ಆಹಾರ ತಿನ್ನುವುದಕ್ಕೂ ಬಿಜೆಪಿಯವರ ಅನುಮತಿ ಪಡೆಯಬೇಕಾ ರಾಹುಲ್ ಗಾಂಧಿ…

ಬಿಜೆಪಿ ನಾಯಕರು ರಾಹುಲ್ ಗಾಂಧಿ ತಟ್ಟೆ ಇಣುಕುವುದನ್ನು ಬಿಟ್ಟು ದೇಶದ ಬೇರೆ ಸಮಸ್ಯೆಗಳತ್ತ ಚಿತ್ತ ಹರಿಸುವುದು ಬೆಟರ್.

ಇಲ್ಲವಾದರೆ ರಾಹುಲ್ ಗಾಂಧಿ ಏನು ತಿನ್ನಬೇಕು ಬೇಡ ಅನ್ನುವುದನ್ನು ಹೇಳಿ ಬಿಡಲಿ. ಅದು ಅಸಾಧ್ಯವಾದರೆ ರಾಹುಲ್ ಗಾಂಧಿಯೇ ಬಿಜೆಪಿ ನಾಯಕರ ಅನುಮತಿ ಪಡೆದು ತಿನ್ನುವುದು ಒಳಿತು.

ಯಾಕೆ ಈ ಮಾತು ಅಂದರೆ ಕೈಲಾಸ ಮಾನಸ ಸರೋವರ ಯಾತ್ರೆ ಕೈಗೊಂಡಿರುವ ರಾಹುಲ್ ಗಾಂಧಿ ಕಾಠ್ಮಂಡುವಿನ ಹೋಟೆಲ್ ಒಂದರಲ್ಲಿ ಚಿಕನ್ ಕುರ್ಕುರೆ ತಿಂದಿರುವುದು ಬಿಜೆಪಿ ನಾಯಕರ ಹೊಟ್ಟೆ ಉರಿಸಿದೆ.

ಅರೇ ರಾಹುಲ್ ಗಾಂಧಿ ಯಾತ್ರೆ ಕೈಗೊಂಡಿರುವುದು, ಯಾತ್ರೆಯ ಸಂದರ್ಭದ ಕಟ್ಟುಪಾಡುಗಳನ್ನು ಅರಿತು ಅವರು ಯಾತ್ರೆ ಮಾಡಬೇಕಿತ್ತು. ಯಾತ್ರೆ ಫಲಗಳು ಸಿಗಬೇಕಾದರೆ ಏನು ಮಾಡಬೇಕು ಏನು ಮಾಡಬಾರದು ಅನ್ನುವುದು ಅವರಿಗೆ ಅರಿವಿರಬೇಕು ತಾನೇ.

ರಾಹುಲ್ ಗಾಂಧಿ ನಾನ್ ವೆಜ್ ತಿಂದರೆ ಅದರೆ ಫಲ, ಪ್ರತಿಫಲ ಅವರಿಗೆ ಸಿಗುತ್ತದೆ ಅದ್ಯಾಕೆ ಬಿಜೆಪಿ ನಾಯಕರಿಗೆ ರಾಹುಲ್ ಗಾಂಧಿ ತಟ್ಟೆ ಮೇಲೆ ಕಣ್ಣು ಅನ್ನುವುದೇ ಅರ್ಥವಾಗದ ವಿಚಾರ.

Raga-bjp

ತಮ್ಮ ಬಹುದಿನಗಳ ಕನಸಾದ ಕೈಲಾಸ ಮಾನಸ ಸರೋವರ ಯಾತ್ರೆ ಕೈಗೊಳ್ಳುವ ಉದ್ದೇಶದಿಂದ ನೇಪಾಳ ತಲುಪಿದ್ದ ರಾಹುಲ್ ಗಾಂಧಿ ಕಾಠ್ಮಂಡುವಿನ ರೆಸ್ಟೋರೆಂಟ್ ಒಂದರಲ್ಲಿ ಚಿಕನ್ ಕುರ್ಕರೆ ತಿಂದಿದ್ದಾರೆ ಅನ್ನುವುದು ಮಾಧ್ಯಮಗಳ ವರದಿ.

ರೆಸ್ಟೋರೆಂಟ್ ನ ವೇಟರ್ ಹೇಳಿದ್ದಾರಿ ಮಾಧ್ಯಮಗಳು ತಮ್ಮ ವರದಿಯಲ್ಲಿ ಉಲ್ಲೇಖಿಸಿದೆ. ಆದರೆ  ಈ ವರದಿ ವಿವಾದವಾಗುತ್ತಿದ್ದಂತೆ ಎಚ್ಚೆತ್ತುಕೊಂಡಿರುವ ಹೋಟೆಲ್ ಆಡಳಿತ ಮಂಡಳಿ, ರಾಹುಲ್ ರೆಸ್ಟೋರೆಂಟ್ ಗೆ ಬಂದಿರುವುದು ನಿಜ. ಆದರೆ ಮಾಂಸಹಾರ ತಿಂದಿದ್ದಾರೆ ಅನ್ನುವುದು ಸುಳ್ಳು, ಅವರು ಪಕ್ಕಾ ಸಸ್ಯಾಹಾರಿ ತಿನಿಸುಗಳನ್ನು ಆರ್ಡರ್ ಮಾಡಿ ಸೇವಿಸಿದ್ದಾರೆ ಎಂದಿದ್ದಾರೆ.

