Advertisements

ರಾಮ..ರಾಮಾ..ಲೇಡಿ ರೌಡಿ ಶೀಟರ್ ಗೆ ಶ್ರೀರಾಮಸೇನೆ ಮಹಿಳಾ ಅಧ್ಯಕ್ಷೆ ಪಟ್ಟ

ಶ್ರೀರಾಮಸೇನೆ ಸಂಘಟನೆಯ ಬೆಂಗಳೂರು ಮಹಿಳಾ ಘಟಕದ ಅಧ್ಯಕ್ಷೆಯಾಗಿ ಯಶಸ್ವಿನಿ ಗೌಡ ಅವರನ್ನು ಶ್ರೀರಾಮಸೇನೆ ಮುಖ್ಯಸ್ಥ ಪ್ರಮೋದ್ ಮುತಾಲಿಕ್ ನೇಮಿಸಿದ್ದಾರೆ.

ಬೆಂಗಳೂರಿನಲ್ಲಿ ಇಂದು ನಡೆದ ಸಮಾರಂಭದಲ್ಲಿ ಯಶಸ್ವಿನಿ ಗೌಡ ಅವರನ್ನು ಬೆಂಗಳೂರು ಮಹಿಳಾ ಘಟಕದ ಅಧ್ಯಕ್ಷೆಯಾಗಿ ಆಯ್ಕೆ ಮಾಡಲಾಯಿತು.

ಯಶಸ್ವಿನಿ ಗೌಡ ರೌಡಿ ಶೀಟರ್ ಆಗಿದ್ದು ಅವರನ್ನು ಅಧ್ಯಕ್ಷೆಯಾಗಿ ಆಯ್ಕೆ ಮಾಡಿದ್ದು ಇದೀಗ ವಿವಾದಕ್ಕೆ ಕಾರಣವಾಗಿದೆ. ಮೀಟರ್ ಬಡ್ಡಿ ದಂಧೆ ನಡೆಸುತ್ತಿದ್ದ ಯಶಸ್ವಿನಿ ಗೌಡ ವಿರುದ್ಧ ಸುಬ್ರಹ್ಮಣ್ಯಪುರ ಠಾಣೆಯಲ್ಲಿ ಪ್ರಕರಣವಿದ್ದು, ಇಂಥ ರೌಡಿ ಶೀಟರ್ಗೆ ಅಧಿಕಾರ ಕೊಟ್ಟಿದ್ದು ಎಷ್ಟು ಸರಿ ಎಂಬ ಬಗ್ಗೆ ಸಾರ್ವಜನಿಕ ವಲಯದಲ್ಲಿ ಚರ್ಚೆ ನಡೆಯುತ್ತಿದೆ.

ಯಶಸ್ವಿನಿ ಪತಿ ಮಹೇಶ್ ಕೂಡ ರೌಡಿ ಶೀಟರ್. ಮಹೇಶ್ ಯಶಸ್ವಿನಿ ಅವರ ಎರಡನೇ ಪತಿಯಾಗಿದ್ದು ಪುಟ್ಟೇನಹಳ್ಳಿ ಠಾಣೆಯಲ್ಲಿ ರೌಡಿಶೀಟರ್ ಆಗಿದ್ದಾರೆ. ತಮ್ಮ ಮೊದಲ ಪತಿಯ ಕೊಲೆಯಲ್ಲಿ ಯಶಸ್ವಿನಿ ಗೌಡ ವಿರುದ್ಧ ಆರೋಪ ಕೂಡ ಕೇಳಿಬಂದಿದೆ.

ಈ ಬಗ್ಗೆ ಪ್ರತಿಕ್ರಿಯೆ ನೀಡಿರುವ ಪ್ರಮೋದ್ ಮುತಾಲಿಕ್, ಸೇನೆಯ ಪದ್ಧತಿ ಪ್ರಕಾರ ಅವರನ್ನು ಆಯ್ಕೆ ಮಾಡಲಾಗಿದೆ. ರೌಡಿಶೀಟರ್ ಅನ್ನೋದು ಇವತ್ತು ಒಂದು ಫ್ಯಾಷನ್ ಆಗಿದೆ. ಹಿಂದೂ ಸಂಘಟನೆ ಕಾರ್ಯಕರ್ತರ ಮೇಲೆ ಕೂಡ ರೌಡಿಶೀಟ್ ಓಪನ್ ಮಾಡಲಾಗಿದೆ ಎಂದಿದ್ದಾರೆ. ನ್ಯಾಯಾಲಯದಲ್ಲಿ ಆರೋಪಿಯೆಂದು ಸಾಬೀತಾದರೆ ನಾವು ಅವರನ್ನು ಹುದ್ದೆಯಿಂದ ಕೆಳಗೆ ಇಳಿಸುತ್ತೇವೆ ಎಂದು ಹೇಳಿದ್ದಾರೆ.

