆಗಬಹುದು. ಪೇಪರ್ ಮೇಲೆ ದಾಳಿ ನಡೆಸಿದರೆ ಹೀಗೆ ಆಗೋದು. ಸುಳ್ಳುಗಳ ಸರಮಾಲೆಯನ್ನು ಹೆಣೆಯುವುದನ್ನೇ ಸಿದ್ಧಾಂತ ಮಾಡಿಕೊಂಡಿರುವ ಕಾಂಗ್ರೆಸ್ ಸರ್ಜಿಕಲ್ ಸ್ಟ್ರೈಕ್ ಬಗ್ಗೆಯೂ ಸುಳ್ಳು ಹೇಳಿದೆ, ಕಾಂಗ್ರೆಸ್ ಕೇವಲ ಸುಳ್ಳು ಹೇಳುವುದರಲ್ಲಿ ಎತ್ತಿದ ಕೈ ಎಂದು ಮೋದಿ ವಾಗ್ದಾಳಿ ನಡೆಸಿದರು.
Discussion about this post