Raga-vootoo
ಆದರೆ ಬಿಜೆಪಿ ಮಾತ್ರ ಕಾಂಗ್ರೆಸ್ ನಾಯಕ ಹಿಂದೂಗಳ ಭಾವನೆಗದೆ ಧಕ್ಕೆಯುಂಟು ಮಾಡಿದೆ ಎಂದು ಆರೋಪಿಸಿದೆ.

ಹಿಂದೊಮ್ಮೆ ಸಿದ್ದರಾಮಯ್ಯ ಮಾಂಸಹಾರ ತಿಂದು ಧರ್ಮಸ್ಥಳಕ್ಕೆ ಭೇಟಿ ನೀಡಿದ್ದು ದೊಡ್ಡ ಸುದ್ದಿಯಾಗಿತ್ತು. ಆಮೇಲೆ ಏನಾಯ್ತು ಎಂದು ಎಲ್ಲರಿಗೂ ಗೊತ್ತಿದೆ ತಾನೇ. ಮತ್ಯಾಕೆ ತಲೆ ಬಿಸಿ.

ರಾಹುಲ್ ಗಾಂಧಿ ಏನು ಇಷ್ಟವೋ ಅದನ್ನು ತಿನ್ನುತ್ತಾರೆ. ತಿನ್ನುವ ಹಕ್ಕು ಕೂಡಾ ಅವರಿಗಿಲ್ಲ ಅನ್ನುವುದು ಯಾವ ನ್ಯಾಯ ಸ್ವಾಮಿ.

Advertisements

KL ರಾಹುಲ್ ಗೆ ಟ್ವೀಟರ್ ನಲ್ಲಿ ಮಂಗಳಾರತಿಯಾಗುತ್ತಿದೆ…?

ಇಂಗ್ಲೆಂಡ್ ವಿರುದ್ಧದ ನಾಲ್ಕನೇ ಟೆಸ್ಟ್ ಪಂದ್ಯದಲ್ಲಿ ಟೀಂ ಇಂಡಿಯಾ ಸೋಲು ಕಂಡಿದ್ದು, ಟೆಸ್ಟ್ ಸರಣಿಯನ್ನು ಕೈಚೆಲ್ಲಿದೆ.

ಸೋಲಿನ ಕಹಿಯ ನಡುವೆ ಟೀಂ ಇಂಡಿಯಾ ಆಟಗಾರ ಕೆಎಲ್ ರಾಹುಲ್ ಮಾಡಿರುವ ಟ್ವೀಟ್ ಕ್ರಿಕೆಟ್ ಅಭಿಮಾನಿಗಳ ಪಿತ್ತ ನೆತ್ತಿಗೇರಿಸಿದೆ..

ಸೋಲಿನ ಪರಿವೇ ಇಲ್ಲ ಅನ್ನುವಂತೆ ಕೆಎಲ್ ರಾಹುಲ್ ತಮ್ಮ ಸಹ ಆಟಗಾರ ಇಶಾಂತ್ ಶರ್ಮಾಗೆ ಹುಟ್ಟುಹಬ್ಬದ ಶುಭಾಶಯ ಕೋರಿದ್ದರು. ಟೀಂ ಇಂಡಿಯಾದ ಸೋಲಿನಿಂದ ಕೋಪಗೊಂಡಿದ್ದ ಕ್ರಿಕೆಟ್ ಅಭಿಮಾನಿಗಳ ಸಿಟ್ಟು ನೆತ್ತಿಗೇರಿದ್ದು ಸಾಮಾಜಿಕ ಜಾಲತಾಣದಲ್ಲಿ ಕೆಎಲ್ ರಾಹುಲ್ ಮೇಲೆ ವಾಗ್ದಾಳಿ ನಡೆಸುತ್ತಿದ್ದಾರೆ,

ವಿದೇಶಿ ಪಿಚ್ ನಲ್ಲಿ ಆಡಲು ರಾಹುಲ್ ಅನರ್ಹ. ದುಡ್ಡಿನ ಹಿಂದೆ ಓಡುವ ಟೀಂ ಇಂಡಿಯಾ ಆಟಗಾರರಿಗೆ ಸೋಲು ಬೇಸರವೇ ತರಿಸಿಲ್ಲ. ರಾಹುಲ್ ಮಾಡೆಲ್ ಗೆ ಮಾತ್ರ ಸೂಕ್ತ ಎಂದೆಲ್ಲಾ ಕಿಡಿ ಕಾರುತ್ತಿದ್ದಾರೆ.ಟೀಂ ಇಂಡಿಯಾ ಬ್ಯಾಟ್ಸ್ ಮನ್ ಗಳ ಕಳಪೆ ಪ್ರದರ್ಶನದಿಂದ ಭಾರತ ಸೋತಿತು, ಆದರೆ ರಾಹುಲ್ ಇದರ ಪರಿವೆ ಇಲ್ಲದಾಯ್ತೇ.