ಶ್ರೀರಾಮ ಸೇನೆ ಬೆಂಗಳೂರು ನಗರ ಮಹಿಳಾ ಘಟಕದ ಅಧ್ಯಕ್ಷೆಯಾಗಿ ಅಧಿಕಾರ ಸ್ವೀಕರಿಸಿಕೊಂಡ ಮೇಲೆ ಮಾತನಾಡಿದ ಯಶಸ್ವಿನಿ ಗೌಡ, ಆರ್.ಟಿ.ನಗರದ ಅಂದಿನ ಇನ್ಸ್ ಪೆಕ್ಟರ್ ಕಾರಣದಿಂದ ರೌಡಿ ಶೀಟ್ ಓಪನ್ ಆಗಿದೆ. ಪ್ರಕರಣವೊಂದರಲ್ಲಿ ನಾನೇ ದೂರು ಕೊಟ್ಟು ಅವರನ್ನು ಅಮಾನತ್ತು ಮಾಡಿಸಿದ್ದೆ. ಇದರಿಂದಲೇ ಅವರು ನನ್ನ ವಿರುದ್ಧ ರೌಡಿಶೀಟ್ ಓಪನ್ ಮಾಡಿಸಿದರು ಎಂದಿದ್ದಾರೆ. ನಾನು ಯಾವ ಮಹಿಳೆಗೂ ಹೊಡೆದಿಲ್ಲ. ದೂರು ನೀಡಿದ್ದವರು ಕೋರ್ಟ್ನಲ್ಲಿ ರಾಜಿಯಾಗಿದ್ದಾರೆ. ಇವತ್ತಿನವರೆಗೂ ಯಾವುದೇ ಠಾಣೆಯಿಂದ ನೋಟಿಸ್ ಬಂದಿಲ್ಲ. ರೌಡಿಗಳೇನಾದರೂ ಸಮಾಜಸೇವೆ ಮಾಡಬಾರದು ಎಂದಿದೆಯಾ ಎಂದು ಪ್ರಶ್ನಿಸಿದ್ದಾರೆ.

ರೌಡಿ ಶೀಟರ್ ಪಟ್ಟ ಹೊಂದಿರುವವರಿಗೆ ಹಿಂದೂ ಸಂಘಟನೆಯ ಜವಾಬ್ದಾರಿ ಕೊಟ್ಟರೆ ಹೇಗೆ ಅನ್ನುವುದು ನಮ್ಮ ಪ್ರಶ್ನೆ. ಪ್ರಮೋದ್ ಮುತಾಲಿಕ್ ಮೇಲೆ ಸಾಕಷ್ಟು ಗೌರವ ಇತ್ತು. ಹಿಂದೂ ಸಂಘಟನೆಯ ಮುಖಂಡನಾಗಿ ಮಾಡಿದ ಕೆಲಸದ ಬಗ್ಗೆ ಪ್ರೀತಿ ಇತ್ತು. ಆದರೆ ಈಗ ರೌಡಿ ಶೀಟರ್ ಗಳು ಸಂಘಟನೆ ಒಳಗೆ ಬಂದರೆ ಸಮಾಜಕ್ಕೆ ಅದ್ಯಾವ ಪಾಠ ಹೇಳಲು ಸಾಧ್ಯ.

Advertisements

ಹೆತ್ತವರಾಗುವ ಸಂಭ್ರಮದಲ್ಲಿ ವಿದೇಶದಲ್ಲಿ ಫೋಟೋಶೂಟ್​

ಕಳೆದೆರಡು ವರ್ಷಗಳಿಂದ ಕೆಜಿಎಫ್’ ಸಿನಿಮಾದಲ್ಲಿ ಮುಳುಗಿ ಹೋಗಿದ್ದ ಯಶ್​ ಈಗ ಗರ್ಭಿಣಿ ಪತ್ನಿಗಾಗಿ ಸಮಯ ಮೀಸಲಾಗಿಟ್ಟಿದ್ದಾರೆ.

ರಾಧಿಕಾ ಜೊತೆ ವಿದೇಶಿ ಪ್ರವಾಸ ಕೈಗೊಂಡಿರುವ ಅವರು ಮಾಲ್ಡೀವ್ಸ್​ನಲ್ಲಿ ಫೋಟೋ ಶೂಟ್​ ಮಾಡಿಸಿದ್ದಾರೆ.

ಈಗ ಫೋಟೋ ಶೂಟ್​ನ ಒಂದೊಂದು ಫೋಟೋಗಳನ್ನು ರಾಧಿಕಾ ತಮ್ಮ ಸಾಮಾಜಿಕ ಜಾಲತಾಣಗಳಲ್ಲಿ ಪೋಸ್ಟ್​ ಮಾಡುತ್ತಿದ್ದಾರೆ ರಾಧಿಕಾ.

