ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಅಭಿನಯದ ರಾಬರ್ಟ್ ಸಿನಿಮಾ ಕರ್ನಾಟಕ ಮತ್ತು ಬೇರೆ ಬೇರೆ ರಾಜ್ಯಗಳಲ್ಲಿ ಅದ್ದೂರಿಯಾಗಿ ಬಿಡುಗಡೆಯಾಗಿದೆ.
ನಿರೀಕ್ಷೆಗೂ ಮೀರಿದ ಪ್ರತಿಕ್ರಿಯೆ ಪ್ರೇಕ್ಷಕರಿಂದ ವ್ಯಕ್ತವಾಗಿದ್ದು, ದರ್ಶನ್ ಮಾಸ್ ಹೀರೋ ಅನ್ನುವುದು ಮತ್ತೊಮ್ಮೆ ಸಾಬೀತಾಗಿದೆ.
ಈ ನಡುವೆ ಸಿನಿಮಾ ನೋಡಿ ಬಂದ ಪ್ರೇಕ್ಷಕರು ಸಿನಿಮಾ ಸೂಪರ್ ಹಿಟ್ ಅಂದಿದ್ದಾರೆ.
ಈ ನಡುವೆ ಸಿನಿಮಾ ನೋಡಿ ಬಂದ ಪ್ರೇಕ್ಷಕರಲ್ಲಿ ಪ್ರಶ್ನೆಯೊಂದು ಹುಟ್ಟಿಕೊಂಡಿದೆ. ಅದುವೇ, ರಾಬರ್ಟ್ ಪಾರ್ಟ್ 2 ಬರುತ್ತಾ ಅನ್ನೋದು.
ಸಿನಿಮಾ ನೋಡಿ ಬಂದ ಬಹುತೇಕರು ಹೇಳಿದ್ದು ರಾಬರ್ಟ್ 2 ಬರೋದು ಪಕ್ಕಾ. ಸಿನಿಮಾದ ಎಂಡ್ ನೋಡಿದ್ರೆ ತರುಣ್ ಸುಧೀರ್ ಪಾರ್ಟ್ 2 ತಲೆಯಲ್ಲಿಟ್ಟುಕೊಂಡೆ ಚಿತ್ರ ಮುಗಿಸಿದ್ದಾರೆ ಅಂತಾ.
ಆದರೆ ಈ ಬಗ್ಗೆ ಪ್ರತಿಕ್ರಿಯೆ ನೀಡಿರುವ ತರುಣ್ ಸುಧೀರ್, ಈ ಪ್ರಶ್ನೆ ತುಂಬಾ ಅರ್ಲಿ ಅನ್ನುತ್ತಿದ್ದಾರೆ. ಈ ಹಿಂದೆ ಚೌಕ ಮಾಡಿದ ವೇಳೆ ರಾಬರ್ಟ್ ಮಾಡ್ತೇವೆ ಅಂದುಕೊಂಡಿರಲಿಲ್ಲ. ಹಾಗೇ ಇಲ್ಲೂ ಅನ್ನುವ ಮೂಲಕ ಅಡ್ಡ ಗೋಡೆ ಮೇಲೆ ದೀಪ ಇಟ್ಟಿದ್ದಾರೆ.
ಸಿಕ್ಕಾಪಟ್ಟೆ ಸದ್ದು ಮಾಡುತ್ತಿರುವ ರಾಬರ್ಟ್ ಸಿನಿಮಾದ ಸೂತ್ರಧಾರ ತರುಣ್ ಸುಧೀರ್. ಚೌಕ ಸಿನಿಮಾ ಮೂಲಕ ನಿರ್ದೇಶನಕ್ಕೆ ಇಳಿದವರು ಮೊದಲ ಸಿನಿಮಾದಲ್ಲೇ ಭರವಸೆಯ ನಿರ್ದೇಶಕರಾಗಿದ್ದರು.
Discussion about this post