ಸೋತ ಮಾತ್ರಕ್ಕೆ ಸಹ ಆಟಗಾರನಿಗೆ ಶುಭಾಶಯ ಕೋರ ಬಾರದು ಎಂದಿದೆಯೇ…..ಅಭಿಮಾನಿಗಳೇ ಉತ್ತರಿಸಬೇಕು

ರಶ್ಮಿಕಾ ಕಾರಣವಂತೆ ಹೌದ…? ಸಾಮಾಜಿಕ ಜಾಲತಾಣದಿಂದ ದೂರ ಸರಿದ ರಕ್ಷಿತ್

ತನ್ನ ಅಭಿಮಾನಿಗಳೊಂದಿಗೆ ಸಾಮಾಜಿಕ ಜಾಲತಾಣದಲ್ಲಿ ಸದಾ ಸಂವಾದ ಮಾಡುತ್ತಿದ್ದ ಕೆಲವೇ ಕೆಲವು ನಟರ ಪೈಕಿ ರಕ್ಷಿತ್ ಶೆಟ್ಟಿ ಕೂಡಾ ಒಬ್ಬರು. ಆದರೆ ಇದೀಗ ಏಕಾಏಕಿಯಾಗಿ ರಕ್ಷಿತ್ ಶೆಟ್ಟಿ ಸಾಮಾಜಿಕ ಜಾಲತಾಣಗಳಿಂದ ಹೊರ ನಡೆದಿದ್ದಾರೆ.

 ಟ್ವಿಟರ್‌, ಇನ್‌ಸ್ಟಾಗ್ರಾಮ್‌, ಫೇಸ್‌ಬುಕ್‌ ಮೂಲಕ Active ಆಗಿದ್ದ ರಕ್ಷಿತ್ ಇದ್ದಕ್ಕಿದ್ದಂತೆ ಸಾಮಾಜಿಕ ಜಾಲದಿಂದ ನಾಪತ್ತೆಯಾಗಿದೆ. ರಕ್ಷಿತ್ ಈ ನಡೆ ಅಚ್ಚರಿಗೆ ಕಾರಣವಾಗಿದೆ,

ಇಂತಹುದೊಂದು ನಿರ್ಧಾರಕ್ಕೆ ಅವರು ಬರಲು ಕಾರಣವೇನು ಅನ್ನುವುದು ನಿಗೂಢ. ರವಿವಾರದಿಂದ ಟ್ವಿಟರ್‌ ಖಾತೆ ಡಿಲಿಟ್‌ ಆಗಿರೋದು ಯಾಕೆ ಅನ್ನುವುದಕ್ಕೆ ಉತ್ತರವೇ ಇಲ್ಲ.

ಕೆಲ ದಿನಗಳಿಂದ ರಕ್ಷಿತ್‌ ಮತ್ತು ಇವರ ಭಾವಿ ಪತ್ನಿ ರಶ್ಮಿಕಾ ಕುರಿತಾದ ಟ್ರೋಲ್‌ಗಳು ಕಿರಿ ಕಿರಿ ಉಂಟು ಮಾಡಿದೆಯೇ ಗೊತ್ತಿಲ್ಲ. ವೈಯಕ್ತಿಕ ವಿಷಯಗಳ ಕುರಿತಾಗಿ ಟ್ರೋಲ್‌ ಮಾಡಿದ್ದು ರಕ್ಷಿತ್ ನೆಮ್ಮದಿ ಭಂಗ ತಂದಿದೆಯೇ ಗೊತ್ತಿಲ್ಲ. ಎಲ್ಲಾ ಪ್ರಶ್ನೆಗಳಿಗೆ ರಕ್ಷಿತ್‌ ಉತ್ತರಿಸಬೇಕಾಗಿದೆ.

ಹುಡುಗಿಯರೇ ಹುಷಾರ್… ಬಾಡಿಗೆಗೆ ಬಾಯ್ ಫ್ರೆಂಡ್ – ಅಪಾಯವನ್ನ ಮೈಮೇಲೆ ಎಳೆದುಕೊಳ್ಳೋ ಮುನ್ನ ಎಚ್ಚರ

ಮಾರುಕಟ್ಟೆಯಲ್ಲಿ ಏನೆಲ್ಲಾ ಬಾಡಿಗೆಗೆ ಸಿಗುತ್ತದೋ ಗೊತ್ತಿಲ್ಲ…ಇದೀಗ ಬಾಯ್ ಫ್ರೆಂಡ್ ಸರದಿ. ಹೌದು ಇತ್ತೀಚೆಗೆ ಭಾರತದ ಕೌಶಲ್ ಪ್ರಕಾಶ್ ಎಂಬಾತ ರೆಂಟ್ ಎ ಬಾಯ್ ಫ್ರೆಂಡ್ (RABF) ಹೆಸರಿನ ಆ್ಯಪ್ ನ್ನು ಸಿದ್ದಪಡಿಸಿ ಬಿಡುಗಡೆ ಮಾಡಿದ್ದಾನೆ. ಮುಂಬೈ ಮತ್ತು ಪುಣೆಯಲ್ಲಿ ಈ ಆ್ಯಪ್ ಕಾರ್ಯನಿರ್ವಹಿಸುತ್ತಿದ್ದು, ಹುಡುಗಿಯರಲ್ಲಿ ಒಂಟಿತನ ಹಾಗೂ ಖಿನ್ನತೆ ಕಡಿಮೆ ಮಾಡುವುದು ಈ ಆ್ಯಪ್ ಉದ್ದೇಶವಂತೆ