ಒಂದೇ ಒಂದು ವಿದ್ಯಾರ್ಥಿನಿಗಾಗಿ ಮತ್ತೆ ಶಾಲೆ ತೆರೆದ ಸರ್ಕಾರ

ಕೋಲಾರ ಜಿಲ್ಲೆಯ ಶ್ರೀನಿವಾಸಪುರ ತಾಲೂಕಿನ ಒಬೆನಹಳ್ಳಿಯಲ್ಲಿ 1978ರ ಹೊತ್ತಿಗೆ ನಿರ್ಮಾಣ ಗೊಂಡ ಸರ್ಕಾರಿ ಶಾಲೆಯಲ್ಲಿ ಸಾಕಷ್ಟು ವಿದ್ಯಾರ್ಥಿಗಳಿದ್ದರು. ಆಗೆಲ್ಲಾ ಖಾಸಗಿ ಶಾಲೆಗಳ ದರ್ಬಾರು ಶುರುವಾಗಿರಲಿಲ್ಲ. 2010ರಲ್ಲೂ ಶಾಲೆಯಲ್ಲಿ ವಿದ್ಯಾರ್ಥಿಗಳ ಸಂಖ್ಯೆ ಸಾಕಷ್ಟಿತ್ತು. ಆದರೆ ಸುತ್ತ ಮುತ್ತ ಖಾಸಗಿ ಶಾಲೆಗಳು ಹೆಚ್ಚಾಗುತ್ತಿದ್ದಂತೆ ವಿದ್ಯಾರ್ಥಿಗಳ ಸಂಖ್ಯೆ ಕಡಿಮೆಯಾಯಿತು.

ಆರ್’ಟಿಇ ಕಾಯ್ದೆಯಿಂದ ವಿದ್ಯಾರ್ಥಿಗಳ ಸಂಖ್ಯೆ ಕಡಿಮೆಯಾಯ್ತು ಎಂದು ಶಾಲೆಯಲ್ಲಿ ಕೆಲಸ ಮಾಡುತ್ತಿದ್ದ ಶಿಕ್ಷಕರು ದೂಷಿಸಿದರು

2016-17 ಶಾಲೆಯಲ್ಲಿ ಹಾಜರಾತಿಯೇ ಇರಲಿಲ್ಲ. ಕೊನೆಗೆ ಮಕ್ಕಳ ಕೊರತೆಯಿಂದಾಗಿ ಶಾಲೆ ಮುಚ್ಚಿ ಹೋಯ್ತು.

ಈ ವೇಳೆ 11 ವರ್ಷದ ನಂದಿತಾ ಎಂಬ ಬಾಲಕಿಯ ಪೋಷಕರು ತೀವ್ರ ಆಘಾತಕ್ಕೊಳಗಾಗಿದ್ದರು. ಕೂಲಿ ಕಾರ್ಮಿಕರಾಗಿದ್ದ ನಂದಿತಾ ಪೋಷಕರು ಮಗಳಿಗೆ ಚೆನ್ನಾಗಿ ವಿದ್ಯಾಭ್ಯಾಸ ಕೊಡಿಸುವ ಕನಸು ಹೊಂದಿದ್ದರು. ಶಾಲೆ ಮುಚ್ಚಿ ಹೋದ ಕಾರಣ,ಬೇರೆ ಶಾಲೆಗೆ ಹೋಗಬೇಕಾದರೆ ಬಹಳ ದೂರ ಹೋಗಬೇಕಿತ್ತು. ಮಾತ್ರವಲ್ಲದೆ ಇತ್ತೀಚನ ಕೆಲ ಅಘಾತಕಾರಿ ಬೆಳವಣಿಗೆಯಿಂದ ನಂದಿತಾ ಭದ್ರತೆ ಬಗ್ಗೆ ಕೂಡ ಮುಖ್ಯವಾಗಿತ್ತು.

ಹೀಗಾಗಿ ಒಂದಿಷ್ಟು ತಿಳುವಳಿಕೆ ಉಳ್ಳವರನ್ನು ಸಂಪರ್ಕಿಸಿದ ಪೋಷಕರು ತಮ್ಮ ಆತಂಕವನ್ನು ಹೊರ ಹಾಕಿದರು. ಶಾಲೆ ಮರು ತೆರೆಯುವಂತೆ ಮಾಡಲು ನಂದಿತಾ ಪೋಷಕರು ಹಿಡಿದ ಪಟ್ಟು ಅರ್ಥ ಮಾಡಿಕೊಂಡ ಗ್ರಾಮಸ್ಥರು ಕೂಡಾ ಹೋರಾಟಕ್ಕೆ ಕೈ ಜೋಡಿಸಿದರು.

ಈ ಹೋರಾಟದಲ್ಲಿ ಸರ್ಕಾರದ ಕಣ್ಣು ತೆರೆಸುವಲ್ಲಿ ಯಶಸ್ವಿಯಾಯ್ತು.

ಇದೀಗ 2017-18ನೇ ಶೈಕ್ಷಿಣಿಕ ವರ್ಷದಲ್ಲಿ ಶಾಲೆಯನ್ನು ಮತ್ತೆ ತೆರೆಯಲಾಗಿದ್ದು, ಶಾಲೆಯಲ್ಲಿ ಇದೀಗ ನಂದಿತಾ ಒಬ್ಬಳೇ ವಿದ್ಯಾರ್ಥಿ ಇದ್ದಾಳೆ. ಈಕೆಗಾಗಿ ಸರ್ಕಾರ ಕೋಮಲಾ ಜಿ.ಕೆ ಅನ್ನುವ ಓರ್ವ ಮಹಿಳಾ ಶಿಕ್ಷಕಿಯನ್ನು ಕೂಡ ನೇಮಕ ಮಾಡಿದೆ. ಜೊತೆಗೆ ಬಾಲಕಿಗೆ ಮಧ್ಯಾಹ್ನದ ಬಿಸಿಯೂಟವೂ ಸಿಗುತ್ತಿದೆ.

