ಬೆಳಗಾವಿ : ಕಾಸಿದ್ದ ಮಂದಿ ಜೀವನವನ್ನು ಹೇಗೆ ಬೇಕಾದರೂ ಎಂಜಾಯ್ ಮಾಡ್ತಾರೆ. ಹಬ್ಬಕ್ಕೆ ಬಸ್ ದರ ಏರಿಕೆಯಾಗಿ ಸಾಮಾನ್ಯ ಜನ ತತ್ತರಿಸುತ್ತಿದ್ರೆ ಅದನ್ನು ನಿಯಂತ್ರಿಸಬೇಕಾದ ರಾಜಕಾರಣಿಗಳು ಮಾತ್ರ ವಿಮಾನ, ಹೆಲಿಕಾಪ್ಟರ್ ನಲ್ಲಿ ಬಿಂದಾಸ್ ಆಗಿ ಓಡಾಡುತ್ತಿರುತ್ತಾರೆ. ಯಾರದ್ದೋ ದುಡ್ಡು ಎಲಮ್ಮನ ಜಾತ್ರೆ. ಹೋಗ್ಲಿ ಏನೇ ಇರ್ಲಿ.
ಈ ನಡುವೆ ಸಿಂಧಗಿಯಿಂದ ಬೆಂಗಳೂರಿಗೆ ಹೆಲಿಕಾಪ್ಟರ್ ನಲ್ಲಿ ತೆರಳುತ್ತಿದ್ದ ಮಾಜಿ ಸಿಎಂ ಸಿದ್ದರಾಮಯ್ಯ, ತಮ್ಮ ಆಪ್ತ ಕೆಪಿಸಿಸಿ ಕಾರ್ಯಾಧ್ಯಕ್ಷ ಸತೀಶ ಜಾರಕಿಹೊಳಿಯನ್ನು ಗೋಕಾಕಕ್ಕೆ ಹೆಲಿಕಾಪ್ಟರ್‌ನಲ್ಲಿ ಡ್ರಾಪ್ ನೀಡಿದ್ದಾರೆ.
ಬುಧವಾರ ಸಿಂದಗಿ ವಿಧಾನಸಭಾ ಕ್ಷೇತ್ರದ ಉಪ ಚುನಾವಣೆಯ ಪ್ರಚಾರ ಮುಗಿಸಿ ಬೆಂಗಳೂರಿಗೆ ತೆರಳುತ್ತಿದ್ದ ಅವರು ಸತೀಶ ಜಾರಕಿಹೊಳಿಯನ್ನೂ ಹೆಲಿಕಾಪ್ಟರ್ ಹತ್ತಿಸಿದ್ದಾರೆ. ಬಳಿಕ ಗೋಕಾಕದ ಡಾಲರ್ಸ್‌ ಕಾಲೋನಿಯ ಹೆಲಿಪ್ಯಾಡ್‌ನಲ್ಲಿ ಹೆಲಿಕಾಪ್ಟರ್ ಲ್ಯಾಂಡ್ ಮಾಡಿಸಿ, ಜಾರಕಿಹೊಳಿಯನ್ನು ಇಳಿಸಿ ಹೋಗಿದ್ದಾರೆ.
Discussion about this post