ಬಾಯ್ ಫ್ರೆಂಡ್ ಇಲ್ದೆ ಇರುವ ಹುಡುಗಿಯರು ಈ ಆ್ಯಪ್ ನಲ್ಲಿ ಸೇರಿಕೊಂಡು ಉಪಹಾರ, ಊಟ, ಪಾರ್ಟಿಗಳಿಗೆ ಬಾಡಿಗೆ ಬಾಯ್ ಫ್ರೆಂಡ್ ಕರೆದುಕೊಂಡು ಹೋಗಬಹುದು. ಹುಡುಗಿಯರ ಜೊತೆ ಬರುವ ಬಾಡಿಗೆ ಹುಡುಗ್ರು ಯಾವುದೇ ಖಾಸಗಿ ವಿಚಾರದ ಬಗ್ಗೆ ಮಾತನಾಡುವುದಿಲ್ಲ. ಹಾಗೆ ಶಾರೀರಿಕ ಸಂಬಂಧ ಬೆಳೆಸುವುದಿಲ್ಲ. ಹುಡುಗಿಯರ ಖಿನ್ನತೆ ದೂರ ಮಾಡುವುದು ಮಾತ್ರ ಅವ್ರ ಉದ್ದೇಶ ಎಂದು APP ಹೇಳುತ್ತಿದೆ. 22-25 ವರ್ಷದೊಳಗಿನ ಹುಡುಗರು ಇದರಲ್ಲಿ ಕೆಲಸ ಮಾಡುತ್ತಿದ್ದು, ಹುಡುಗಿಯರು ಮನೋವೈದ್ಯರ ಜೊತೆಯೂ ಮಾತನಾಡಬಹುದಂತೆ

APP ಲಾಂಚ್ ಆದ ಕೆಲವೇ ದಿನಗಳಲ್ಲಿ ವೈರಲ್ ಆಗಿದೆ. ಪ್ಲೇ ಸ್ಟೋರಿನಿಂದ  APP ಡೌನ್‌ ಲೋಡ್ ಮಾಡಿಕೊಂಡ ನಂತರ ಬಾಯ್ ಫ್ರೆಂಡ್ ನಲ್ಲಿ ರಿಜಿಸ್ಟರ್ ಆಗಬೇಕು . ಇದಾದ ನಂತರ ಕೆಲಸ ಖಾಸಗಿ ವಿಚಾರಗಳನ್ನು ಆಪ್ ಲೋಡ್ ಮಾಡಬೇಕು.

ಬಾಯ್‌ ಫ್ರೆಂಡ್ ಅನ್ನು ಬಾಡಿಗೆಗೆ ಪಡೆದವರು ಹೊರಗೆ ಸುತ್ತಾಡಿಸುವುದಲ್ಲದೇ, ಹಣವನ್ನೂ ಕೊಡುತ್ತಾರೆ ಎನ್ನಲಾಗಿದೆ.

ಆದರೆ ಈ APP ನೋಡಿದರೆ ದೊಡ್ಡದೊಂದು ಮೋಸ ಜಾಲ ಇದು ಅನ್ನಿಸುತ್ತಿದೆ.ರಿಜಿಸ್ಟರ್ ಮಾಡಿಕೊಳ್ಳ ಬಯಸುವ ಹುಡುಗರು 5000 ಸಾವಿರ ರೂಪಾಯಿ ಕಾಸು ಕಟ್ಟಬೇಕು ಎಂದು ನಿಬಂಧನೆ ಕೂಡಾ ವಿಧಿಸಲಾಗಿದೆ. ಒಂದಿಷ್ಟು ಕಾಸು ಮಾಡಿಕೊಂಡು ಇದು ಬಾಗಿಲು ಮುಚ್ಚಿದರೂ ಅಚ್ಚರಿಯಿಲ್ಲ.

RABF

ಹುಡುಗ ಹುಡುಗಿ ಭೇಟಿಯಾದ ನಂತರ ದೈಹಿಕ ಸಂಬಂಧ ಬೆಳೆಸುವಂತಿಲ್ಲ, ರೊಮ್ಯಾಂಟಿಕ್ ಸಂಬಂಧ ಬೆಳೆಸುವಂತಿಲ್ಲ ಅಂದಿದೆ. ಒಂದ್ಸಲ ಹುಡುಗ ಹುಡುಗಿ ಭೇಟಿಯಾದ ನಂತರ ಏನಾಗುತ್ತದೆ ಅನ್ನುವುದನ್ನು ನೋಡುವುದು ಭಗವಂತನೊಬ್ಬನೇ ತಾನೇ…

ಜೊತೆಗೆ ಹುಡುಗಿಯರನ್ನು ಭೇಟಿಯಾಗುವ ಹುಡುಗರು ಯಾವುದೇ ಕ್ರಿಮಿನಲ್ ಹಿನ್ನಲೆ ಹೊಂದಿಲ್ಲ ಎಂದು ಯಾವ ಗ್ಯಾರಂಟಿ, ನಾಳೆ ಯಾವುದಾದರೂ ಅನಾಹುತವಾದರೆ ಸಮಾಜ ಪೊಲೀಸ್ ವ್ಯವಸ್ಥೆಯನ್ನು ದೂರುತ್ತದೆ. ಪಾಪ ಪೊಲೀಸರೇನು ಮಾಡಲು ಸಾಧ್ಯ. ನಾಳೆ ಮೋಸ ಹೋಗಿ ಪೊಲೀಸ್ ಠಾಣೆಗೆ ದೂರು ಕೊಡುವ ಬದಲು ಈಗಲೇ ಎಚ್ಚೆತ್ತುಕೊಳ್ಳುವುದು ಉತ್ತಮ.