ಅಂತು ಇಂತು…ಮಗಳು ಜಾನಕಿ ಮದುವೆಯಾಯ್ತು..ಇನ್ನು ಶುರು ಕೋರ್ಟ್ ಕಚೇರಿ

ಸಾಕಷ್ಟು ಕುತೂಹಲ ಘಟ್ಟದತ್ತ ಸಾಗುತ್ತಿರುವ ಮಗಳು ಜಾನಕಿ ಧಾರವಾಹಿಯಲ್ಲಿ, ಜಾನಕಿಯ ಮದುವೆ ಕೊನೆಗೂ ನಿರಂಜನ್ ಜೊತೆ ನಡೆದು ಹೋಗಿದೆ.

ಭಾರ್ಗಿಯ ಬಂಟರ ಕೈಯಿಂದ ಬಿಡುಗಡೆಯಾಗಿ ಬಂದಿರುವ ಆನಂದ, ಮದುವೆ ತಡೆಯಲು ಮುಂದಾದರೂ ಅದು ವಿಫಲ ಪ್ರಯತ್ನವಾಗಿ ಹೋಗಿದೆ.

ಈ ನಡುವೆ ಮದುವೆಗೆ ನಿರಂಜನ್ ಸಹೋದರ ಪ್ರಭಂಜನ ಬಂದಿರೋದು, ನಿರಂಜನ್ ನಕಲಿ ಅಪ್ಪನ ಮೇಲೆ ಭಾರ್ಗಿಯ ಕೂಗಾಟ ಮುಂದಿನ ದಿನಗಳಲ್ಲಿ ಧಾರವಾಹಿಯಲ್ಲಿ ಪ್ರಮುಖ ಘಟನೆಗಳಾಗುವ ಸಾಧ್ಯತೆಗಳಿದೆ.

ಜೊತೆಗೆ ಭಾರ್ಗಿಯ ಮೇಲೆ ಕಿಡ್ನಾಪ್ ಪ್ರಕರಣ ದಾಖಲಾಗುವ ಸಾಧ್ಯತೆಗಳಿದ್ದು, ಅದನ್ನು ತಡೆಯಲು ಕಸರತ್ತು ಪ್ರಾರಂಭವಾಗಿದೆ.
ಮಾತ್ರವಲ್ಲದೆ ನಿರಂಜನ್ IAS ಅಲ್ಲ ಅನ್ನುವ ಸತ್ಯ ಕೂಡಾ ಮುಂದಿನ ವಾರದಲ್ಲಿ ಬಹಿರಂಗವಾಗುವ ನಿರೀಕ್ಷೆ ಇದೆ.

ಹೀಗಾಗಿ ಮುಂದೇನು ಅನ್ನುವ ಕುತೂಹಲ ಸಹಜವಾಗಿಯೇ ವೀಕ್ಷಕರಲ್ಲಿದೆ. ಜೊತೆಗೆ ನಿರ್ದೇಶಕ ಟಿಎನ್ ಸೀತಾರಾಂ ಕೋರ್ಟ್ ಪ್ರವೇಶಕ್ಕೂ ವೇದಿಕೆ ಸಿದ್ದಗೊಂಡಿದೆ. ಹೀಗಾಗಿ ಒಂದಿಷ್ಟು ಕವನ, ಹಾಸ್ಯಗಳು ಎಂಟ್ರಿಯಾಗುವುದು ಗ್ಯಾರಂಟಿ.

ಕಾಲು ಕೆಜಿ ಸ್ವೀಟ್ ಗಾಗಿ ಕ್ಯೂ ಕಟ್ಟಿ ನಿಂತ ಜನ

ಜನ ನೋಟ್ ಬ್ಯಾನ್ ಆದ ವೇಳೆ ಬಾಯಿಗೆ ಬಂದಂತೆ ಟೀಕಿಸಿದರು. ಎಟಿಎಂ ಮುಂದೆ ನಿಂತು ಕಾಲು ನೋವು ಎಂದು ಕಣ್ಣೀರು ಹಾಕಿದರು.

ಆದರೆ ಮಲ್ಲೇಶ್ವರಂನಲ್ಲಿ ಕಾಲು ಕೆಜಿ ಸ್ವೀಟ್ ಗಾಗಿ ಜನ ಕ್ಯೂ ನಿಂತ ಪರಿ ಇದೆಯಲ್ಲ ಅದ್ಭುತ.

42104302_2145393155703173_3768889237382889472_n

ಮಲ್ಲೇಶ್ವರಂ ಸಿಟಿಆರ್ ಬಳಿ ಇರುವ ಶ್ರೀಕೃಷ್ಣ ಸ್ವೀಟ್ಸ್ ಅಂಗಡಿಯವರು ಮೈಸೂರು ಪಾ ಅನ್ನುವ ಸ್ವೀಟ್ ಅನ್ನು ರಿಯಾಯತಿ ದರ ಕೊಡ್ತೀನಿ ಎಂದು ನೋಟೀಸ್ ಅಂಟಿಸಿದ್ದೇ ತಡ, ಜನ ಎಲ್ಲಿದ್ದರೋ ಗೊತ್ತಿಲ್ಲ, ಟೋಕನ್ ಪಡೆದು ಕ್ಯೂ ನಿಂತರು. ಮಳೆಯನ್ನು ಲೆಕ್ಕಿಸದೆ ಕ್ಯೂ ನಿಂತ ಶೈಲಿ ನೋಡಿದರೆ ಅಮೃತವೇ ಸಿಗುತ್ತದೆ ಅಂದುಕೊಳ್ಳಬೇಕು.

