ಕಿರುತೆರೆಯಲ್ಲಿ ಹೆಚ್ಚು ಜನಪ್ರಿಯತೆ ಪಡೆದಿದ್ದ ‘ಅಮೃತವರ್ಷಿಣಿ’ ಧಾರಾವಾಹಿಯಲ್ಲಿ ಅಮೃತಾ ಪಾತ್ರದಲ್ಲಿ ರಜಿನಿ ನಟಿಸಿದ್ದರು. ಈ ಅಮೃತಾ ಪಾತ್ರ ಅದೆಷ್ಟು ಇಷ್ಟವಾಗಿತ್ತು ಅಂದ್ರೆ ಇಂದಿಗೂ ರಜಿನಿಯನ್ನು ಅಮೃತಾ ಎಂದೇ ಗುರುತಿಸುತ್ತಾರೆ. ಇದಾದ ಬಳಿಕ ‘ಆತ್ಮ ಬಂಧನ ಅನ್ನುವ ಹಾರರ್ ಥ್ರಿಲ್ಲರ್ ಸೀರಿಯಲ್ ರಜಿನಿ ಅಭಿನಯಿಸಿದ್ದರು. ಆದಾದ ನಂತರ ಸೀರಿಯಲ್ ಗಳಲ್ಲಿ ರಜಿನಿ ಕಾಣಿಸಿಕೊಳ್ಳಲಿಲ್ಲ. ಅವಕಾಶಗಳು ಬಂದರೂ ಅವೆಲ್ಲವೂ ಅಮೃತ ಪಾತ್ರಕ್ಕೆ ಹತ್ತಿರವಾಗಿತ್ತು. ಹೀಗಾಗಿ ಅವಕಾಶಗಳನ್ನು ನಿರಾಕರಿಸಿದರು. ಹೀಗಾಗಿ ಮಜಾ ಟಾಕೀಸ್ ಸೇರಿ ಕೆಲ ರಿಯಾಲಿಟಿ ಶೋಗಳಿಗೆ ಸೀಮಿತವಾದ ರಜಿನಿ ಇತ್ತೀಚೆಗೆ ಶುಭಾ ಪೂಂಜಾ ಜೊತೆಗೆ ಸಿನಿಮಾದಲ್ಲಿ ಕಾಣಿಸಿಕೊಂಡಿದ್ದಾರೆ.
ಈ ನಡುವೆ ಇದೀಗ ಹಲವು ವರ್ಷಗಳ ಬ್ರೇಕ್ ಬಳಿಕ ರಜಿನಿ ಭರ್ಜರಿಯಾಗಿ ಕಿರುತೆರೆಗೆ ಎಂಟ್ರಿ ಕೊಡಲಿದ್ದಾರೆ. ಝೀ ವಾಹಿನಿಯಲ್ಲಿ ಪ್ರಸಾರವಾಗುತ್ತಿರುವ ಹಿಟ್ಲರ್ ಕಲ್ಯಾಣ ತಂಡ ಸೇರಿರುವ ರಜಿನಿ ಅಂತರಳಾಗಿ ಎಂಟ್ರಿ ಕೊಡಲಿದ್ದಾರೆ.
ಎಜೆ ಮತ್ತು ಎಡವಟ್ಟು ಲೀಲಾ ನಡುವೆ ಯಾರಪ್ಪ ಇವಳು ಅಂತರ ಎಂದು ತಲೆ ಕೆಡಿಸಿಕೊಳ್ಳಬೇಡಿ. ಮಿಸ್ಟರ್ ಫರ್ಫೆಕ್ಟ್ ಖ್ಯಾತಿಯ ಎಜೆ ಅಲಿಯಾಸ್ ಅಭಿರಾಮ್ ಜಯಶಂಕರ್ ಅವರ ಮೊದಲ ಪತ್ನಿಯೇ ಅಂತರ.
ಎಜೆ ಮತ್ತು ಲೀಲಾ ನಡುವಿನ ಕಿತ್ತಾಟ ಹಾಗೂ ಅತ್ತೆ ಮತ್ತು ಮೂವರು ಸೊಸೆಯಂದಿರ ನಡುವಿನ ಜಗಳದ ನಡುವೆ ಎಂಟ್ರಿ ಕೊಡಲಿರುವ ಅಂತರ, ಕಥೆಗೆ ಅದೇನು ತಿರುವು ಕೊಡ್ತಾಳೇ ಅನ್ನುವುದೇ ಈಗಿರುವ ಕುತೂಹಲ. ಮಾಹಿತಿಗಳ ಪ್ರಕಾರ ‘ಅಂತರ’ ಪಾತ್ರದಲ್ಲಿ ರಜಿನಿ ಎಂಟ್ರಿಕೊಡುತ್ತಿದ್ದ ಹಾಗೆಯೇ ‘ಹಿಟ್ಲರ್ ಕಲ್ಯಾಣ’ ಧಾರಾವಾಹಿಗೆ ಹೊಸ ತಿರುವು ಸಿಗಲಿದೆಯಂತೆ.
Discussion about this post