ಇನ್ನು APP ನಲ್ಲಿ ಭೇಟಿಯಾದ ಹುಡುಗರು ಹುಡುಗಿಯರಿಗೆ ಸಮಾಧಾನ ಹೇಳುತ್ತಾರೆ. ಮಾನಸಿಕ ನೆಮ್ಮದಿ ನೀಡುತ್ತಾರೆ ಅನ್ನುವುದು ದೊಡ್ಡದೊಂದು ಜೋಕ್. ಇದನ್ನು ಮಾನಸಿಕ ರೋಗ ತಜ್ಞರು ಕೂಡಾ ಹೇಳಿದ್ದಾರೆ.

ವಿಜಯ ಕರ್ನಾಟಕ - ಲವಲVK - 04/09/2008
ವಿಜಯ ಕರ್ನಾಟಕ – ಲವಲVK – 04/09/2008

ಏನಿವೇ ಮೇಲ್ನೋಟಕ್ಕೆ ಈ APP ದೊಡ್ಡದೊಂದು ಅಪಾಯವನ್ನು ಹೊದ್ದು ಮಲಗಿದೆ ಅನ್ನುವುದು ಸ್ಪಷ್ಟ. ಒಂದು ಸಲ ಈ ಹೊಂಡಕ್ಕೆ ಬಿದ್ದರೆ ಎದ್ದೇಳುವುದು ಕಷ್ಟ.

ಆದರೂ ಕೆಲವೊಂದು ಸೆಲೆಬ್ರೆಟಿಗಳು ಈ APP ಅನ್ನು ಹೊಗಳುತ್ತಿರುವುದು ದುರಂತವೇ ಸರಿ.

ವಿಜಯ ಕರ್ನಾಟಕ - ಲವಲVK - 04/09/208
ವಿಜಯ ಕರ್ನಾಟಕ – ಲವಲVK – 04/09/208

ಗನ್ ಮ್ಯಾನ್ ಕೈಯಿಂದ ಶೂ ಕ್ಲೀನ್ ಮಾಡಿಸಿಕೊಂಡ ಡಿಸಿಎಂ – ಹುದ್ದೆಯಲ್ಲಿ ಮುಂದುವರಿಯಲು ಇನ್ಯಾವ ನೈತಿಕತೆ ಇದೆ…

ಪೊಲೀಸ್ ಇಲಾಖೆಯಲ್ಲಿ ಇನ್ನೂ ಜೀತ ಸೇವೆಯೇ ಜೀವಂತ ಅನ್ನುವ ಪ್ರಶ್ನೆ ಕೇಳಿದರೆ ಖಂಡಿತಾವಾಗಿಯೂ ಇದೆ. ಆದರೆ ಅದು ಜೀತ ಅನ್ನುವ ಶಬ್ಧದ ತೂಕಕ್ಕೆ ಇಲ್ಲದಿರಬಹುದು ಅಷ್ಟೇ.

ಇದಕ್ಕೆ ಸಾಕ್ಷಿಯಾಗಿದ್ದು ಡಿಸಿಎಂ ಪರಮೇಶ್ವರ್ ಅವರ ಇಂದಿನ ವರ್ತನೆ. ಬೆಂಗಳೂರಿನಲ್ಲಿ ಸಿಟಿ ರೌಂಡ್ಸ್ ಮಾಡುತ್ತಿದ್ದ ವೇಳೆ ಬಟ್ಟೆ ಮತ್ತು ಶೂಗಳಿಗೆ ಕೆಸರು ಮೆತ್ತಿಕೊಂಡಿತ್ತು. ತಕ್ಷಣ ಕಾರ್ಯಕರ್ತನೊಬ್ಬ ಇದನ್ನು ಕ್ಲೀನ್ ಮಾಡಲು ಮುಂದಾದ.
ಆದ ಅವನನ್ನು ತಡೆದ ಪರಮೇಶ್ವರ್ ತನ್ನ ಗನ್ ಮ್ಯಾನ್ ಕರೆದು ಬಟ್ಟೆ, ಶೂಗಳಿಗೆ ಅಂಟಿಕೊಂಡಿದ್ದ ಕೆಸರನ್ನು ಕ್ಲೀನ್ ಮಾಡಿಸಿಕೊಂಡಿದ್ದಾರೆ.

ಹಲಸೂರು ಬಳಿಯಿರುವ ಗುರುದ್ವಾರದ ಮಳೆ ನೀರುಗಾಲುವೆಗೆ ಮೊದಲು ಭೇಟಿ ನೀಡಿದ್ದರು. ರಸ್ತೆಯಲ್ಲಿ ನಡೆದುಕೊಂಡು ಹೋಗುತ್ತಿರುವಾಗ ರಸ್ತೆ ಮೇಲಿದ್ದ ನೀರು ಸಚಿವರ ಬಟ್ಟೆ ಹಾಗೂ ಶೂಗೆ ಸಿಡಿದಿದೆ. ಕೂಡಲೇ ಅಲ್ಲೇ ಇದ್ದ ತಮ್ಮ ಗನ್‍ಮ್ಯಾನ್ ಹಾಗೂ ಸಹಾಯಕರಿಗೆ ಸ್ವಚ್ಛಮಾಡುವಂತೆ ತಿಳಿಸಿದ್ದಾರೆ.

