ಟೋಕಿಯೋ : ಮಹಿಳೆಯರ ಡಿಸ್ಕಸ್ ಥ್ರೋ ( ಚಕ್ರ ಎಸೆತ) ದಲ್ಲಿ ಭಾರತದ ಪಾಟಿಯಾಲದ ಕಮಲ್ ಪ್ರೀತ್ ಕೌರ್ ಅವರು ಫೈನಲ್ಗೆ ಪ್ರವೇಶ ಪಡೆಯುವ ಮೂಲಕ ಪದಕ ಗಳಿಸುವ ಭರವಸೆ ಮೂಡಿಸಿದ್ದಾರೆ.
ಶನಿವಾರ ನಡೆದ ಪಂದ್ಯದಲ್ಲಿ ಭಾರತದ ಕಮಲ್ ಪ್ರೀತ್ ಕೌರ್ ಅಂತಿಮ ಸುತ್ತು ಪ್ರವೇಶಿಸಿದ್ದು. ಈ ಮೂಲಕ ಒಲಿಂಪಿಕ್ಸ್ ನಲ್ಲಿ ಒಂದು ಪದಕವನ್ನು ಖಚಿತಪಡಿಸಿದ್ದಾರೆ.
ಡಿಸ್ಕಸ್ ಥ್ರೋನ ಅರ್ಹತಾ ಸುತ್ತಿನಲ್ಲಿ 32 ಮಂದಿ ಅಥ್ಲೀಟ್ಗಳು ಪಾಲ್ಗೊಂಡಿದ್ದು, ಕಮಲ್ ಪ್ರೀತ್ ಕೌರ್ 64.0 ಮೀಟರ್ ದೂರ ಡಿಸ್ಕಸ್ ಎಸೆದು ಫೈನಲ್ ಗೆ ಎಂಟ್ರಿ ಕೊಟ್ಟಿದ್ದಾರೆ. ಜೊತೆಗೆ ಅಮೆರಿಕಾದ ಅಲ್ ಮನ್ ವಲ್ಲರಿಯಾ ಅವರು ಮೊದಲ ಎಸೆತದಲ್ಲೇ 66.42 ಮೀಟರ್ ಎಸೆಯುವ ಮೂಲಕ ಫೈನಲ್ಗೆ ಅರ್ಹತೆ ಗಿಟ್ಟಿಸಿಕೊಂಡಿದ್ದರು.
ಈ ನಡುವೆ ಭಾರತದ ಮತ್ತೊಬ್ಬ ಅಥ್ಲೀಟ್ ಸೀಮಾ ಪೂನಿಯಾ 16ನೆ ಸ್ಥಾನ ಪಡೆಯುವ ಮೂಲಕ ಡಿಸ್ಕಸ್ ಥ್ರೋ ವಿಭಾಗದಲ್ಲಿ ನಿರಾಸೆ ಮೂಡಿಸಿದ್ದಾರೆ. ಪೂನಿಯಾ ಈ ಹಿಂದೆ 4 ಬಾರಿ ಒಲಿಂಪಿಕ್ಸ್ ನಲ್ಲಿ ಆಡಿದ ಅನುಭವವಿದ್ದರೂ ಈ ಬಾರಿ ಅರ್ಹತಾ ಸುತ್ತಿನಲ್ಲಿ ಮೊದಲ ಎಸೆತವನ್ನೇ ಫೌಲ್ ಮಾಡಿದ್ದಾರೆ.
Discussion about this post