ಕನ್ನಡದ ಸೀರಿಯಲ್ ಲೋಕದಲ್ಲಿ ಸಿಕ್ಕಾಪಟ್ಟೆ ಸದ್ದು ಮಾಡಿದ್ದು ಝೀ ಕನ್ನಡದಲ್ಲಿ ಪ್ರಸಾರವಾಗುತ್ತಿರುವ ಜೊತೆ ಜೊತೆಯಲಿ. ಪ್ರಸಾರ ಪ್ರಾರಂಭಿಸಿದ ಕೆಲವೇ ದಿನಗಳಲ್ಲಿ ಲಕ್ಷಾಂತರ ಅಭಿಮಾನಿಗಳನ್ನು ಸಂಪಾದಿಸಿದ ಹಿರಿಮೆ ಇದರದ್ದು.
ಇದಕ್ಕೆ ಕಾರಣ ಹಲವು. ಇಲ್ಲಿ ಕಾಣಿಸಿಕೊಂಡಿರುವ ಕಲಾವಿದರು ಒಂದು ಕಾರಣವಾದರೆ, ಆರೂರು ಜಗದೀಶ್ ಅವರ ನಿರ್ದೇಶನ ಮತ್ತೊಂದು ಕಾರಣ. ಜೊತೆಗೆ ಈ ಧಾರಾವಾಹಿಯ ಕಥೆಯೂ ಅಷ್ಟೇ ಚೆನ್ನಾಗಿರುವ ಕಾರಣದಿಂದ ಸೀರಿಯಲ್ ಸೂಪರ್ ಹಿಟ್ ಆಗಿದೆ.
ಆದರೆ ಈ ಧಾರಾವಾಹಿಯ ಕಥೆ ಕನ್ನಡದ ಮೂಲದ್ದಲ್ಲ. ಮರಾಠಿಯಲ್ಲಿ ಪ್ರಸಾರವಾದ ಧಾರಾವಾಹಿಯನ್ನು ಕನ್ನಡಕ್ಕೆ ಫಿಲ್ಟರ್ ಮಾಡಲಾಗಿದೆ. ಅದಕ್ಕೆ ನಮ್ಮದೇನು ಅಭ್ಯಂತರವಿಲ್ಲ.
ಪ್ರಶ್ನೆ ಇರುವುದು ಕನ್ನಡದಲ್ಲಿ ಇಷ್ಟೊಂದು ಸುಂದರ ಕಥೆಗೆ ಕೊರತೆ ಇದೆಯೇ. ಅಥವಾ ಕನ್ನಡದಲ್ಲಿ ಅವಕಾಶಕ್ಕೆ ಕೊರತೆ ಇದೆಯೇ. ವಾಹಿನಿಗಳು ತಮ್ಮ ನೆಟ್ ವರ್ಕ್ ಗಳಿಂದ ಕಥೆಗಳನ್ನು ಎರವಲು ಪಡೆಯುವಲ್ಲಿ ಬ್ಯುಸಿಯಾಗಿದೆ. ಇದರ ಬದಲಾಗಿ ಕನ್ನಡಿಗರೇ ಬರೆದ ಕಥೆಗಳಿಗೆ ಅವಕಾಶ ಕೊಟ್ಟರೆ ಈ ವಾಹಿನಿಗಳಿಗೆ ಪುಣ್ಯ ಬರುತ್ತದೆ.
Discussion about this post