ಇನ್ನು ಮಾಧ್ಯಮಗಳ ಕ್ಯಾಮಾರ ಈ ಎಲ್ಲವನ್ನೂ ರೆಕಾರ್ಡ್ ಮಾಡುತ್ತಿದ್ದರೆ, ಅಯ್ಯೋ ಇವೆಲ್ಲಾ ಯಾಕೆ ಶೂಟ್ ಮಾಡ್ತೀರಾ ಅಂದಿದ್ದಾರೆ. ಮಾಧ್ಯಮಗಳ ಕ್ಯಾಮಾರ ಮುಂದೆಯೇ ಪರಮೇಶ್ವರ್ ಅಂಧಾ ದರ್ಬಾರ್ ಅನ್ನುವುದಾದರೆ ಅದೆಷ್ಟು ಉಡಾಫೆ ಇರಬೇಕು.

ಭದ್ರತೆಗೆ ಎಂದು ಬಂದ ಅಧಿಕಾರಿಯನ್ನು ತನ್ನ ಬಟ್ಟೆ ಶೂ ಕ್ಲೀನ್ ಮಾಡಲು ಬಳಸುತ್ತಾರೆ ಅಂದರೆ ಇವರಿಗೆ ಅದ್ಯಾವ ಸಮಸ್ಯೆ ಇರಬಹುದು ಅನ್ನುವುದು ನೀವೇ ಊಹಿಸಿಬಹುದು.

ಇನ್ನು ಪೊಲೀಸ್ ಉನ್ನತ ಅಧಿಕಾರಿಗಳ ಮನೆಯಲ್ಲಿ ಕೆಳ ಹಂತದ ಅಧಿಕಾರಿಗಳನ್ನು ಕೆಲಸ ಮಾಡಿಸಬಾರದು ಅನ್ನುವ ನಿಯಮವಿದೆ. ಆದರೆ ಗೃಹ ಸಚಿವರೇ ಗನ್ ಮ್ಯಾನ್ ಕೈಯಿಂದ ಶೂ ಕ್ಲೀನ್ ಮಾಡಿಸುತ್ತಾರೆ ಅಂದ ಮೇಲೆ, ಐಪಿಎಸ್ ಅಧಿಕಾರಿಗಳು ಯಾವ ಯಾವ ಕೆಲಸಗಳಿಗೆ ಪೇದೆಗಳನ್ನು ಬಳಸುತ್ತಿರಬಹುದು ಲೆಕ್ಕ ಹಾಕಿ.

ಈ ಬಗ್ಗೆ ಪ್ರತಿಪಕ್ಷವಂತು ದನಿ ಎತ್ತಲಾರದು. ಅವರು ಕೂಡಾ ಇದೇ ಕೆಲಸ ಮಾಡಿಸುವ ಮಂದಿ. ಇನ್ನು ಈ ಬಗ್ಗೆ ಪ್ರಗತಿಪರರು, ಬುದ್ದಿ ಜೀವಿಗಳು ದನಿ ಎತ್ತುತ್ತಾರೆಯೇ ಖಂಡಿತಾ ಇಲ್ಲ. ದನಿ ಎತ್ತಿದ್ರೆ ಕಾಂಗ್ರೆಸ್ ವಿರೋಧಿಗಳಾಗಬೇಕಾಗುತ್ತದೆ.

ಆದರೆ ಪರಮೇಶ್ವರ್ ಅವರಿಗೆ ಒಂದು ಘಳಿಗೆಯೂ ಸಚಿವರಾಗಿ ಮುಂದುವರಿಯುವ ನೈತಿಕತೆಯಂತು ಇಲ್ಲ.

1

56ರ ರವಿಶಾಸ್ತ್ರಿಗೆ 36ರ ನಟಿಯೊಂದಿಗೆ Love ಆಗಿದೆಯಂತೆ

ಕ್ರಿಕೆಟ್ ಮತ್ತು ಬಾಲಿವುಡ್ ನಡುವಿನ ಬಾಂಧವ್ಯ ಇಂದು ನಿನ್ನೆಯದಲ್ಲ. ಅದಕ್ಕೆ ದೊಡ್ಡ ಇತಿಹಾಸವೇ ಇದೆ. ಮನ್ಸೂಲ್ ಅಲಿ ಖಾನ್ ಪಟೌಡಿ-ಶರ್ಮಿಳಾ ಠಾಗೋರ್, ವಿರಾಟ್ ಕೊಹ್ಲಿ-ಅನುಷ್ಕಾ ಶರ್ಮಾ ಹೀಗೆ ಕ್ರಿಕೆಟ್ ಮತ್ತು ಬಾಲಿವುಡ್ ತಾರೆಗಳ ಯಶಸ್ವಿ ಇನ್ನಿಂಗ್ಸ್‌ಗಳು ದಾಖಲಾಗಿವೆ.

ಇದೀಗ ಟೀಮ್ ಇಂಡಿಯಾದ ಪ್ರಧಾನ ಕೋಚ್ ರವಿ ಶಾಸ್ತ್ರಿ ತಮ್ಮ 56ನೇ ವಯಸ್ಸಲ್ಲಿ ಈ ಇನ್ನಿಂಗ್ಸ್‌ಗೆ ಹೊಸ ಸೇರ್ಪಡೆಯಾಗಲು ಹೊರಟಿರುವಂತಿದೆ.