42340618_2145393195703169_8330824605216276480_n

ಹಾಗಂತ ಮೈಸೂರು ಪಾ ವನ್ನು ಕೇವಲ ಒಬ್ಬನಿಗೆ ಅರ್ಧ ಅಥವಾ ಕಾಲು ಕೆ.ಜಿ. ಮಾತ್ರ ಕೊಡ್ತಾ ಇದ್ರು. ಇನ್ನು ಅಂಗಡಿ ಒಳಗೆ ಹೊಡೆದಾಟ ಆಯ್ತು ಎಂದು ನೂಕು ನುಗ್ಗಲು ಹೆಚ್ಚಾಗಿ ಕೊನೆಗೆ ಪೊಲೀಸರು ಬಂದು ಅಂಗಡಿ ಬಾಗಿಲು ಕೂಡಾ ಮುಚ್ಚಿಸಿದ್ದರು.
ಅಂಗಡಿ ಮುಚ್ಚಿದ ಮೇಲೂ ಜನ ಚದುರಿದ್ರ ಖಂಡಿತಾ ಇಲ್ಲ, ಈಗಲ್ಲ ಮತ್ತೆ ಅಂಗಡಿ ತೆರೆಯುತ್ತಾರೆ ಎಂದು ಕಾದು ಕೂತಿದ್ದರು.
ಇವೆಲ್ಲಾ ನಡೆದದ್ದು ನಿನ್ನೆ.

 

42310997_2145393265703162_5024023743794511872_n.jpg

( ಫೋಟೋ ಕೃಪೆ – Suneel Krishna Sonnappanahali)

ವರ್ಷದೊಳಗೆ ಕೋತಿ, ಹಸು ಸಂಸ್ಕೃತ, ತಮಿಳು ಮಾತನಾಡುವಂತೆ ಮಾಡ್ತಾರಂತೆ ನಿತ್ಯಾನಂದ

ಕೋತಿ, ಹಸು, ಸಿಂಹಗಳು ಸಂಸ್ಕೃತ ಮತ್ತು ತಮಿಳಿನಲ್ಲಿ ಮಾತನಾಡಲು ಸಾಧ್ಯವೇ..ಮಾಡಿ ತೋರಿಸುತ್ತೇನೆ ಎಂದು ಪ್ರಮಾಣ ಮಾಡುವುದಾಗಿ ಸ್ವಘೋಷಿತ, ವಿವಾದಿತ ದೇವಮಾನವ ನಿತ್ಯಾನಂದ ಸ್ವಾಮಿ ಹೇಳಿದ್ದಾರೆ.

ಭಕ್ತರನ್ನು ಉದ್ದೇಶಿಸಿ ಹೇಳಿದ ಈ ಮಾತುಗಳ ವಿಡಿಯೋ ಈಗ ಸಾಮಾಜಿಕ ಜಾಲತಾಣದಲ್ಲಿ ವೈರಲ್​ ಆಗಿದೆ.

ಕೋತಿಗಳು ಸೇರಿ ಹಲವು ಪ್ರಾಣಿಗಳಿಗೆ ಮನುಷ್ಯರಲ್ಲಿರುವ ಅನೇಕ ಒಳ ಅಂಗಗಳು ಇಲ್ಲ. ಆದರೆ, ಆ ಪ್ರಾಣಿಗಳಲ್ಲಿನ ಆಂತರಿಕ ಜಾಗೃತಾವಸ್ಥೆಯನ್ನು ಬೆಳೆಸುವ ಮೂಲಕ ಮಾತನಾಡುವಂತೆ ಮಾಡಬಹುದು. ನಾನು ಇದನ್ನು ವೈಜ್ಞಾನಿಕ, ವೈದ್ಯಕೀಯ ಪರೀಕ್ಷೆ, ಸಂಶೋಧನೆ ಮೂಲಕ ಸಾಬೀತು ಪಡಿಸುತ್ತೇನೆ ಅಂದಿದ್ದಾರೆ.

ಪ್ರಾಣಿಗಳು ಮಾತನಾಡುವಂತೆ ಮಾಡಲು ಸಾಫ್ಟ್​ವೇರ್​ ಇದೆ. ಈ ಸಾಫ್ಟ್​ವೇರ್​ ಅನ್ನು ಪರೀಕ್ಷೆ ಮಾಡಿದ್ದೇನೆ. ಚೆನ್ನಾಗಿಯೇ ಕೆಲಸ ಮಾಡುತ್ತದೆ. ಇನ್ನೊಂದು ವರ್ಷದೊಳಗೆ ಸಾಫ್ಟ್​ವೇರ್​ ಅಭಿವೃದ್ಧಿಗೊಳಿಸಿ ಪ್ರಾಣಿಗಳು ಸಂಸ್ಕೃತ, ತಮಿಳು ಮಾತನಾಡುವಂತೆ ಮಾಡುತ್ತೇನೆ ಎಂದು ಆತ್ಮವಿಶ್ವಾಸದಿಂದ ಹೇಳಿದ್ದಾರೆ.

