ನಮ್ಮನೆ ಯುವರಾಣಿ ಧಾರವಾಹಿ ಮುಕ್ತಾಯವಾಗುತ್ತಾ..?

ಕನ್ನಡ ಕಿರುತೆರೆಗೆ ಢಿಪರೆಂಟ್ ಅನ್ನುಸುವ ಧಾರವಾಹಿಯನ್ನು ಕೊಟ್ಟ ಹಿರಿಮೆ ನಮ್ಮನೆ ಯುವರಾಣಿ ಟೀಂನದ್ದು. ಕಲಾವಿದರ ಆಯ್ಕೆ ಹಾಗೂ ಕಥೆ ಸಾಗಿದ ಹಾದಿ ವೀಕ್ಷಕರನ್ನು ಟಿವಿ ಮುಂದೆ ಕೂಡಿಸುವಂತೆ ಮಾಡಿತ್ತು. ಆದರೆ ಟಿಆರ್ಪಿ ಪಟ್ಟಿಯಲ್ಲಿ ನಿರೀಕ್ಷಿತ ಯಶಸ್ಸು ಧಾರವಾಹಿಗೆ ಸಿಗಲಿಲ್ಲ. ಜನ ಸೇರಿದ್ರು ಓಟು ಬರ್ಲಿಲ್ಲ ಅನ್ನುವಂತಾಗಿತ್ತು ಧಾರವಾಹಿಯ ಕಥೆ. ಹೀಗಾಗಿ ಧಾರವಾಹಿ ನಿಂತು ಹೋಗಲಿದೆ ಅನ್ನುವ ಸುದ್ದಿಗಳು ಹರಿದಾಡಿತ್ತು. ಆದರೆ ಧಾರವಾಹಿ ನಿಲ್ಲೋದಿಲ್ವಂತೆ ಬದಲಾಗಿ ಧಾರವಾಹಿ ಕಥೆ ಮತ್ತು ತಂಡದಲ್ಲಿ ಒಂದಿಷ್ಟು ಬದಲಾವಣೆ ಮಾಡಿಕೊಳ್ಳಲಾಗಿದೆ.

ಈ ಕಾರಣಕ್ಕಾಗಿಯೇ ಇದೀಗ ಅನಿಕೇತ್ ಮತ್ತು ಮೀರಾ ಪಾತ್ರಕ್ಕೆ ಮಂಗಳ ಹಾಡಿರುವ ನಿರ್ದೇಶಕರು ಎರಡೂ ಪಾತ್ರಗಳಿಗೆ ಕಥೆಯಿಂದ ಗೇಟ್ ಪಾಸ್ ಕೊಟ್ಟಿದ್ದಾರೆ.

ಅಂದ ಹಾಗೇ ಈ ಧಾರವಾಹಿ 2019ರ ಜನವರಿಯಿಂದ ಈ ಧಾರಾವಾಹಿ ಪ್ರಸಾರವಾಗುತ್ತಿದೆ. ನಟ ರಾಘವೇಂದ್ರ, ಅಂಕಿತಾ ಅಮರ್, ದೀಪಕ್ ಗೌಡ, ಜ್ಯೋತಿ ಕಿರಣ್, ಸಹನಾ ಮುಂತಾದವರು ಈ ಧಾರಾವಾಹಿಯಲ್ಲಿ ನಟಿಸುತ್ತಿದ್ದಾರೆ.  ಅನಿಕೇತ್, ಮೀರಾ ಹಾಗೂ ಸಾಕೇತ್, ಅಹಲ್ಯಾ ಜೋಡಿಗಳ ನಡುವೆ ಸಾಗುವ ಕಥೆ ವೀಕ್ಷಕರಿಗೆ ಇಷ್ಟವಾಗಿತ್ತು.