ನಿಮ್ರತ್ ಕೌರ್ ಒನ್ ನೈಟ್ ವಿಥ್ ದಿ ಕಿಂಗ್, ಏರ್ ಲಿಫ್ಟ್ ಚಿತ್ರಗಳಲ್ಲಿ ನಟಿಸಿದ್ದು ಅಲ್ಲದೇ ಜಾಕಲೇಟ್ ಜಾಹೀರಾತಿನಲ್ಲಿ ನಟಿಸಿ ಪಡ್ಡೆ ಹುಡುಗರ ಮನಸ್ಸು ಕದ್ದಿದ್ದರು.

ಇದೀಗ 36ರ ಹರೆಯದ ನಿಮ್ರತ್ ಕೌರ್ ರವಿಶಾಸ್ತ್ರಿ ಜೊತೆ ಕಳೆದ 2 ವರ್ಷಗಳಿಂದ ಗೌಪ್ಯವಾಗಿ ಡೇಟಿಂಗ್ ನಡೆಸುತ್ತಿದ್ದಾರೆ ಎಂದು ಮಾಧ್ಯಮವೊಂದು ವರದಿ ಮಾಡಿದೆ.

ಇನ್ನು ರವಿಶಾಸ್ತ್ರಿ ಜತೆಗಿನ ಡೇಟಿಂಗ್ ಸುದ್ದಿ ಕುರಿತಂತೆ ಪ್ರತಿಕ್ರಿಯಿಸಿರುವ ನಟಿ ಇದರಲ್ಲಿ ಯಾವುದೇ ಸತ್ಯಾಂಶವಿಲ್ಲ. ನಾನು ಯಾರೊಂದಿಗೂ ಡೇಟಿಂಗ್ ನಡೆಸಿಲ್ಲ ಎಂದು ಟ್ವೀಟ್ ಮಾಡಿದ್ದಾರೆ.

ತಮ್ಮ ಪತ್ನಿ ರಿತು ಅವರಿಂದ ಶಾಸ್ತ್ರಿ ದೂರವಾಗಿ 10 ವರ್ಷಗಳೇ ಕಳೆದಿವೆ. 1990ರಲ್ಲೇ ಪತ್ನಿಯಿಂದ ದೂರವಾಗಿದ್ದ ರವಿಶಾಸ್ತ್ರಿ 30 ವರ್ಷದ ಹಿಂದೆ ನಟಿ ಅಮೃತ ಸಿಂಗ್ ಜತೆ ಡೇಟಿಂಗ್ ನಡೆಸಿ ಸುದ್ದಿಯಾಗಿದ್ದರು. ನಂತರ ಅಮೃತಾ ಸಿಂಗ್, ಸೈಫ್ ಅಲಿ ಖಾನ್ ಅವರನ್ನು ಮದುವೆಯಾಗಿದ್ದರು.

ಆದರೆ ಈ ಸುದ್ದಿಯನ್ನು ಅಲ್ಲಗಳೆದಿರುವ ರವಿಶಾಸ್ತ್ರಿ ಇದೊಂದು ‘ಲೋಡ್ ಗಟ್ಟಲೆ ಸೆಗಣಿ’ ಎಂದು ಟೀಕಿಸಿದ್ದಾರೆ.

ಕಾಂಗ್ರೆಸ್ ನ ಕೆಸಿ ವೇಣುಗೋಪಾಲ್ ಗೆ ಯಾರಾದ್ರು ರಿಷಬ್ ಶೆಟ್ಟಿ ಫಿಲ್ಮಂ ತೋರಿಸಿ

ಕೆಸಿ ವೇಣುಗೋಪಾಲ್, ಮಾಡಿದ ಕೆಲಸಕ್ಕಿಂತ ಸುದ್ದಿಯಾಗಿದ್ದು ಹೆಚ್ಚು. ಹೆಗಲಿಗೆ ಸುತ್ತಿಕೊಂಡ ಪ್ರಕರಣಗಳ ಜಾಡು ಹಿಡಿದು ಹೊರಟರೆ ವೇಣುಗೋಪಾಲ್ ಇತಿಹಾಸ ಬಿಚ್ಚಿಕೊಳ್ಳುತ್ತದೆ. ಅವೆಲ್ಲವೂ ವಿಚಾರಣೆ ಹಂತದಲ್ಲಿರುವುದರಿಂದ ಮಾತನಾಡುವುದು ತಪ್ಪಾಗುತ್ತದೆ.

ಕೇರಳದ ಸಂಸದರಾಗಿರುವ ವೇಣುಗೋಪಾಲ್ ಕರ್ನಾಟಕ ಕಾಂಗ್ರೆಸ್ ಉಸ್ತುವಾರಿಯಾದ ನಂತರ ರಾಜ್ಯ ಕಾಂಗ್ರೆಸ್ ಒಂದಿಷ್ಟು ಚೇತರಿಸಿಕೊಂಡಿದೆ ಅನ್ನುವುದು ಸುಳ್ಳಲ್ಲ.ಆದರೆ ಇದೀಗ ಇದೇ ವೇಣುಗೋಪಾಲ್ ಕರ್ನಾಟಕದ ಕಾಸನ್ನು ಕೇರಳಕ್ಕೆ ಒಯ್ಯುವ ಪ್ಲಾನ್ ಮಾಡಿಕೊಂಡಿದ್ದಾರೆ.