ನಿರೀಕ್ಷಿಸಿದಷ್ಟು ಮಕ್ಕಳನ್ನು ಪಡೆಯಬೇಕಾ..ಹೀಗೆ ಮಾಡಿ

ಅಮೆರಿಕಾದ ಕಾರ್ನೆಲ್ ವಿಶ್ವವಿದ್ಯಾಲಯದ ಪ್ರಾಧ್ಯಾಪಕರು ಸಂಶೋಧನ ವರದಿಯೊಂದನ್ನು ಬಿಡುಗಡೆ ಮಾಡಿದ್ದು, ಸಂಶೋಧನೆಯ ವರದಿಯಲ್ಲಿ, ಸಾಮಾನ್ಯ ಮಹಿಳೆಯರಿಗೆ ಹೋಲಿಕೆ ಮಾಡಿದರೆ, 5 ತಿಂಗಳು ಅಥವಾ ಅದಕ್ಕಿಂತಲೂ ಹೆಚ್ಚು ಕಾಲ ಸ್ತನಪಾನ ಮಾಡಿರುವ ಮಹಿಳೆಯರಿಗೆ ಹೆಚ್ಚೆಚ್ಚು ಮಕ್ಕಳಾಗುತ್ತವೆ ಎಂದು ಹೇಳಲಾಗಿದೆ.

5 ತಿಂಗಳು ಅಥವಾ ಅದಕ್ಕಿಂತಲೂ ಹೆಚ್ಚು ಕಾಲ ಸ್ತನಪಾನ ಮಾಡಿರುವ ಮಹಿಳೆಯರಿಗೆ ಸಂತಾನ ಶಕ್ತಿ ಹೆಚ್ಚಾಗಿರುತ್ತದೆ ಅನ್ನುವುದನ್ನು ಈ ಸಂಶೋಧನೆ ಖಚಿತ ಪಡಿಸಿದೆ.

ಯಾರು ಕಡಿಮೆ ಸಮಯ ಸ್ತನಪಾನ ಮಾಡಿಸುತ್ತಾರೋ ಅಂತಹ ಮಹಿಳೆಯರಲ್ಲಿ ಸಂತಾನ ಶಕ್ತಿ ಕಡಿಮೆಯಾಗಿರುತ್ತದೆಯಂತೆ.ಹೆಚ್ಚು ಕಾಲ ಸ್ತನಪಾನ ಮಾಡಿಸುವ ಮಹಿಳೆಯಲು ತಾವು ನಿರೀಕ್ಷಿಸಿದಷ್ಟು ಮಕ್ಕಳನ್ನು ಪಡೆಯಬಹುದಾಗಿದೆಯಂತೆ.

ಕಾರ್ನೆಲ್ ವಿಶ್ವವಿದ್ಯಾಲಯದ ಪ್ರಾಧ್ಯಪಕಿ ವಿದಾ ಮರಾಲಾನಿಯವರು ಈ ಮಾಹಿತಿ ನೀಡಿದ್ದು, ಸಂಶೋಧನೆ ಸಲುವಾಗಿ ರಾಷ್ಟ್ರೀಯ ಪ್ರತಿನಿಧಿಗಳಿಂದ ದತ್ತಾಂಶಗಳನ್ನು ಸಂಗ್ರಹಿಸಿದ್ದು, 1979ರಿಂದ 2012ರವರೆಗೂ 3,700 ತಾಯಿಯಂದಿರ ಮಾಹಿತಿಗಳನ್ನು ಸಂಗ್ರಹಿಸಿಲಾಗಿದೆ.

ಆದರೆ ಸಂಶೋಧನೆ ಪ್ರಕಾರ ಸ್ತನಪಾನ ಮಾಡಿಸುವ ಮಹಿಳೆಯರು ಎಷ್ಟು ಮಕ್ಕಳನ್ನು ಹೆರಬಹುದು ಎಂದು ಹೇಳಲು ಸಾಧ್ಯವಿಲ್ಲ. ಆದರೆ, ಎಷ್ಟು ಸಮಯ ಮಹಿಳೆ ಸ್ತನಪಾನ ಮಾಡಿಸಬಲ್ಲಳು ಎಂಬುದನ್ನು ತಿಳಿದ ಬಳಿಕ ಆಕೆಯ ಸಂತಾನ ಶಕ್ತಿಯನ್ನು ತೀರ್ಮಾನಿಸಬಹುದು ಎಂದು ವರದಿಯಲ್ಲಿ ತಿಳಿಸಲಾಗಿದೆ.

