ಅವರು ಮುಂದಿನ ಸಿನಿಮಾದ ಬಗ್ಗೆ excited ಆಗಿದ್ರು : ಸಂಚಾರಿ ವಿಜಯ್ ನೆನೆದು ಸುದೀಪ್ ಕಣ್ಣೀರು

ಬೆಂಗಳೂರು : ಬೈಕ್ ಅಪಘಾತಕ್ಕೆ ಒಳಗಾಗಿ ಆಸ್ಪತ್ರೆ ಸೇರಿದ್ದ ನಟ ಸಂಚಾರಿ ವಿಜಯ್ ಕೊನೆಯುಸಿರೆಳೆದಿದ್ದಾರೆ. ವಿಜಯ್ ಅವರನ್ನು ಬದುಕಿಸಲು ಅಪೋಲೋ ಆಸ್ಪತ್ರೆಯ ವೈದ್ಯರು ಕೊನೆ ಕ್ಷಣದವರೆಗೂ ಹೋರಾಟ ನಡೆಸಿದ್ದರು. ಆದರೆ ಬಲ ಮೆದುಳಿಗೆ ಗಂಭೀರ ಗಾಯಗಳಾಗಿ ತೀವ್ರ ರಕ್ತಸ್ರಾವವಾಗಿದ್ದ ಕಾರಣ ವೈದ್ಯರ ಪ್ರಯತ್ನ ಫಲ ನೀಡಲಿಲ್ಲ.

ಆಸ್ಪತ್ರೆಗೆ ಬರುವಾಗಲೇ ಅವರ ಸ್ಥಿತಿ ತೀವ್ರ ಗಂಭೀರವಾಗಿತ್ತು. ಹಾಗಿದ್ದರೂ ವೈದ್ಯರು ಕೈಲಾದಷ್ಟು ಶ್ರಮ ಹಾಕಿದ್ದರು. ಒಳ್ಳೆಯವರ ಬೇಗ ಸಾವು ಅನ್ನುವಂತೆ ವಿಧಿ ಅವರನ್ನು ಬೇಗ ಕರೆದುಕೊಂಡಿದೆ.

ಇನ್ನು ಸಂಚಾರಿ ವಿಜಯ್ ಸಾವಿಗೆ ಕಂಬನಿ ಮಿಡಿದಿರುವ ನಟ ಕಿಚ್ಚ ಸುದೀಪ್, ಲಾಕ್ ಡೌನ್ ಮುಂಚೆ ಅವರನ್ನು ನಾನು ಭೇಟಿಯಾಗಿದ್ದೆ. ತಮ್ಮ ಮುಂದಿನ ಸಿನಿಮಾಗಳ ಬಗ್ಗೆ ಅವರು excited ಆಗಿದ್ದರು ಅಂದಿದ್ದಾರೆ. ಇನ್ನು ಬೈಕ್ ಅಪಘಾತವಾದ ಸಂದರ್ಭದಲ್ಲಿ ಸಂಚಾರಿ ವಿಜಯ್ ಸಹಾಯಕ್ಕೆ ನಿಂತಿದ್ದ ಸುದೀಪ್ ಅವರು ಆಸ್ಪತ್ರೆಗೆ ಸೇರಲು ಸಹಾಯ ಹಸ್ತ ಚಾಚಿದ್ದರು.