ದುಬೈ : ತಂತ್ರಜ್ಞಾನ ಅನ್ನುವುದು ಜನಜೀವನಕ್ಕೆ ಎಷ್ಟು ಅನುಕೂಲವಾಗಿದೆಯೋ ಅಷ್ಟೇ ಅನಾನುಕೂಲವಾಗಿ ಪರಿಣಮಿಸಿದೆ. ಇದಕ್ಕೊಂದು ಬೆಸ್ಟ್ ಏಕ್ಸಾಂಪಲ್ ಅಂದ್ರೆ ಈ ಬಾರಿಯ ಐಪಿಎಲ್ ನಡೆದ ಎಡವಟ್ಟು.
14ನೇ ಆವೃತ್ತಿಯ ಐಪಿಎಲ್ ನ ಫೈನಲ್ ಪಂದ್ಯದಲ್ಲಿ ಚೆನ್ನೈ ಹಾಗೂ ಕೋಲ್ಕತಾ ತಂಡ ಗೆಲುವಿಗಾಗಿ ಹೊಡೆದಾಡುತ್ತಿತ್ತು. ಮತ್ತೊಂದು ಕಡೆ ಮುಂದೆ ಕೂತ ವೀಕ್ಷಕರಿಗೆ ದೃಶ್ಯ ವೈಭವ ಉಣಬಡಿಸುವ ಸಲುವಾಗಿ ಸ್ಪೈಡರ್ ಕ್ಯಾಮ್ ಕ್ರೀಡಾಂಗಣದ ಮೂಲೆ ಮೂಲೆ ಸಾಗಿ ದೃಶ್ಯಗಳನ್ನು ಸೆರೆ ಹಿಡಿಯುತ್ತಿತ್ತು.
ಈ ನಡುವೆ ಚೆನ್ನೈ ನೀಡಿದ್ದ ಬೃಹತ್ ಮೊತ್ತದ ಬೆನ್ನು ಹತ್ತಿದ್ದ ಕೋಲ್ಕತಾ ತಂಡ ಉತ್ತಮ ಆರಂಭದಲ್ಲಿತ್ತು. ಹೀಗಾಗಿ ಹೇಗಾದರೂ ಸರಿ ಕೆಕೆಆರ್ ವೇಗವನ್ನು ಕಟ್ಟಿ ಹಾಕಲು ಚೆನ್ನೈ ಸೆಣಸಾಡುತ್ತಿತ್ತು. ಈ ವೇಳೆ 10ನೇ ಓವರ್ ನಲ್ಲಿ ಜಡೇಜಾ ಎಸೆತದಲ್ಲಿ ಶುಬ್ ಮನ್ ಗಿಲ್ ಹಾರಿಸಿದ ಚೆಂಡು ಎತ್ತರಕ್ಕೆ ಹಾರಿ ಕೆಳಗೆ ಬೀಳುವಾಗ ರಾಯಿಡು ಕೈಯೊಡ್ಡಿದ್ದರು.
ಚೆನ್ನೈ ವಿಕೆಟ್ ಪಡೆದು ಕುಣಿದು ಕುಪ್ಪಳಿಸುತ್ತಿದ್ರೆ ಮೈದಾನದ ಅಂಪೈರ್, 3ನೇ ಅಂಪೈರ್ ಸಂಪರ್ಕಿಸಿ out ಹೌದೋ ಅಲ್ಲವೋ ಎಂದು ಗೊಂದಲ ನಿವಾರಣೆಗೆ ಮುಂದಾಗಿದ್ದಾರೆ. 3ನೇ ಅಂಪೈರ್ ಪರಿಶೀಲನೆ ಸಂದರ್ಭದಲ್ಲಿ ಬಾಲ್ ಕೆಳಗೆ ಬೀಳುವಾಗ ಸ್ಪೈಡರ್ ಕ್ಯಾಮಾರದ ಕೇಬಲ್ ಗೆ ತಗುಲಿರುವುದು ಗೊತ್ತಾಗಿದೆ. ಹೀಗಾಗಿ ಈ ಎಸೆತವನ್ನು ಡೆಡ್ ಬಾಲ್ ಎಂದು ಘೋಷಿಸಲಾಗಿ, Not Out ಎಂದು ತೀರ್ಮಾನಿಸಲಾಗಿದೆ.
ಇದೀಗ ಈ ವಿಚಾರ ಸಾಮಾಜಿಕ ಜಾಲತಾಣಗಳಲ್ಲಿ ಸಿಕ್ಕಾಪಟ್ಟೆ ಚರ್ಚೆಗೆ ಗ್ರಾಸವಾಗಿದೆ.
Discussion about this post