ಮೇವು ನೀರು ಕಾಡಿನೊಳಗೆ ಸಿಕ್ರೆ ಕಾಡುಪ್ರಾಣಿಗಳು ಹೊರಗೆ ಬರೋದಿಲ್ಲ : ಸಿದ್ದರಾಮಯ್ಯ

ಅರಣ್ಯ ಒತ್ತುವರಿ ತಡೆಯಲು ಅಧಿಕಾರಿಗಳಿಗೆ ಸಿದ್ದರಾಮಯ್ಯ ಸೂಚನೆ

ಅರಣ್ಯ ಇಲಾಖೆ ವತಿಯಿಂದ  ವಿಧಾನಸೌಧದ ಬ್ಯಾಂಕ್ವೆಟ್ ಹಾಲ್ ನಲ್ಲಿ ಆಯೋಜಿಸಿದ್ದ  2022, ಮತ್ತು 2023ನೇ ಸಾಲಿನ ಮುಖ್ಯಮಂತ್ರಿಗಳ ಪದಕವನ್ನು  ಅರಣ್ಯ ಸಿಬ್ಬಂದಿಗೆ  ಮುಖ್ಯಮಂತ್ರಿ ಸಿದ್ದರಾಮಯ್ಯ ಪ್ರದಾನ ಮಾಡಿದರು.

ಈ ವೇಳೆ  ಅರಣ್ಯ , ಜೈವಿಕ ಮತ್ತು  ಪರಿಸರ ಸಚಿವ  ಈಶ್ವರ್  ಖಂಡ್ರೆ, ಅರಣ್ಯ ಇಲಾಖೆಯ ಅಪರ ಮುಖ್ಯಕಾರ್ಯದರ್ಶಿ ಮಂಜುನಾಥ್ ಪ್ರಸಾದ್, ಅರಣ್ಯಪಡೆ ಮುಖ್ಯಸ್ಥ ಬ್ರಿಜೇಶ್ ಕುಮಾರ್ ದೀಕ್ಷಿತ್ ಮತ್ತಿತರರು ಉಪಸ್ಥಿತರಿದ್ದರು. 

ಬಳಿಕ ಮುಖ್ಯಮಂತ್ರಿ , ಅರಣ್ಯ ಒತ್ತುವರಿಯನ್ನು ಕಟ್ಟುನಿಟ್ಟಾಗಿ  ತಡೆಯಬೇಕು ಎಂದು ಅಧಿಕಾರಿಗಳಿಗೆ ಸೂಚಿಸಿದರು. ಅರಣ್ಯ ಸಂಪತ್ತಿನ ಸಂರಕ್ಷಣೆಯ ಮಹತ್ವ ಅರಿತಿದ್ದ  ಇಂದಿರಾ ಗಾಂಧಿ ಅವರು  ಅರಣ್ಯ ಸಂರಕ್ಷಣಾ  ಕಾಯ್ದೆ   ಜಾರಿಗೆ ತಂದಿದ್ದಾರೆ.  ಈ ಹಿನ್ನೆಲೆಯಲ್ಲಿ ಅರಣ್ಯ ಒತ್ತುವರಿಯನ್ನು ತಡೆಯಲು  ಅಧಿಕಾರಿಗಳು ಗಮನಹರಿಸಬೇಕು.

ಕಾಡುಪ್ರಾಣಿಗಳಿಗೆ ಆಹಾರ, ಮೇವು ಮತ್ತು  ನೀರು , ಕಾಡಿನೊಳಗೆ  ದೊರೆತರೆ  ಅವು ಕಾಡಿನಿಂದ ಹೊರಗೆ ಬರುವುದಿಲ್ಲ. ಇದರಿಂದ ಮಾನವ- ಪ್ರಾಣಿ ಸಂಘರ್ಷಕ್ಕೆ ತಡೆ ಬೀಳಲಿದೆ . ಆಯಾ ವರ್ಷದ ಪದಕಗಳನ್ನು ಆಯಾ ವರ್ಷವೇ  ಪ್ರದಾನ ಮಾಡಬೇಕು ಎಂದು  ಸಹ ಅವರು ಹೇಳಿದರು.

ವನ್ಯಜೀವಿ ಮತ್ತು ಅರಣ್ಯ ಸಂಪತ್ತು ಕಾಪಾಡುವ  ಜವಾಬ್ದಾರಿ ಪ್ರತಿಯೊಬ್ಬರದು,  ಆಫ್ರಿಕಾ ಬಿಟ್ಟರೇ ಅರಣ್ಯ, ಪ್ರಾಣಿ ಸಂಪತ್ತು ಇರುವುದು  ಭಾರತದಲ್ಲೇ. ಹೀಗಾಗಿ  ಅರಣ್ಯದ ಪ್ರಮಾಣ ಇನ್ನೂ ಹೆಚ್ಚಬೇಕಾಗಿದೆ. ಅರಣ್ಯ ಸಂಪತ್ತು ಕಾಪಾಡುವ ಹಿನ್ನೆಲೆಯಲ್ಲಿ ಪದಕ ಪುರಸ್ಕಾರ  ಜವಾಬ್ದಾರಿ ಮತ್ತಷ್ಟು ಹೆಚ್ಚಿದೆ ಎಂದು ತಿಳಿಸಿದರು. 

ಈಶ್ವರ್ ಖಂಡ್ರೆ , ಅರಣ್ಯ ಸಂರಕ್ಷಣೆ ಕುರಿತು  ಸಿಬ್ಬಂದಿಗೆ  ಪ್ರತಿಜ್ಞಾವಿಧಿ ಬೋಧಿಸಿದರು. ಬಳಿಕ ಅವರು,  ಅರಣ್ಯ ಇಲಾಖೆಯಲ್ಲಿ ನಿಷ್ಠೆಯಿಂದ ಕಾರ್ಯನಿರ್ವಹಿಸಿದ ಅಧಿಕಾರಿಗಳಿಗೆ ಮುಖ್ಯಮಂತ್ರಿ ಪದಕ ವಿತರಣೆ ಮಾಡಿರುವ ಜತೆಗೆ ನೇರ ನೇಮಕಾತಿಯಲ್ಲಿ ಆಯ್ಕೆಯಾದ 267 ಮಂದಿ ಅರಣ್ಯ ವೀಕ್ಷಕರಿಗೆ ನೇಮಕಾತಿ ಪತ್ರ ವಿತರಣೆ ಮಾಡಲಾಗಿದೆ ಎಂದು ಹೇಳಿದರು.

ಮಾನವ ಮತ್ತು ಆನೆ ಸಂಘರ್ಷ ತಡೆಯುವ ನಿಟ್ಟಿನಲ್ಲಿ ಅರಣ್ಯ ಸಿಬ್ಬಂದಿ ಮತ್ತು ಸಾರ್ವಜನಿಕರು ಸಹಕಾರ ನೀಡಬೇಕು ಎಂದು ತಿಳಿಸಿದರು.

Chief Minister Siddaramaiah on Tuesday said forest should be stern when it comes to encroachment and should adopt a stern attitude when it comes to preventing encroachments.