ಭಾನುವಾರ ರಾಜ್ಯ ಮುಖ್ಯಮಂತ್ರಿ ಕುಮಾರಸ್ವಾಮಿಯವರನ್ನು ಭೇಟಿ ಮಾಡಿರುವ ವೇಣುಗೋಪಾಲ್ ಕೇರಳದಲ್ಲಿ ಆಗಿರುವ ಅನಾಹುತದ ಬಗ್ಗೆ ವಿವರಿಸಿದ್ದಾರೆ.

ಪ್ರಾಥಮಿಕ ಅಂದಾಜಿನ ಪ್ರಕಾರ 20 ಸಾವಿರ ಕೋಟಿ ನಷ್ಟವಾಗಿದೆ. ಹೀಗಾಗಿ ರಾಜ್ಯ ಸರ್ಕಾರದಿಂದ ಮತ್ತಷ್ಟು ನೆರವು ಬೇಕು ಎಂದು ಕೋರಿದ್ದಾರೆ.

ವೇಣುಗೋಪಾಲ್ ತನ್ನ ರಾಜ್ಯಕ್ಕಾಗಿ ಸಹಾಯ ಕೋರಿರುವುದರಲ್ಲಿ ಖಂಡಿತಾ ತಪ್ಪಿಲ್ಲ. ಅವರ ರಾಜ್ಯದ ಜನತೆಯ ಸಹಾಯ ಮಾಡುವುದು ಅವರ ಧರ್ಮ. ಆದರೆ ಕರ್ನಾಟಕದ ಪರಿಸ್ಥಿತಿ ಹೇಗಿದೆ ಅನ್ನುವುದನ್ನು ಒಂದಿಷ್ಟು ಅರಿತುಕೊಳ್ಳಬೇಕಿತ್ತು. ಕೊಡಗಿನ ನೋವಿನಿಂದ ಜನ ಇನ್ನೂ ಹೊರ ಬಂದಿಲ್ಲ. ಕೊಡಗು,ಮಂಗಳೂರು ಸೇರಿದಂತೆ ಆ ಭಾಗದಲ್ಲಿ ರಾಜ್ಯ ಸರ್ಕಾರ ಪರಿಹಾರ ಕಾರ್ಯ ಕೈಗೊಳ್ಳಬೇಕಾಗಿದೆ. ಅದಕ್ಕೆ ಸಾಕಷ್ಟು ಹಣ ಬೇಕಾಗಿದೆ. ಕೇಂದ್ರ ನೆರವು ಇನ್ನೂ ರಾಜ್ಯದ ಕೈ ಸೇರಿಲ್ಲ. ಇಷ್ಟೆಲ್ಲಾ ಗೊತ್ತಿದ್ದರೂ ಮತ್ತೆ ಬೇಡಿಕೆ ಇಟ್ಟಿರುವುದು ಯಾವ ನ್ಯಾಯ. ಕುಮಾರಸ್ವಾಮಿ ಸಾಲಮನ್ನಾ ಸೇರಿದಂತೆ ಹಲವು ಯೋಜನೆಗಳಿಗೆ ಹಣ ಹೊಂದಿಸಬೇಕಾದ ಒತ್ತಡದಲ್ಲಿದ್ದಾರೆ ಅನ್ನುವುದು ವೇಣುಗೋಪಾಲ್ ಗೆ ಮರೆತು ಹೋಯ್ತೇ.

ಈಗಾಗಲೇ ರಾಜ್ಯ ಸರ್ಕಾರ ಕೇರಳಕ್ಕೆ 10 ಕೋಟಿ ಘೋಷಿಸಿದೆ.ರಾಜ್ಯದ ಜನ ಕೂಡಾ ಸಾಕಷ್ಟು ಪ್ರಮಾಣದಲ್ಲಿ ಕೇರಳಕ್ಕೆ ಸ್ಪಂದಿಸಿದ್ದಾರೆ.ಮತ್ತಷ್ಟು ಸ್ಪಂದಿಸಬೇಕು ಅನ್ನುವಷ್ಟರಲ್ಲಿ ಕೊಡಗು ಬರಸಿಡಿಲಿನಂತೆ ಬಡಿಯಿತು. ಕೊಡಗಿನಲ್ಲಿ ಅನಾಹುತ ಆಗಿರದೇ ಇದ್ದರೆ ಇಡೀ ಕೇರಳಕ್ಕೆ ಕರ್ನಾಟಕ ಸ್ಪಂದಿಸುವ ರೀತಿಯೇ ಬೇರೆ.

ಆದರೆ ಇವೆಲ್ಲಾ ವೇಣುಗೋಪಾಲ್ ಗೆ ಅರ್ಥವಾದ ಹಾಗೇ ಕಾಣಿಸುತ್ತಿಲ್ಲ. ಅರ್ಥವಾಗಬೇಕಾದರೆ ರಿಷಬ್ ಶೆಟ್ಟಿಯ ಸರ್ಕಾರಿ ಹಿರಿಯ ಪ್ರಾಥಮಿಕ ಶಾಲೆ ಚಿತ್ರವನ್ನು ವೇಣುಗೋಪಾಲ್ ಅವರಿಗೆ ತೋರಿಸುವುದು ಬೆಟರ್.