ಬೈಕ್ ಗಳ ಮುಖಾಮುಖಿ ಡಿಕ್ಕಿ : ಸಹೋದರರು ಸೇರಿ ಮೂವರು ಯುವಕರು ಸ್ಥಳದಲ್ಲೇ ಸಾವು

ರಾಮನಗರ : ಬೈಕ್ ಗಳು ಮುಖಾಮುಖಿ ಡಿಕ್ಕಿಯಾಗಿ ಮೂವರು ಯುವಕರು ಸ್ಥಳದಲ್ಲೇ ಮೃತಪಟ್ಟಿರುವ ದಾರುಣ ಘಟನೆ ರಾಮನಗರದ ಮಾಗಡಿ ರಸ್ತೆಯ ರಾಯರದೊಡ್ಡಿ ಮಹಿಳಾ ಕಾಲೇಜ್ ಬಳಿ ನಡೆದಿದೆ.

ಶನಿವಾರ ರಾತ್ರಿ ಈ ಭೀಕರ ಅಪಘಾತ ಸಂಭವಿಸಿದ್ದು,  ಮೃತರನ್ನು ರಾಮನಗರದ ಬಾಲಗೇರಿ ಮೂರ್ತಿ, ವೆಂಕಟೇಶ್ ಹಾಗೂ ಅಚ್ಚಲುದೊಡ್ಡಿಯ ರಘು ಎಂದು ಗುರುತಿಸಲಾಗಿದೆ. ಎರಡು ಬೈಕ್ ಗಳು ವೇಗವಾಗಿ ಬರುತ್ತಿತ್ತು ಅನ್ನಲಾಗಿದ್ದು, ಎರಡು ಪಲ್ಸರ್ ಬೈಕ್ ಗಳಾಗಿದ್ದ ಕಾರಣ ಅಪಘಾತದ ತೀವ್ರತೆಯೂ ಹೆಚ್ಚಿತ್ತು. ಘಟನಾ ಸ್ಥಳಕ್ಕೆ ಪೊಲೀಸರು ತೆರಳಿ ಪರಿಶೀಲಿಸಿದ್ದು, ಮೃತದೇಹಗಳನ್ನು ಮರಣೋತ್ತರ ಪರೀಕ್ಷೆಗೆ ಜಿಲ್ಲಾಸ್ಪತ್ರೆಗೆ ರವಾನಿಸಲಾಗಿದೆ.

ಇದನ್ನೂ ಓದಿ : ಅಮೆರಿಕಾದಲ್ಲಿ ಆಕ್ಸಿಜನ್ ಗೆ ಹಾಹಾಕಾರ : ಡೆಲ್ಲಾ ಅಬ್ಬರಕ್ಕೆ ಕಂಗಲಾದ ವಿಶ್ವದ ದೊಡ್ಡಣ್ಣ

ಮೃತರ ಪೈಕಿ ಬಾಲಗೇರಿ ಮೂರ್ತಿ (23) ಹಾಗೂ ವೆಂಕಟೇಶ್ (33) ಸಹೋದರರು ಎಂದು ಗೊತ್ತಾಗಿದೆ.