ಅಕ್ಟೋಬರ್ 29ರ ವರೆಗೆ ಮಂಗಳೂರು ಬೆಂಗಳೂರು ರೈಲು ಓಡುವುದಿಲ್ಲ

ಬೆಂಗಳೂರು: ಸಕಲೇಶಪುರ – ಸುಬ್ರಹ್ಮಣ್ಯ ರೋಡ್ ಘಾಟ್ ವಿಭಾಗದಲ್ಲಿ ದುರಸ್ತಿ ಕಾರ್ಯ ವಿಳಂಬವಾಗುತ್ತಿರುವುದರಿಂದ ಅಕ್ಟೋಬರ್ 29ರವರೆಗೆ ಬೆಂಗಳೂರು-ಮಂಗಳೂರು ಮಧ್ಯೆ ರೈಲ್ವೆ ಸಂಚಾರ ರದ್ದಾಗಲಿದೆ.

ಕೆಂಪೇಗೌಡ ಸಂಗೊಳ್ಳಿ ರಾಯಣ್ಣ ನಿಲ್ದಾಣದಿಂದ -ಕಣ್ಣೂರು/ಕಾರವಾರ ಎಕ್ಸ್ ಪ್ರೆಸ್ ರೈಲು ಸಂಖ್ಯೆ 16511/16513 ರೈಲು ಅಕ್ಟೋಬರ್ 28ರವರೆಗೆ, ಕೆಎಸ್ಆರ್ ಬೆಂಗಳೂರು-ಕಣ್ಣೂರು/ಕಾರವಾರ ಎಕ್ಸ್ ಪ್ರೆಸ್ ರೈಲು ಸಂಖ್ಯೆ 16517/ 16523 ಅಕ್ಟೋಬರ್ 25ರವರೆಗೆ, ಕಣ್ಣೂರು/ಕಾರವಾರ-ಕೆಎಸ್ಆರ್ ಬೆಂಗಳೂರು ಎಕ್ಸ್ ಪ್ರೆಸ್ ರೈಲು ಸಂಖ್ಯೆ 16512/16524 ಅಕ್ಟೋಬರ್ 29ರವರೆಗೆ ರದ್ದು ಗೊಂಡಿದೆ.

ಇನ್ನು ವಿಶೇಷ ರೈಲು ಸಂಖ್ಯೆ 06515 ಯಶವಂತಪುರದಿಂದ ಹಾಸನದವರೆಗೆ ಅಕ್ಟೋಬರ್ 22 ಮತ್ತು 29ರಂದು, ವಿಶೇಷ ರೈಲು ಸಂಖ್ಯೆ 06576 ಹಾಸನದಿಂದ ಯಶವಂತಪುರದವರೆಗೆ ಅಕ್ಟೋಬರ್ 23ರಂದು ಸಂಚರಿಸಲಿದೆ.

ಕಳೆದ ಕೆಲ ತಿಂಗಲ ಹಿಂದೆ ಸುರಿದ ಭಾರೀ ಮಳೆಗೆ ಈ ಮಾರ್ಗದ ಹಳಿ ಮೇಲೆ ಗುಡ್ಡ ಕುಸಿದು ಬಿದ್ದಿತ್ತು.

ಸಕಲೇಶಪುರದವರೆಗೆ ಪ್ರಯಾಣಿಕರು ರೈಲಿನಲ್ಲಿ ಹೋಗಲು ಯಾವುದೇ ಅಡ್ಡಿಯಿಲ್ಲ, ಅಲ್ಲಿಯವರೆಗೆ ರೈಲಿನಲ್ಲಿ ಸಂಚರಿಸಿ ಅಲ್ಲಿಂದ ಪ್ರಯಾಣಿಕರು ಬೇರೆ ಸಂಚಾರ ವಾಹನಗಳನ್ನು ಬಳಸಬೇಕಾಗುತ್ತದೆ.

ದೊಡ್ಡಣ್ಣನಿಂದ ‘ಸುಖ’ ಸಿಗಲಿಲ್ಲ – ಟ್ರಂಪ್ ಜೊತೆ ಲೈಂಗಿಕ ಕ್ರಿಯೆ ಅತ್ಯಂತ ಕನಿಷ್ಠ ಸಂತಸ ನೀಡಿತ್ತು

ಅಮೆರಿಕದ ವಿವಾದಿತ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಅವರ ಪಲ್ಲಂಗ ಪುರಾಣಗಳು ಒಂದೊಂದೇ ಬೆಳಕಿಗೆ ಬರುತ್ತಿವೆ. ನೀಲಿ ಚಿತ್ರಗಳ ತಾರೆಯರೊಂದಿಗೆ ಚಕ್ಕಂದವಾಡಿ ಮಾಧ್ಯಮಗಳಿಗೆ ಸುದ್ದಿಗಳ ಭರ್ಜರಿ ಭೋಜನ ನೀಡುತ್ತಿರುವ ಅಧ್ಯಕ್ಷರ ರಸಿಕತೆ ಬಗ್ಗೆ ಅನೇಕ ಸ್ವಾರಸ್ಯಕರ ಸಂಗತಿಗಳು ಕೇಳಿಬರುತ್ತಿವೆ. ಇದೇ ವೇಳೆ ಅಮೆರಿಕದ ಪೋರ್ನ್ ಸ್ಟಾರ್ ಸ್ಟ್ರೋಮಿ ಡೇನಿಯಲ್ಸ್, ಪಲ್ಲಂಗದಲ್ಲಿ ಟ್ರಂಪ್ ವಿಫಲತೆ ಬಗ್ಗೆ ಇದೇ ಮೊದಲ ಬಾರಿಗೆ ಬಾಯಿ ಬಿಟ್ಟಿದ್ದಾಳೆ.

