ರಾಬರ್ಟ್ ರೇಡ್ – ಛಾಲೆಂಜಿಂಗ್ ಸ್ಟಾರ್ ಚಿತ್ರಕ್ಕೂ ಬಿಡದ ಪೈರೆಸಿ ಕಾಟ

ಡಿ ಬಾಸ್ ಅಭಿಮಾನಿಗಳು ಕಾಯುತ್ತಿದ್ದ ಕುತೂಹಲಕ್ಕೆ ಕೊನೆಗೂ ತೆರೆ ಬಿದ್ದಿದೆ. ದರ್ಶನ್ ಅಭಿನಯದ ರಾಬರ್ಟ್ ಚಿತ್ರ ದೇಶಾದ್ಯಂತ ಬಿಡುಗಡೆಯಾಗಿದ್ದು, ದಚ್ಚು ಭಕ್ತಗಣಕ್ಕಿಂದು ಜಾತ್ರೆ ಶುರುವಾಗಿದೆ.

ರಾಬರ್ಟ್ ಚಿತ್ರದ ಬೆಳಗಿನ ಶೋಗಳು ಈಗಾಗಲೇ ಆರಂಭವಾಗಿದ್ದು, ರಾತ್ರಿ ಹೆಚ್ಚುವರಿ 2 ಶೋಗಳನ್ನು ಆಯೋಜನೆ ಮಾಡಲಾಗಿದೆ.

ಬೆಂಗಳೂರಿನ 12 ಚಿತ್ರಮಂದಿರಗಳಲ್ಲಿ ಬೆಳಗ್ಗೆ 6 ಹಾಗೂ 6.30ಕ್ಕೆ ಎರಡು ಶೋಗಳು ಪ್ರಾರಂಭವಾಗಿದೆ. ಜೊತೆಗೆ ತುಮಕೂರು, ಕೋಲಾರ ಭಾಗದಲ್ಲೂ ಬೆಳಗಿನ ಹೆಚ್ಚುವರಿ ಶೋಗಳು ನಡೆಯುತ್ತಿದೆ.

ಈ ನಡುವೆ ಪದ್ಮನಾಭನಗರದ ಶ್ರೀನಿವಾಸ ಥಿಯೇಟರ್ ನಲ್ಲಿ ರಾಬರ್ಟ್ ತಂಡ ವಿಶೇಷ ಪೂಜೆ ಸಲ್ಲಿಸಿದೆ. ಈ ವೇಳೆ ನಿರ್ದೇಶಕ ತರುಣ್ ಸುಧೀರ್, ನಾಯಕಿ ಆಶಾ ಭಟ್ ಭಾಗಿಯಾಗಿದ್ದರು.

ದೇಶಾದ್ಯಂತ 1596 ಚಿತ್ರಮಂದಿರಗಳಲ್ಲಿ 3889ಶೋಗಳು ಆಯೋಜನೆಗೊಂಡಿದ್ದು, ಈ ಪೈಕಿ ಕರ್ನಾಟಕದ 656, ಅಂಧ್ರ 433, ತೆಲಂಗಾಣ 407 ಥಿಯೇಟರ್ ಗಳಲ್ಲಿ ರಾಬರ್ಟ್ ದರ್ಶನವಾಗಲಿದೆ.

ಇನ್ನು ರಾಬರ್ಟ್ ಚಿತ್ರತಂಡಕ್ಕೆ ಪೈರೆಸಿ ಭೀತಿ ಕಾಡುತ್ತಿದೆ. ಈಗಾಗಲೇ ನಿರ್ಮಾಪಕರು ಈ ಬಗ್ಗೆ ಖಡಕ್ಕ್ ಎಚ್ಚರಿಕೆ ಕೊಟ್ಟಿದ್ದಾರೆ.

ಜೊತೆಗೆ ಇಂದು ಟ್ವೀಟ್ ಮಾಡಿರುವ ನಿರ್ಮಾಣ ಸಂಸ್ಥೆ, ಚಿತ್ರಮಂದಿರಗಳಲಲೇ ಸಿನಿಮಾ ನೋಡಿ, ಪೈರೆಸಿ ಸಹವಾಸ ಬೇಡ ಎಂದು ಮನವಿ ಮಾಡಿದೆ.