ಫುಲ್ ಡಿಸ್ಕ್ಲೋಷರ್ ಎಂಬ ಪುಸ್ತಕದಲ್ಲಿ ಡೊನಾಲ್ಡ್ ಟ್ರಂಪ್ ಬಗ್ಗೆ ಬರೆದಿರುವ ಸ್ಟಾರ್ಮಿ ಡೇನಿಯಲ್ಸ್, ” ಡೊನಾಲ್ಡ್ ಟ್ರಂಪ್ ಅಸಾಮಾನ್ಯ ಶಿಶ್ನ ಹೊಂದಿದ್ದರು. 2006 ರಲ್ಲಿ ಕ್ಯಾಲಿಫೋರ್ನಿಯಾದಲ್ಲಿ ನಡೆದ ಸೆಲಬ್ರಿಟಿ ಗಾಲ್ಫ್ ಕಾರ್ಯಕ್ರಮದಲ್ಲಿ ಡೊನಾಲ್ಡ್ ಟ್ರಂಪ್ ಜೊತೆಗೆ ಹಾಸಿಗೆ ಹಂಚಿಕೊಂಡಿದ್ದಾಗಿ ಸ್ಟಾರ್ಮಿ ಡೇನಿಯಲ್ಸ್ ಹೇಳಿದ್ದಾರೆ.

ನೀಲಿ ಚಿತ್ರ ತಾರೆ ಸ್ಟಾರ್ಮಿ ಡೇನಿಯಲ್ಸ್ ಈ ಮೂಲಕ ಹೊಸ ವಿವಾದವನ್ನು ಸೃಷ್ಟಿಸಿದ್ದಾರೆ.

2462

ಸೆಲೆಬ್ರಿಟಿ ಗಾಲ್ಫ್ ಟೂರ್ನಿಮೆಂಟ್ ವೇಳೆ ಟ್ರಂಪ್ ಮತ್ತು ನನ್ನ ಸಮಾಗಮ ಆಗಿತ್ತು. ಆಗ ಟ್ರಂಪ್ ಪತ್ನಿ ಟೆಲಿವಿಷನ್ ಸ್ಟಾರ್ ಮೆಲಾನಿಯಾ, ಬರೋನ್ ಹೆಸರಿನ ಗಂಡು ಮಗುವಿಗೆ ಜನ್ಮ ನೀಡಿ ಬಾಣಂತನದಲ್ಲಿದ್ದರು. ಇದೇ ವೇಳೆ ಟ್ರಂಪ್ ನನ್ನೊಂದಿಗೆ ಚಕ್ಕಂದ ಆಡಿದರು. ಆದರೆ ಅದು ಅತ್ಯಂತ ಕನಿಷ್ಠ ಸಂತಸ ನೀಡಿತ್ತು ಎಂದು ಹೇಳಿರುವ ಸ್ಟಾರ್ಮಿ ಡೇನಿಯಲ್ಸ್, ಡೊನಾಲ್ಡ್ ಟ್ರಂಪ್ ಅವರ ಮರ್ಮಾಂಗ ಮಾರಿಯೋ ಕಾರ್ಟ್ ನಲ್ಲಿ ಬರುವ ಮಶ್ರೂಮ್ ಪಾತ್ರದ ರೀತಿಯಲ್ಲಿತ್ತು ಎಂದು ಪುಸ್ತಕದಲ್ಲಿ ಬರೆದಿರುವುದನ್ನು ದಿ ಗಾರ್ಡಿಯನ್ ವರದಿ ಮಾಡಿದೆ.

maxresdefault

ಈ ಬ್ಲೂಫಿಲ್ಮ್ ಸ್ಟಾರ್ ಬರೆದಿರುವ ಪುಸ್ತಕಕ್ಕೆ ಬಿಡುಗಡೆಗೆ ಮುನ್ನ ಭಾರೀ ಡಿಮ್ಯಾಂಡ್ ಲಭಿಸಿದೆ. ಟ್ರಂಪ್‍ನ ಪಲ್ಲಂಗ ಪುರಾಣಗಳು, ಆತನ ವಿಫಲ ಮೈಥುನಗಳ ಇತ್ಯಾದಿಗಳ ವಿವರಗಳು ಇದರಲ್ಲಿವೆ ಎನ್ನಲಾಗಿದೆ. ಅಮೆರಿಕದ ಮಹತ್ವದ ಮಧ್ಯಂತರ ಚುನಾವಣೆ ಮುನ್ನವೇ ಅಕ್ಟೋಬರ್ 2ರಂದು ಈ ಪುಸ್ತಕ ಬಿಡುಗಡೆಯಾಗಲಿದ್ದು, ಇದರ ಪ್ರತಿ ಗಾರ್ಡಿಯನ್ ಪತ್ರಿಕೆಗೆ ಲಭಿಸಿದೆ.

TrumpDaniels_may03